ନୂଆଦିଲ୍ଲୀ: କିଙ୍ଗ ଚାର୍ଲ୍ସ ତୃତୀୟଙ୍କୁ ଲଣ୍ଡନର ଏକ ଡାକ୍ତରଖାନାରେ ଭର୍ତ୍ତି କରାଯାଇଛି । ୭୫ବର୍ଷିୟ ବ୍ରିଟିଶ ରାଜା ପ୍ରୋଷ୍ଟେଟ ଅସ୍ତ୍ରୋପଚାର ହେବେ । ଲଣ୍ଡନର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଥିବା କିଙ୍ଗ ଚାର୍ଲ୍ସଙ୍କୁ କେତେ ଦିନ ପାଇଁ ଭର୍ତ୍ତି କରାଯାଇଛି ସେ ନେଇ ବକିଂହାମ ପ୍ୟାଲେସ ପକ୍ଷରୁ କୌଣସି ବିବୃତ୍ତି ଦିଆଯାଇ ନାହିଁ । ଶୁକ୍ରବାର ଦିନ ବ୍ରିଟେନର ରାଜାଙ୍କୁ ଡାକ୍ତରଖାନାରେ ଭର୍ତ୍ତି ହେବା ବିଷୟରେ ବକିଙ୍ଗହମ୍ ପ୍ୟାଲେସ୍ ସୂଚନା ଦେଇଛି ।
ଶୁକ୍ରବାର ଭାରତ ମଧ୍ୟ ଏହାର ୭୫ ତମ ଗଣତନ୍ତ୍ର ଦିବସ ପାଳନ କରିଛି । ଏହି ଅବସରରେ କିଙ୍ଗ ଚାର୍ଲ୍ସ ଭାରତୀୟ ମାନଙ୍କୁ ଅଭିବାଦନ ଜଣାଇଥିଲେ । ସେ କହିଛନ୍ତି ଯେ ବ୍ରିଟେନର ଏବଂ ଭାରତର ଲୋକଙ୍କ ସହ ମିଶି ଦୁନିଆର ସବୁଠୁ ଚ୍ୟାଲେଞ୍ଜର ମୁକାବିଲା ପାଇଁ ସେ ଆଶା କରୁଛନ୍ତି । ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ଦେଇଥିବା ବାର୍ତ୍ତାରେ ବ୍ରିଟିଶ ରାଜା କହିଛନ୍ତି ଯେ, ଦୁଇ ଦେଶ ମଧ୍ୟରେ ଥିବା 'ଘନିଷ୍ଠ ସମ୍ପର୍କ'କୁ ସେ ଗୁରୁତ୍ୱ ଦେଉଛନ୍ତି । ସେ କହିଛନ୍ତି ଯେ, ଆମର ସମ୍ପର୍କ ଆହୁରି ଆଗକୁ ବଢିବ ବୋଲି ସେ ନିଶ୍ଚିତ ଅଛନ୍ତି । କମନୱେଲଥ ଦେଶଗୁଡ଼ିକ ଏକଜୁଟ ରହିବେ ବୋଲି ତାଙ୍କର ସମ୍ପୂର୍ଣ୍ଣ ଆତ୍ମବିଶ୍ୱାସ ରହିଛି।