ନୂଆଦିଲ୍ଲୀ: କରୋନାକୁ ନେଇ ଏବେ ବି ଅନେକ ଖବର ସାମ୍ନାକୁ ଆସୁଛି । ଏହାର ନୂଆ ଭାରିଏଣ୍ଟ ଦେଶରେ ଉପସ୍ଥିତି ଜାହିର କରିଥିବା ବେଳେ ଏଥିରେ ଭୟ କରିବାର କାରଣ ନାହିଁ ବୋଲି ଡାକ୍ତର କହିଛନ୍ତି । ଦେଶରେ ଏବେ KP.1 ଏବଂ KP.2 ଭାରିଏଣ୍ଟ ସଂକ୍ରମଣ ବୃଦ୍ଧି ପାଇଛି । ଏହି କରୋନା ଭାଇରସ୍ ଦ୍ବାରା ମାଇଲ୍ଡ ଇନଫେକ୍ସନ ହେଉଥିବା ଜଣାପଡ଼ିଛି । ତଥାପି ସରକାର ଏହା ଉପରେ ନଜର ରଖିଛନ୍ତି ।
ରାଣ୍ଡମ ସାମ୍ପଲିଂ ମଧ୍ୟ କରାଯାଉଛି । ନୂଆ ଭାରିଏଣ୍ଟ ସଂକ୍ରମଣ ଦ୍ବାରା ଗମ୍ଭୀର ସ୍ଥିତି ଉପୁଜିନାହିଁ କିମ୍ବା ମୃତ୍ୟୁହାରରେ ବୃଦ୍ଧି ହୋଇନାହିଁ । ଦିଲ୍ଲୀ ଏମ୍ସର କମ୍ୟୁନିଟି ମେହିସିନ୍ର ପ୍ରଫେସର ଡାକ୍ତର ସଞ୍ଜୟ କୁମାର ରାୟ କହିଛନ୍ତି ଯେ, କେରାନାର ଏହି ଭାରିଏଣ୍ଟ ଆରଏନଏ ଭାଇରସ୍ । ଏଥିରେ ମ୍ୟୁଟେସନ ଜାରି ରହିବ । ମାମଲାରେ କମ ବେଶୀ ହେବ । ଏବେ ନୁହେଁ ଆହୁରି ୫୦ ବର୍ଷ ପର୍ଯ୍ୟନ୍ତ ଏହାର ମାମଲା ଦେଖିବାକୁ ମିଳିପାରେ ।
ମିଳିଥିବା ସୂଚନା ଅନୁସାରେ, ଏହାର ଲକ୍ଷଣ ସାଧାରଣ ଥଣ୍ଡା ଭଳି । ଏଥିରେ ବ୍ୟସ୍ତ ହେବାର କୌଣସି କାରଣ ନାହିଁ । କେବଳ ମନିଟରିଂ କରିବାର ଆବଶ୍ୟକତା ରହିଛି ବୋଲି ସେ କହିଛନ୍ତି । ସେପଟେ ଏହି ଭାରିଏଣ୍ଟ ଦ୍ବାରା ସଂକ୍ରମିତଙ୍କ ସଂଖ୍ୟା ବଢ଼ିପାରେ। କିନ୍ତୁ ଏପର୍ଯନ୍ତ ହସ୍ପିଟାଲରେ ଏଭଳି ମାମଲା ବଢ଼ିନାହିଁ ।ଏପରିକି ମୃତ୍ୟୁ ସଂଖ୍ୟାରେ ମଧ୍ୟ ବୃଦ୍ଧି ଘଟିନାହିଁ । ଏବେ ସୁଦ୍ଧା ଏହି ଭାଇରସ୍କୁ ନେଇ ଭୟ କରିବା ଭଳି କୌଣସି ସୂଚନା ମିଳିନାହିଁ । କିନ୍ତୁ ଏହା ଉପରେ ନଜର ରଖିବା ଜରୁରି ବୋଲି ଡାକ୍ତର ସଞ୍ଜୟ କୁମାର ରାୟ କହିଛନ୍ତି ।
