ବୌଦ୍ଧ, ୦୨/୦୨ : ବୌଦ୍ଧ ବନଖଣ୍ଡ ମାଧପୁର ରେଞ୍ଜ ଅନ୍ତର୍ଗତ ପୋଢ଼ୋଖଳ ସଂରକ୍ଷିତ ଜଙ୍ଗଲରୁ ଶାଳ କାଠ ବୋଝେଇ ଗାଡ଼ି ଜବତ। ୩ ଅଭିଯୁକ୍ତ ଗିରଫ । ମାଧପୁର ବନବିଭାଗ ଗାଡିରୁ ୩୫ ଖଣ୍ଡ ଶାଳ କାଠ ଜବତ କରିଛି। ଜବତ କାଠର ଆନୁମାନିକ ମୂଲ୍ୟ ୨ ଲକ୍ଷରୁ ଉର୍ଦ୍ଧ୍ବ ହୋଇଥିବା ନେଇ ସୂଚନା ମିଳିଛି । ଗିରଫ ଅଭିଯୁକ୍ତମାନେ ହେଲେ ସୁଶାନ୍ତ ବେହେରା, ସୁବ୍ରତ ନାଏକ ଓ ନୀଳକଣ୍ଠ ବେହେରା । 

ସୂଚନା ଅନୁଯାୟୀ, ମାଧପୁର ରେଞ୍ଜର ଆଶିଷ ଦିଗାଲ ପୋଢ଼ୋଖଳ ସଂରକ୍ଷିତ ଜଙ୍ଗଲରୁ ଏକ ଗାଡ଼ି ଯୋଗେ ବିପୁଳ ପରିମାଣର ଶାଳ କାଠ ଚାଲାଣ କରୁଥିବା ବିଶ୍ଵସ୍ତ ସୂତ୍ରରୁ ଖବର ପାଇ ବନବିଭାଗ କର୍ମଚାରୀଙ୍କୁ ନେଇ ଚଢାଉ କରିଥିଲେ। ଚଢାଉ ବେଳେ ୩ ଜଣ ଅଭିଯୁକ୍ତ ଗିରଫ ହୋଇଛନ୍ତି। ଗାଡିରୁ ୩୫ ଖଣ୍ଡ ଶାଳ କାଠ ଜବତ ହୋଇଛି। ଉକ୍ତ କାଠର ମୂଲ୍ୟ ପ୍ରାୟ ୨ ଲକ୍ଷରୁ ଉର୍ଦ୍ଧ୍ବ ହେବ ବୋଲି ସୂଚନା ମିଳିଛି। ସେପଟେ ଅଭିଯୁକ୍ତଙ୍କୁ କୋର୍ଟ ଚାଲାଣ କରିବା ସହିତ ଅଧିକ ତଦନ୍ତ ଜାରି ରଖିଛି ମାଧପୁର ବନବିଭାଗ।