ମୁମ୍ବାଇ,୩୧।୧: ଯେତେବେଳେ ଫୋନ୍ କିମ୍ବା ଡାକ ସେବା ନଥିଲା ସେତେବେଳେ ପରସ୍ପରକୁ ବାର୍ତ୍ତା ପଠାଇବାର ଜରିଆ ଥିଲା ପାରା। ହଁ ଫିଲ୍ମରେ ଆମେ ବହୁବାର ପାରାକୁ ଚିଠି ନେଇ ଯାଉଥିବାର ଦେଖିଛୁ, କିନ୍ତୁ ଗୁପ୍ତଚର ପାରା ବିଷୟରେ ଜାଣନ୍ତି କି ? ମୁମ୍ବାଇରେ ଏକ ଗୁପ୍ତଚର ପାରା ଧରା ଯାଇଥିଲା। ଏହି ପାରା ଚୀନ୍ର ସନ୍ଦେହ କରାଯାଇ ପୋଲିସ ତାକୁ ଧରିଥିଲା। ମୁମ୍ବାଇ ପୋଲିସର ଅଧିକାରୀ ବୁଧବାର ସୂଚନା ଦେଇଛନ୍ତି ଯେ, ୮ ମାସ ସ୍ପେଶାଲ ସେଲ୍ରେ ରଖିବା ପରେ ତାକୁ ଛାଡି ଦିଆଯାଇଛି।
ଚୀନ୍ର ଗୁପ୍ତଚର ପାରା ସନ୍ଦେହରେ ଧରା ଯାଇଥିବା ଏହି ସନ୍ଦିଗ୍ଧ ପାରାକୁ ୮ ମାସ ପରେ ଛାଡି ଦିଆଯାଇଛି। ଜଣେ ପୋଲିସ ଅଧିକାରୀ ବୁଧବାର ଏହି ସୂଚନା ଦେଇଛନ୍ତି। ପାରାକୁ ଏକ ପଶୁ ଚିକିତ୍ସାଚଳୟରେ ରଖାଯାଇଥିଲା। ଆରପିଏଫ୍(ରାଷ୍ଟ୍ରୀୟ କେମିକାଲ୍ସ ଆଣ୍ଡ ଫର୍ଟିଲାଇଜର) ପୋଲିସ ଷ୍ଟେସନ୍ର ଜଣେ ଅଧିକାରୀ କହିଛନ୍ତି, ପରେଲ ଅଞ୍ଚଳରେ ଥିବା ବାଇ ସକରବାଇ ଦିନେଶ ପୋଟିଟ୍ ପଶୁ ଚିକିତ୍ସାଚଳ ସୋମବାର ପୋଲିସକୁ ପାରାଟିକୁ ଛାଡି ଦେବାର ଅନୁମତି ମାଗିଥିଲା, ଏହାପରେ ତାକୁ ମଙ୍ଗଳବାର ଛାଡି ଦିଆଯାଇଥିଲା।
ପାରାକୁ ଗତ ବର୍ଷ ମଇ ମାସରେ ଆରସିଏଫ୍ ପୋଲିସ ଉପନଗରୀୟ ଅଞ୍ଚଳ ଚେମ୍ବୁରରୁ ଧରିଥିଲା। ପୋଲିସ କହିଛି ପକ୍ଷୀର ଗୋଡରେ ଦୁଇଟି ରିଙ୍ଗ ଥିଲା। ଗୋଟିଏ ତମ୍ବାର ଥିବା ବେଳେ ଅନ୍ୟଟି ଆଲୁମିନିୟମର ଥିଲା। ଏହାର ଡାହଣ ଡୋର ତଳେ ଚୀନ୍ ଭାଷାରେ ଲେଖାଥିବା କିଛି ବାର୍ତ୍ତା ଥିଲା। ପୋଲିସ କହିଛି, ଆରସିଏଫ୍ ପୋଲିସ ସେତେବେଳେ ମାମଲା ରୁଜୁ କରିଥିଲା। ଅଧିକାରୀମାନେ କହିଛନ୍ତି, ମାମଲାର ତଦନ୍ତ ବେଳେ ପୋଲିସ ଜାଣିବାକୁ ପାଇଥିଲା ପାରା ତାଇଓ୍ବାନରେ ‘ରେସିଂ’ରେ ଭାଗ ନେଉଥିଲା। ଏହି କାର୍ଯ୍ୟକ୍ରମ ବେଳେ ସେ ଉଡି ଭାରତ ଆସି ଯାଇଇଲା। ପୋଲିସଠାରୁ ମଞ୍ଜୁରୀ ମିଳିବା ପରେ ଏବେ ପାରାକୁ ଛାଡି ଦିଆଯାଇଛି।
