ନୂଆଦିଲ୍ଲୀ – ଦେଶ ସହ ଦିଲ୍ଲୀର ଏକଜିଟ୍ ପୋଲ୍ସ ସାମନାକୁ ଆସିଛି। ଦିଲ୍ଲୀର ୭ଟି ସିଟ୍ରେ ଏହିଥର ଭାରତୀୟ ଜନତା ପାର୍ଟି ଓ ଇଣ୍ଡିଆ ମେଣ୍ଟ ମଧ୍ୟରେ ଜୋରଦାର ମୁକାବିଲା ଦେଖିବାକୁ ମିଳିଛି। ପ୍ରଥମ ଥର ଦିଲ୍ଲୀ ଦଖଲ ନେଇ ଏକାଠି ଓହ୍ଲାଇଥିବା ଆମ୍ ଆଦମୀ ପାର୍ଟି ଓ କଂଗ୍ରେସ ବିଜେପିର ବିଜୟ ରଥକୁ ରୋକିବାରେ ସଫଳ ହେଉଛନ୍ତି ନା ନାହିଁ ଏହା ତ ୪ ଜୁନ୍ରେ କାଉଣ୍ଟିଂ ଦିନ ସ୍ପଷ୍ଟ ହେବ, ବର୍ତ୍ତମାନ ଏକଜିଟ୍ ପୋଲର ଫଳାଫଳ ଆଡ଼କୁ କିଛି ଇସାରା ନିଶ୍ଚୟ କରିପାରେ।
ଟିଭି-୯ ଭାରତବର୍ଷର ଏକଜିଟ୍ ପୋଲ୍ରେ ବିଜେପି ପାଇଁ ଖୁସି ଖବର। ଇଣ୍ଡିଆ ମେଣ୍ଟକୁ ଝଟକା ଲାଗିପାରେ । ବିଜେପିକୁ ସବୁ ୭ଟି ସିଟ୍ରେ ମିଳିବାର ଅନୁମାନ ରହିଛି । ରିପବ୍ଲିକ୍ MATRIZE ର ଏକଜିଟ୍ ପୋଲ୍ରେ ଅନୁମାନ ଲଗାଯାଇଛି କି ଆମ୍ ଆଦମୀ ପାର୍ଟି ଓ କଂଗ୍ରେସର ମେଣ୍ଟ କାରଣରୁ ବିଜେପିକୁ କ୍ଷତି ସହିବାକୁ ପଡ଼ିପାରେ। ବିଜେପିକୁ ୫ଟି ସିଟ୍ ମିଳି ପାରେ। ଇଣ୍ଡିଆ ମେଣ୍ଟ ଏହାଠାରୁ ୨ଟି ସିଟ୍ ଛଡେଇ ନେଇ ପାରେ।
ଟୁଡେଜ୍ ଚାଣକ୍ୟ – ଦିଲ୍ଲୀରେ ବିଜେପିକୁ ଝଟକା ଲାଗିପାରେ। ଟୁଡେଜ୍ ଚାଣକ୍ୟର ଏକଜିଟ୍ ପୋଲ୍ ମୁତାବିକ ବିଜେପି ଏଥିରେ କ୍ଲିନ୍ ସ୍ୱିପ୍ କରି ପାରିବ ନାହିଁ । ବିଜେପି ୬ଟି ସିଟ୍ରେ ବିଜୟ ହାସଲ କରି ପାରେ । ଇଣ୍ଡିଆ ମେଣ୍ଟ ଏହାଠାରୁ ଗୋଟିଏ ସିଟ୍ ନେଇପାରେ।
ଇଣ୍ଡିଆ ଟିଭି –ସିଏନଏକ୍ସ – ଏକଜିଟ୍ ପୋଲ୍ ମୁତାବିକ , ଦିଲ୍ଲୀରେ ଏହି ଥର ଗୋଟିଏ ସିଟ୍ ଇଣ୍ଡିଆ ମେଣ୍ଟ ଖାତାକୁ ଯାଇପାରେ। ସେପଟେ ବିଜେପିକୁ ଗୋଟିଏ ସିଟ୍ର କ୍ଷତି ହେବାର ନଜର ଆସୁଛି , ଯିଏକି ଗତ ଥର ୭-୭ ସିଟ୍ରେ ବିଜୟ ହାସଲ କରିଥିଲା ।