ବଣାଇ, ୧୯/୦୪ : ସୁନ୍ଦରଗଡ ଜିଲ୍ଲା ବଣାଇ ନିର୍ବାଚନ ମଣ୍ଡଳୀର ବିଜେପି ସଭାପତି ଅନୀଲ ବାର୍ଲାଙ୍କ ହୃଦଘାତରେ ପରଲୋକ ହୋଇଛି । ମୃତ୍ୟୁ ବେଳକୁ ତାଙ୍କୁ ୫୫ ବର୍ଷ ହୋଇଥିଲା । ଅନୀଲ ବିଜେପିର ଜଣେ ସକ୍ରିୟ କର୍ମୀ ଥିଲେ। ପରଲୋକ ଖବର ଶୁଣି ସୁନ୍ଦରଗଡ ବିଜେପି ସାଂସଦ ପାର୍ଥୀ ଜୁଏଲ ଓରାମ ଶେଷ ଦର୍ଶନ ପାଇଁ ପହଁଚିଥିଲେ। କର୍ମୀଙ୍କ ମର ଶରୀରକୁ ନିଜେ ଜୁଏଲ ଓରାମ କାନ୍ଧ ଦେବା ସହ ପ୍ରାର୍ଥନା ପାଇଁ ଚର୍ଚ୍ଚରେ ପହଁଚି ଥିଲେ ।
ସୂଚନାନୁଯାୟୀ, ପ୍ରାର୍ଥନା ପରେ ଅନୀଲଙ୍କ ମରଶରୀରକୁ ଗାଁ କବରକୁ ନିଆ ଯାଇଥିଲା। ସେଠାରେ ଖ୍ରୀଷ୍ଟ ଧର୍ମ ରୀତିନୀତି ଅନୁଯାୟୀ ସମସ୍ତ କାର୍ଯ୍ୟ ସମ୍ପନ୍ନ ହୋଇଥିଲା। ଶେଷ ପର୍ଯ୍ୟନ୍ତ ଜୁଏଲ ରହି ସମସ୍ତ କାର୍ଯ୍ୟକୁ ସମ୍ପନ୍ନ କରିଥିଲେ। ଶତାଧିକ ବିଜେପି କର୍ମୀ ଶେଷ ଦର୍ଶନ ପାଇଁ ପହଞ୍ଚିଥିଲେ। ପରେ ଗାଁର ଏକ ନାଳରେ ଜୁଏଲ ଗାଧୋଇବା ପରେ ଅନ୍ୟତ୍ର ଯାଇଥିଲେ।