କାମାକ୍ଷାନଗର,୨୬।୧୧ ହୋଟେଲରେ ରୋଷେଇ ବେଳେ ରନ୍ଧନ ଗ୍ୟାସରେ ଲାଗିଲା ନିଆଁ । ଅଳ୍ପକେ ବର୍ତ୍ତିଲେ ହୋଟେଲ କର୍ମଚାରୀ। ଢେଙ୍କାନାଳ ଜିଲ୍ଲା କାମାକ୍ଷାନଗର ତହସିଲ କାର୍ଯ୍ୟାଳୟ ନିକଟରେ ଥିବା ଶାନ୍ତି ହୋଟେଲରେ ଏପରି ଅଘଟଣ ଘଟିଛି।
ଢେଙ୍କାନାଳ ଜିଲ୍ଲା କାମାକ୍ଷାନଗର ତହସିଲ କାର୍ଯ୍ୟାଳୟ ନିକଟରେ ଥିବା ଶାନ୍ତି ହୋଟେଲର ଗ୍ୟାସ ଟାଙ୍କିରେ କୌଣସି କାରଣ ବସତଃ ନିଆଁ ଲାଗିଯାଇଥିଲା। ଫଳରେ ଗ୍ୟାସ ଟାଙ୍କିଟି ହୁତୁହୁତୁ ହୋଇ ଜଳିବାରେ ଲାଗିଥିଲା। ହୋଟେଲ କର୍ମଚାରୀ ଉପସ୍ଥିତି ବୁଦ୍ଧି ଖଟାଇ ଗ୍ୟାସ ଟାଙ୍କିଟି ହୋଟେଲ ବାହାରକୁ ବାହାର କରିଦେଇଥିଲେ। ରାସ୍ତା ଉପରେ ଟାଙ୍କିଟି ଜଳିବାରେ ଲାଗିଥିଲା। ଏଠାରେ ଉପସ୍ଥିତ ଲୋକମାନେ ଓ ହୋଟେଲ କର୍ମଚାରି ଜଳୁଥିବା ଟାଙ୍କି ଉପରକୁ ବାଲି ଫିଙ୍ଗିଥିଲେ। ଖବରପାଇ ଅଗ୍ନିଶମ ବାହୀନୀ ଘଟଣାସ୍ଥଳରେ ପହଞ୍ଚି ନିଆଁକୁ ବେଶ କିଛିସମୟ ପରେ ଆୟତ୍ତ କରିଥିଲେ। ଅଗ୍ନିକାଣ୍ଡର ସଠିକ କାରଣ ଜଣାପଡିନଥିବା ବେଳେ ଗ୍ୟାସ ପାଇପ ଲିକେଜ ଯୋଗୁ ନିଆଁ ଲାଗିଯାଇଥିବା ଅନୁମାନ କରାଯାଉଛି।
ଆହୁରି ପଢନ୍ତୁ : ହରିପୁର ବୋମା ମାଡ଼ ଘଟଣା : ୫ ଗିରଫ, ୩ ଖଣ୍ଡା ଓ ୫ ବୋମା ଜବତ