ଆନନ୍ଦପୁର, ୧୦/୯ : ଗଣେଶ ମୂର୍ତ୍ତି ଭସାଣିବେଳେ ଘଟିଲା ଅଭାବନୀୟ ଘଟଣା । ଡିଜେ ଗାଡ଼ି ମାଡ଼ିଯାଇ ଯୁବକ ମୃତ । ଏଭଳି ଏକ ଘଟଣା ଘଟିଛି ଆନନ୍ଦପୁର ଅନ୍ତର୍ଗତ ନନ୍ଦିପଦା ଥାନା ଶାଳବଣୀ ଗ୍ରାମରେ । ମୃତକ ଶିବନାରାୟଣପୁର ଗ୍ରାମର ଆକାଶ ପ୍ରଧାନ  ।

ସୂଚନା ଅନୁସାରେ ଆଜି ସନ୍ଧ୍ୟାରେ ଶାଳବଣୀ ଗ୍ରାମରେ ଗଣେଶ ମୂର୍ତ୍ତି ଭସାଣି ହେଉଥିଲା । ଆସିଥିବା ଡିଜେ ବଜାଇ ଯୁବକମାନେ ନାଚଗୀତରେ ମସଗୁଲ ଥିଲେ । ଏହି ସମୟରେ ଡିଜେ ଗାଡ଼ି ପଛାଉଥିବାବେଳେ ଆକାଶଙ୍କ ଉପରେ ଗାଡ଼ି ଟି ଚଢି ଯାଇଥିଲା । ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଛି । ମୃତକ ହେଉଛନ୍ତି ଡିଜେ ଗାଡ଼ି ମାଲିକଙ୍କ ସାନ ଭାଇ । ଖବରପାଇ ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।