ନୂଆଦିଲ୍ଲୀ,୨୭।୧: ଅଯୋଧ୍ୟାରେ ଭବ୍ୟ ରାମ ମନ୍ଦିର ଉଦ୍ଘାଟନ କରାଯାଇଛି। ଭଗବାନ ରାମଲାଲାଙ୍କ ପ୍ରାଣ ପ୍ରତିଷ୍ଠା ପରଠାରୁ ବହୁ ସଂଖ୍ୟାରେ ଭକ୍ତ ଅଯୋଧ୍ୟାରେ ପହଞ୍ଚିଛନ୍ତି। ମନ୍ଦିରରେ ଭକ୍ତମାନଙ୍କର ଲମ୍ବା ଧାଡି ଦେଖିବାକୁ ମିଳିଛି। ଲୋକମାନେ ଖୋଲା ହସ୍ତରେ ଦାନ କରୁଛନ୍ତି। ଦେଶ ତଥା ବିଦେଶରେ ଥିବା ରାମ ଭକ୍ତମାନେ ରାମଲଲା ଉପରେ ଟଙ୍କା ବର୍ଷା କରିଛନ୍ତି। ରାମଲଲାଙ୍କୁ କେବଳ ମାସକ ଭିତରେ ପ୍ରାୟ ୩୫୫୦ କୋଟି ଟଙ୍କା ଦାନ କରିଛନ୍ତି।
ଶ୍ରୀ ରାମ ଜନ୍ମଭୂମୀ ତୀର୍ଥକ୍ଷେତ୍ରର ଟ୍ରଷ୍ଟର ଦାୟିତ୍ୱରେ ଥିବା ପ୍ରକାଶ ଗୁପ୍ତା କହିଛନ୍ତି, ରାମ ମନ୍ଦିରର ଭୂମି ପୂଜନ ପରେ ନିଧି ସମର୍ପଣ ଅଭିଯାନ ଆରମ୍ଭ ହୋଇଥିଲା, ସେହି ଲକ ମାସ ଅଭିଯାନରେ ପ୍ରାୟ ୩୫୫୦ କୋଟି ଟଙ୍କାର ଦାନ ଆସିଛି। ମୋଟ ଭାବରେ ୪୫୦୦ କୋଟି ଟଙ୍କାର ଧନରାଶି ଆସି ସାରିଛି। ରାମଲଲାଙ୍କ ପ୍ରାଣ ପ୍ରତିଷ୍ଠା ପରେ ଶ୍ରଦ୍ଧାଳୁଙ୍କ ସଂଖ୍ୟା ୧୦ ଗୁଣା ବଢିଛି।
ପ୍ରକାଶ ଗୁପ୍ତାଙ୍କ କହିବା ଅନୁସାରେ, ପ୍ରଥମେ ଅଯୋଧ୍ୟାରେ ୨୦୦୦୦ ଆଖପାଖର ଶ୍ରଦ୍ଧାଳୁଙ୍କ ସଂଖ୍ୟା ରାମଲଲାଙ୍କ ଦର୍ଶନ କରିବାକୁ ଆସୁଥିଲେ। କିନ୍ତୁ ଏବେ ମନ୍ଦିର ଉଦଘାଟନ ପରେ ଏଠାକୁ ଆସୁଥିବା ଭକ୍ତଙ୍କ ସଂଖ୍ୟା ୧୦ ଗୁଣା ବଢିଯାଇଛି। ଭକ୍ତଙ୍କ ସଂଖ୍ୟା ବଢିବା ସହ ରାମ ମନ୍ଦିରକୁ ମିଳୁଥିବା ଦାନ ରାଶି ମଧ୍ୟ ବୃଦ୍ଧି ପାଇଛି। ରାମଲଲାଙ୍କ ଭକ୍ତ ସବୁବେଳେ ମନଖୋଲି ଦାନ ଦେଇଛନ୍ତି। ରାମ ମନ୍ଦିର ପାଇଁ କେବଳ ଦେଶରୁ ନୁହେଁ, ବିଦେଶରୁ ମଧ୍ୟ ବହୁ ପରିମାଣରେ ଚାନ୍ଦା ଆସୁଛି। ପ୍ରକାଶ ଗୁପ୍ତା କହିଛନ୍ତି, ଦିଲ୍ଲୀରେ ଆମ ଅଫିସ ଓ ଏନ୍ଆରଆଇ ବ୍ୟାଙ୍କ ରହିଛି। ବିଦେଶର ସବୁ ଟଙ୍କା ସେଠିକୁ ଆସିଥାଏ।