ବୁର୍ଲା,୨୨/୦୯: ବର୍ଜ୍ୟବସ୍ତୁ ପରିଚାଳନାରେ ଅବ୍ୟବସ୍ଥାକୁ ନେଇ ବୁର୍ଲା ଭିମ୍ସାରକୁ ୧୧ ଲକ୍ଷ ଟଙ୍କା ଫାଇନ୍ କରିଛି କେନ୍ଦ୍ରୀୟ ପ୍ରଦୂଷଣ ନିୟନ୍ତ୍ରଣ ବୋର୍ଡ । ତଣ୍ଡ ଅର୍ଥ ୧୫ ଦିନ ମଧ୍ୟରେ ପୈଠ ନ କଲେ ଜାତୀୟ ଗ୍ରୀନ୍ ଟ୍ରିବ୍ୟୁନାଲ୍ଙ୍କ ନିର୍ଦ୍ଦେଶ ଅନୁଯାୟୀ ଆବଶ୍ୟକ କାର୍ଯ୍ୟାନୁଷ୍ଠାନ ନିଆଯିବ ବୋଲି ଚେତାଇ ଦିଆଯାଇଛି । ଭିମ୍ସାର୍ କର୍ତ୍ତୃପକ୍ଷ ଟଙ୍କା ଦାଖଲ ନ କଲେ ଅସ୍ତ୍ରୋପଚାର କକ୍ଷ ସମେତ ୱାର୍ଡଗୁଡ଼ିକୁ ବନ୍ଦ କରିଦେବା ଆଶଙ୍କା ଏଡ଼ାଇ ଦିଆଯାଇ ନ ପାରେ । ଭିମ୍ସାର୍ ନିର୍ଦ୍ଦେଶକ ପ୍ରଫେସର ଡା. ଭାବଗ୍ରାହୀ ରଥ ୧୧ ଲକ୍ଷ ଫାଇନ୍କୁ ସ୍ୱୀକାର କରିଛନ୍ତି । ସେ କହିଛନ୍ତି, ଶନିବାର ଏ ସମ୍ପର୍କିତ ବୈଠକ କରାଯାଇଥିଲା । ସବୁ ବ୍ୟବସ୍ଥା ସୁଧାରିବାକୁ ଅଧିକାରୀଙ୍କୁ ନିର୍ଦ୍ଦେଶ ଦିଆଯାଇଛି ।
ସୂଚନାଯୋଗ୍ୟ, ବୁର୍ଲା ଭିମ୍ସାରରେ ବର୍ଜ୍ୟବସ୍ତୁ ପରିଚାଳନାରେ ବ୍ୟାପକ ତ୍ରୁଟିବିଚ୍ୟୁତି ଲକ୍ଷ୍ୟ କରିଥିଲା ପ୍ରଦୂଷଣ ନିୟନ୍ତ୍ରଣ ବୋର୍ଡ । ଏହାକୁ ସୁବ୍ୟବସ୍ଥିତ କରିବାକୁ ଗତ ଅଗଷ୍ଟରେ ନିର୍ଦ୍ଦେଶ ଦିଆଯାଇଥିଲା । ମାତ୍ର ଭିମ୍ସାର୍ କର୍ତ୍ତୃପକ୍ଷ ଏହାକୁ ଏଡ଼ାଇ ଦେଇ ସମୟ ଗଡ଼ାଇ ଚାଲିଥିଲେ
