ପ୍ରମୂଖ ଖବର
  • କଟକ: କୋର୍ଟରେ ହାଜର ହେଲେ ଅନୁଭବ ମହାନ୍ତି, ଘରୋଇ ହିିଂସା ମାମଲାରେ ଜାରି ହୋଇଥିଲା NBW
  • ||
  • ଓଡିଶା ବିଧାନସଭାକୁ ମିଳିଲା ନୂଆ ବାଚସ୍ପତି, ରଣପୁର ବିଧାୟିକା ସୁରମା ପାଢ଼ୀ ହେଲେ ବାଚସ୍ପତି
  • ||
  • ତୀର୍ଥଯାତ୍ରୀ ବସ ଉପରକୁ ଆତଙ୍କୀ ହମଲା ଘଟଣା, ଅଭିଯୁକ୍ତ ଗିରଫ
  • ||
  • ବିଶ୍ୱକପ୍‌ର ସୁପର-୮ ରାଉଣ୍ଡ୍‌: ଟିମ୍‌ ଇଣ୍ଡିଆ ପାଇଁ ଆଫଗାନ ସ୍ପିନ୍‌ ଚ୍ୟାଲେଞ୍ଜ, ଫୋକସ୍‌ରେ କୋହଲିଙ୍କ ଫର୍ମ
  • ||
  • ପଟିଆ ଛକ ନିକଟ ଲକି ଇଣ୍ଡିଆ ଆପାର୍ଟମେଣ୍ଟରେ ଅଗ୍ନିକାଣ୍ଡ, ଦୀର୍ଘ ଘଣ୍ଟା ପରେ ନିଆଁକୁ ଆୟତ୍ତ କଲା ଅଗ୍ନିଶମ ବାହିନୀ
  • ||
  • ବାଲେଶ୍ୱରରେ ସୁଧୁରୁଛି ସ୍ଥିତି: ସକାଳୁ କର୍ଫ୍ୟୁ କୋହଳ, ୧୧ଟା ସୁଦ୍ଧା କାମ ସାରି ଘରକୁ ଫେରିବାକୁ ନିବେଦନ
  • ||
  • ୨୭ରେ ଉତ୍ତର ବଙ୍ଗୋପସାଗରରେ ଘୂର୍ଣ୍ଣିବଳୟ ସୃଷ୍ଟି ସମ୍ଭାବନା, ପ୍ରବଳ ବର୍ଷିବ: ମାଲକାନଗିରିରେ ମୌସୁମୀ ସକ୍ରିୟ
  • ||

୧୩୫ ମିଲିୟନ୍‌ ଡଲାରର F-35 ଫାଇଟର ଜେଟ୍‌ କ୍ରାସ୍, ପାଇଲଟ୍‌ ଗୁରୁତର

Image Courtesy: reddit

ମେକ୍ସିକୋ: ନ୍ୟୁ ମେକ୍ସିକୋର ଅଲବୁକର୍କରେ ଆମେରିକୀୟ ଫାଇଟର ଜେଟ୍‌ F-35 କ୍ରାସ ହୋଇଛି । ଆଉ ଏଥିରୁ ବାହାରିବାକୁ ଚେଷ୍ଟା କରୁଥିବା ବେଳେ ଏହାର ପାଇଲଟ୍‌ ଗୁରୁତର ହୋଇଛନ୍ତି । ଆମେରିକାର ବିକଶିତ ଫାଇଟର ଜେଟ୍‌ ଏଫ-୩୫ କିଭଳି କ୍ରାସ ହେଲା ତାକୁ ନେଇ ତଦନ୍ତ ଆରମ୍ଭ ହୋଇଛି । ୧୩୫ ମିଲିୟନ୍‌ ଡଲାର ମୂଲ୍ୟର ଏହି ଯୁଦ୍ଧ ବିମାନ ଏଫ-୩୫ର ଅପଗ୍ରେଡେଡ୍‌ ଭର୍ଜନ ବୋଲି କୁହାଯାଉଛି ।

ଆମେରିକୀୟ ପ୍ରତିରକ୍ଷା ବିଭାଗ ଅନୁସାରେ, ଏଡଓ୍ବାର୍ଡ ଏୟାର ଫୋର୍ସ ବେସ୍‌ ଆଡ଼କୁ ଯାଉଥିବା ବେଳେ ଅଲବୁକର୍କରେ କ୍ରାସ ହୋଇଛି ଏଫ-୩୫ ଜେଟ୍ । ଦକ୍ଷିଣ କାଲିଫର୍ଣ୍ଣିଆରେ ଥିବା ଏଡଓ୍ବାର୍ଡ ଏୟାର ଫୋର୍ସ ବେସ୍ ଅଲବୁକର୍କରୁ ୧୧୦୦ କିଲୋମିଟର ଦୂରତାରେ ରହିଛି । ମିଳିଥିବା ସୂଚନା ଅନୁସାରେ, କର୍ଟଲାଣ୍ଡ ଏୟାର ଫୋର୍ସ ବେସ୍‌ରେ ରିଫୁଏଲ କରିବା ପରେ ପରେ ଫାଇଟର ଜେଟଟି କ୍ରାସ ହୋଇଥିଲା ।

ଅଲବୁକର୍କ ସ୍ଥିତ ଅଗ୍ନିଶମ ବିଭାଗର ମୁଖପାତ୍ର ଜେସନ ଫେଜର କହିଛନ୍ତି, ଫାଇଟର ଜେଟ୍‌ କ୍ରାସ ହୋଇଥିବା ନେଇ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ଘଟଣା ସଂପର୍କରେ ଖବର ମିଳିବା ପରେ, ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚିଥିଲେ ।କ୍ରାସ୍ ରାସ୍ତା ଉପରେ ଖସିପଡ଼ିଥିବା ଜେଟର ନିଆଁକୁ ଆୟତ୍ତ କରାଯାଇଛି । ଏହି ଦୁର୍ଘଟଣାରେ ପାଇଲଟ ଗୁରୁତର ହୋଇଛନ୍ତି । ତାଙ୍କର ଆଶୁ ଆରୋଗ୍ୟ କାମନା କରିଛନ୍ତି ଅଲବୁକର୍କର ମେୟର ଟିମ୍‌ କେଲର ।ତେବେ ନ୍ୟୁମେକ୍ସିକୋରେ ଦୁଇ ମାସ ମଧ୍ୟରେ ଦୁଇଟି ଫାଇଟର ଜେଟ୍‌ କ୍ରାସ ହୋଇଛି । ଏହା ପୂର୍ବରୁ ଏପ୍ରିଲ୍‌ରେ ଏଫ-୧୬ ଫାଇଟିଂ ଫାଲକନ୍‌ ଜେଟ୍‌ କ୍ରାସ ହୋଇଥିଲା ।

 

  • America
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.