ଭୁବନେଶ୍ଵର, ୦୨/୦୨ : ଆଜି ବିଶ୍ୱ ଆର୍ଦ୍ରଭୂମି ଦିବସ। ପୃଥିବୀ ପାଇଁ ଆର୍ଦ୍ରଭୂମିର ଗୁରୁତ୍ୱପୂର୍ଣ୍ଣ ଭୂମିକା ବିଷୟରେ ବିଶ୍ୱ ସ୍ତରରେ ସଚେତନତା ସୃଷ୍ଟି କରିବା ଉଦ୍ଦେଶ୍ୟରେ ପ୍ରତି ବର୍ଷ ଫେବ୍ରୁଆରୀ ୨ ତାରିଖରେ ବିଶ୍ୱ ଆର୍ଦ୍ରଭୂମି ଦିବସ ପାଳନ କରାଯାଏ। ୧୯୭୧ ମସିହା, ଫେବ୍ରୁଆରୀ ଆଜିର ଦିନ ଇରାନର ରାମସାର ସହରରେ ଆର୍ଦ୍ରଭୂମି ଉପରେ ହୋଇଥିବା ସମ୍ମେଳନ ସ୍ମୃତିରେ ମଧ୍ୟ ଏହି ଦିବସ ପାଳନ କରାଯାଏ । ଉଭାନ୍‌ ହୋଇଯାଉଥିବା ବିଶ୍ୱର  ଆର୍ଦ୍ରଭୂମିଗୁଡ଼ିକର ସୁରକ୍ଷା ଏବଂ କ୍ଷୟ ହୋଇଯାଇଥିବା ଭୂମିର ପୁନରୁଦ୍ଧାର ନିମନ୍ତେ ଅର୍ଥନୈତିକ, ମାନବୀୟ ଓ ରାଜନୈତିକ ସମ୍ବଳର ନିବେଶ ପାଇଁ ଏହି ଦିବସ ମାନବ ଜାତିକୁ ଅନୁରୋଧ କରେ। 

ରାଜସ୍ଥାନର ଉଦୟପୁର ହେବ ଭାରତର ପ୍ରଥମ ଆର୍ଦ୍ରଭୂମି ସହର ହେବ। ରାଜସ୍ଥାନ ସରକାର ପରିବେଶ ଏବଂ ବନ ବିଭାଗ ସହଯୋଗରେ ଉଦୟପୁରକୁ ଭାରତର ପ୍ରଥମ ଆର୍ଦ୍ରଭୂମି ସହର ମାନ୍ୟତା ଦେବା ଲକ୍ଷ୍ୟରେ ପ୍ରୟାସ ଜାରି ରଖିଛନ୍ତି। ଚିଲିକା ହ୍ରଦ ସମେତ ଭାରତର ୪ଟି ଆର୍ଦ୍ରଭୂମିକୁ ୟୁନେସ୍କୋରେ ସାମିଲ କରାଯାଇଛି। ଆର୍ଦ୍ରଭୂମି ଜୈବ ବିବିଧତାର ହଟ୍‌ସ୍ପଟ୍। ଏହା ବହୁ ଜଳୀୟ ଜୀବ ଏବଂ ବନସ୍ପତିର ଆବାସସ୍ଥଳୀ। ଏହା ପକ୍ଷୀମାନଙ୍କର ଘର କହିଲେ ଚଳେ।