ନୂଆଦିଲ୍ଳୀ,୨୧।୫: ଭାରତୀୟ ସେନା ପ୍ରାଚୀନ ଗ୍ରନ୍ଥ ସାହାଯ୍ୟରେ ରାଜକୌଶଳ, ଯୁଦ୍ଧ, କୁଟନୀତି ଓ ରଣନୀତିକୁ ଏବେ ବ୍ୟବହାର କରିବାକୁ ଚାହେଁ। ସେନା ମୁଖ୍ୟ ଜେନେରାଲ ମନୋଜ ପାଣ୍ଡେ  ମଙ୍ଗଳବାର କହିଛନ୍ତି, ଭାରତୀୟ ସେନା ଏକ ପ୍ରୋଜେକ୍ଟ ଉପରେ କାମ କରୁଛି। ସେନା ମୁଖ୍ୟ ‘ହିଷ୍ଟୋରିକାଲ ପାର୍ଟନ ଇନ୍ ଇଣ୍ଡିଆନ୍ ଷ୍ଟ୍ରାଟେଜିକ୍ କଲଚର’ ସମ୍ମିଳନୀରେ ଏହା କହିଛନ୍ତି। ସେ ଏହାର ଶ୍ରେୟ ପ୍ରୋଜେକ୍ଟ ‘ଉଦ୍ଭବ’କୁ ନେଇଛନ୍ତି।

ଏହି ପ୍ରୋଜେକ୍ଟରେ ଭାରତୀୟ ସେନା ମହାଭାରତ ଯୁଦ୍ଧର ପ୍ରତିଷ୍ଠିତ ସେନା ହସ୍ତୀଙ୍କ ବୀରତ୍ବପୂର୍ଣ୍ଣ ଗାଥା ଓ ଶାସନ କଳାରେ ଭାରତର ସମୃଦ୍ଧ ସଂସ୍କୃତିକୁ ଖୋଜୁଛି। ‘ଉଦ୍ଭବ’ ପ୍ରୋଜେକ୍ଟର ଉଦେଶ୍ୟ ପ୍ରତିରକ୍ଷା କ୍ଷେତ୍ରକୁ ମଜବୁତ କରିବ। ଜେନେରାଲ ପାଣ୍ଡେ କହିଛନ୍ତି ଏହି ପ୍ରକଳ୍ପର ଉଦଘାଟନ ଗତ ବର୍ଷ କରାଯାଇଥିଲା। ଏହା ଅନୁସାରେ, ବେଦ,ପୁରୁଣା,ଉପନିଷଦ ଓ ଅର୍ଥଶାସ୍ତ୍ର ଭଳି ପ୍ରାଚୀନ ଗ୍ରନ୍ଥର ଗଭୀରତାକୁ ରିସର୍ଚ୍ଚ କରୁଛି। ଏହା ପ୍ରଖ୍ୟାତ ଭାରତୀୟ ଓ ପାଶ୍ଚାତ୍ୟ ବିଦ୍ବାନଙ୍କ ଭିତରେ ଉଲ୍ଲେଖନୀୟ ବୌଦ୍ଧିକ ସମାନତାର ଖୁଲାସା କରିଛି। 

ସେନା ମୁଖ୍ୟ ହିଷ୍ଟୋରିକାଲ ପାର୍ଟନ ଇନ୍ ଇଣ୍ଡିଆନ୍ ଷ୍ଟ୍ରାଟେଜିକ୍ କଲଚର (ଭାରତୀୟ ସାମରିକ ସଂସ୍କୃତିରେ ଐତିହାସିକ ପ୍ରଣାଳି) ସମ୍ମିଳନୀରେ ଏହି କଥା କହିଛନ୍ତି।ଏହି ପ୍ରକଳ୍ପର ଉଦେଶ୍ୟ ହେଉଛି ଆଧୁନିକ ସୁରକ୍ଷା ଚ୍ୟାଲେଞ୍ଜର ମୁକାବିଲା ପାଇଁ ଏକ ଅଦ୍ବିତୀୟ ଓ ସମଗ୍ର ଦୃଷ୍ଟିକୋଣ ପ୍ରସ୍ତୁତ କରି ସମକାଳୀନ ସାମରିକ ପ୍ରଥା ସହିତ ପ୍ରାଚୀନ ଜ୍ଞାନର ବ୍ୟବହାର କରିବା। ଏହା ଭାରତୀୟ ସେନାର ପ୍ରଥମ ପଦକ୍ଷେପ, ଯାହାର ଉଦେଶ୍ୟ ଶହ ଶହ ବର୍ଷ ପୁରୁଣା ଜ୍ଞାନକୁ ସମକାଳୀନ ସୈନ୍ୟ ଶିକ୍ଷାଶାସ୍ତ୍ର ସିତ ଏକୀକୃତ କରିବା। 

ସେନା ମୁଖ୍ୟଙ୍କ କହିବା ଅନୁସାରେ, ଏହି ପ୍ରୋଜେକ୍ଟରେ ବେଦ, ପୁରାଣ, ଉପନିଷଦ ଓ ଅର୍ଥଶାସ୍ତ୍ର ଭଳି ପ୍ରାଚୀନ ଗ୍ରନ୍ଥକୁ ଗଭୀରତାର ସହ ଅଧ୍ୟୟନ କରିବା। ଯାହାକି ଧାର୍ମିକ ଚିନ୍ତାଧାରା ଓ ନୈତିକ ମୂଲ୍ୟ ଉପରେ ଆଧାରିତ। ଏଥିରେ ମହାଭାରତ ଯୁଦ୍ଧ, ମୌର୍ଯ୍ୟ, ଗୁପ୍ତ ଓ ମରାଠାଙ୍କ ଶାସନକାଳ ସମୟର ସାମରିକ ଉତ୍କୃଷ୍ଟତାର ଅଧ୍ୟୟନ କରାଯାଇଛି, ଯେଉଁଥିରେ ଭାରତର ସମୃଦ୍ଧ ସାମରିକ ଐତିହକୁ ଆକାର ଦିଆଯାଇଛି। ସେନା ମୁଖ୍ୟ କହିଛନ୍ତି, ଏହି ପ୍ରୋଜେକ୍ଟ ଭାରତର ଜନଜାତୀୟ ପରମ୍ପରା, ମରାଠା ନୌସେନା, ସେନାର ଯୋଦ୍ଧା, ବିଶେଷକରି ମହିଳାଙ୍କା ବୀରତ୍ବପୂର୍ଣ୍ଣ ଗାଥାକୁ ପ୍ରୋତ୍ସାହିତ କରିବ।