ମାଲକାନଗିରି,୧୧।୫: ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡ ରାଜ୍ୟ ବିଜାପୁର ଜିଲ୍ଲା ପୋଲିସ ଜଣେ ମହିଳା ମାଓବାଦୀଙ୍କୁ ଗିରଫ କରିଛି । ସୂଚନା ଅନୁଯାୟୀ ମାଓ ଦମନ ଅଭିଯାନରେ ଫରସେଗଡ ଥାନା ଓ କୁଟରୁ ଥାନାର ସୁରକ୍ଷା କର୍ମୀ ମିଳିତ ବାବେ କୁଟୁରୁ ଥାନା ଓ ତେଲିପେଟା ଅଂଚଳରେ କୁମ୍ବିଂ ଅପରେସନ କରୁଥିବା ସମୟରେ ଜଣେ ମହିଳା ମାଓବାଦୀଙ୍କୁ ଗିରଫ କରିଥିଲେ । ଉକ୍ତ ମହିଳା ଜଣକ ବିଜାପୁର ଜିଲ୍ଲା ଫରସେଗଡ ଥାନା ଅନ୍ତର୍ଗତ ସି.ଏନ୍‌.ଏମ୍‌. ସଦସ୍ୟା ଶାନ୍ତି କୁରସମ ବୋଲି ଜଣାପଡିଛି । ତାଙ୍କ ନାମରେ ଫରସେଗଡ ଥାନାରେ  ମାମଲା ଦାୟର ହୋଇଥିବା ବେଳେ ଉକ୍ତ ମହିଳା ମାଓବବାଦୀ ଜଣକ ଗତ ୧୫ ଡିସେମ୍ବର ୨୦୨୦ ମସିହାରେ ରାସ୍ତା ନିର୍ମାଣ କାର୍ଯ୍ୟରେ ନିୟୋଜିତ ଥିବା ଗାଡିକୁ ନିଆଁ ଲଗାଇ ଧ୍ୱଂସ କରିବା ଘଟଣାରେ ସାମିଲ ଥିଲେ । ତେବେ ପୋଲିସ ଉକ୍ତ ମହିଳା ମାଓବାଦୀଙ୍କୁ ଗିରଫ କରି ଆଜି କୋର୍ଟ ଚାଲାଣ କରିଥିବା ବିଜାପୁର ଏସ୍‌.ପି. ସୂଚନା ଦେଇଛନ୍ତି ।