ରାୟଗଡ଼, ୦୮/୦୨ : ଟାୟାର ଫାଟି ଓଲଟିଲା ମିନିଟ୍ରକ୍। ଗଜପତି ଜିଲ୍ଲା ରାୟଗଡ଼ ଥାନା ଅନ୍ତର୍ଗତ ଲାଞ୍ଜିପଦର ଗ୍ରାମ ନିକଟରେ ଗୁରୁବାର ଏହି ଦୁର୍ଘଟଣା ଘଟିଛି। ଏହି ଦୁର୍ଘଟଣାରେ ୫ ଗୁରୁତର ହୋଇଛନ୍ତି। ଘଟଣା ସ୍ଥଳରେ ସ୍ଥାନୀୟ ଲୋକେ ପହଞ୍ଚି ଲୋକଙ୍କୁ ଉଦ୍ଧାର କରିଥିବା ଜଣାପଡିଛି।
ସୂଚନାନୁଯାୟୀ, ଏକ ସିମେଣ୍ଟ ଇଟା ବୋଝେଇ ମିନିଟ୍ରକ୍ ରାୟଗଡ଼ ଆସୁଥିବା ବେଳେ ଲାଞ୍ଜିପଦର ଗ୍ରାମ ନିକଟରେ ଗାଡିର ପଛ ଚକା ଟାୟାର୍ ଫାଟି ଯାଇଥିଲା। ଫଳରେ ଗାଡିରେ ବସିଥିବା ୫ ଶ୍ରମିକ ଗୁରୁତର ହୋଇଥିଲେ। ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ସ୍ଥାନୀୟ ଲୋକଙ୍କ ସହାୟତାରେ ସେମାନଙ୍କୁ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇଥିବା ଜଣାପଡିଛି।
