ଅହମ୍ମଦାବାଦ,୧୯/୧୧: ବହୁ ପ୍ରତିକ୍ଷିତ ହାଇ ଭୋଲ୍ଟେଜ୍ ବିଶ୍ବକପ୍ ୨୦୨୩ର ନିର୍ଣ୍ଣାୟକ ମୁକାବିଲା ଭାରତ ଓ ଅଷ୍ଟ୍ରେଲିଆ ମଧ୍ୟରେ ଅହମ୍ମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମରେ ଖେଳାଯାଉଛି। ତେବେ ମ୍ୟାଚ୍ରେ ଟସ୍ ଜିତି ପ୍ରଥମେ ବୋଲିଂ ନିଷ୍ପତ୍ତି ନେଇଥିଲା ଅଷ୍ଟ୍ରେଲିଆ। ତେବେ ପ୍ରଥମ ବ୍ୟାଟିଂ କରିବାକୁ ମଇଦାନକୁ ଓହ୍ଲାଇଥିବା ଟିମ୍ ଇଣ୍ଡିଆର ପ୍ରଦର୍ଶନ ପ୍ରଥମରୁ ଭଲ ଥିଲେ ବି ଲଗାତାର ତିନୋଟି ଓ୍ବିକେଟ ପରେ ଏବେ ଦଳୀୟ ପ୍ରଦର୍ଶନ ଚିନ୍ତାଜନକ ରହିଛି।
ରିପୋର୍ଟ ଲେଖା ସରିବା ସୁଦ୍ଧା ଭାରତ ୩୨.୨ ଓଭରରେ ୪ ଓ୍ବିକେଟ ହରାଇ ୧୬୨ ରନ୍ କରିଛି। ଦଳ ପକ୍ଷରୁ ପ୍ରଥମେ ରୋହିତ ଶର୍ମା ଓ ଶୁବମନ ଗିଲ୍ ମଇଦାନକୁ ଓହ୍ଲାଇଥିଲେ। ଯଦିଓ ରୋହିତ ଶର୍ମାଙ୍କର ପ୍ରଦର୍ଶନ ପ୍ରଥମରୁ ଭଲ ଥିଲା ଏବଂ ପଡ଼ିଆରେ ଜମିବା ପରେ ୪.୨ ଓଭର ବେଳକୁ ଦଳକୁ ପ୍ରଥମ ଝଟ୍କା ଲାଗିଥିଲା। ଆଡମ୍ ଜମ୍ପାଙ୍କ ଦ୍ବାରା ଆଉଟ୍ ହୋଇ ପାଭିଲିୟନ ଫେରିଥିଲେ ଶୁବମନ୍ ଗିଲ୍। ସେ ୭ଟି ବଲ୍ରେ ମାତ୍ର ୪ ରନ୍ କରି ପାଭିଲିୟନ ଫେରିଥିଲେ।
ପଢ଼ନ୍ତୁ: ଫାଇନାଲ ମ୍ୟାଚ୍ରେ ସୁରକ୍ଷାରେ ତ୍ରୁଟି ! ହଠାତ ପଡ଼ିଆକୁ ପଶିଆସିଲେ ପାଲେଷ୍ଟାଇନ ସମର୍ଥକ
ପରେ ମଇଦାନକୁ ଓହ୍ଲାଇଥିଲେ ବିରାଟ କୋହଲି। ତେବେ ଉଭୟ କୋହଲି ଓ ରୋହିତଙ୍କ ମଧ୍ୟରେ ଏକ ଉପଯୋଗୀ ଇନିଂସ ଦର୍ଶକ ଆଶା କରୁଥିବା ବେଳେ ମାତ୍ର ୯.୪ ଓଭର ବେଳକୁ ମାକ୍ସଓ୍ବେଲ୍ଙ୍କ ଦ୍ବାରା ଆଉଟ୍ ହୋଇ ପାଭିଲିୟନ ଫେରିଥିଲେ ରୋହିତ ଶର୍ମା। ୩୧ ବଲ୍ରେ ୩ଟି ଛକା ଓ ୪ ଟି ଚୌକା ସାହାଯ୍ୟରେ ସେ ୪୭ ରନ୍ କରିଥିଲେ। ତେବେ ପରେ ବିରାଟଙ୍କ ସାଥ୍ ଦେବାକୁ ମଇଦାନକୁ ଓହ୍ଲାଇଥିବା ଶ୍ରେୟସ୍ ଆୟର୍ ମଧ୍ୟ ପିଚ୍ରେ ଅଧିକ ସମୟ ତିଷ୍ଠି ପାରିନଥିଲେ। ସେ ମାତ୍ର ୩ଟି ବଲ୍ରେ ଗୋଟିଏ ଚୌକା କରି ୧୦.୨ ଓଭରରେ ପାଭିଲିୟନ ଫେରିଥିଲେ।
ଶ୍ରେୟସ୍ଙ୍କ ପରେ ପରେ ପାଳି ସମ୍ଭାଳିବାକୁ ଓହ୍ଲାଇଥିଲେ କେ.ଏଲ୍.ରାହୁଲ। ତେବେ ତିନୋଟି ଓ୍ବିକେଟ ପରେ ଦଳୀୟ ପ୍ରଦର୍ଶନକୁ ନେଇ ଦର୍ଶକ ଚିନ୍ତାରେ ପଡ଼ିଯାଇଥିବା ବେଳେ ବିରାଟଙ୍କ ଉପରେ ଭରସା ଥିଲା। ସେ ମଧ୍ୟ ପିଚ୍ରେ ଜମିବା ପରେ ୨୮.୩ ଓଭର ବେଳକୁ ପାଟ୍ କୁମିନ୍ସଙ୍କ ଦ୍ବାରା ଆଉଟ୍ ହୋଇଥିଲେ। ସେ ୬୩ ବଲ୍ରେ ୪ଟି ଚିୌକା ସହାୟତାରେ ୫୪ ରନ୍ର ଅର୍ଦ୍ଧଶତକୀୟ ପାଳି ଖେଳିଥିଲେ। ବର୍ତ୍ତମାନ ରିପୋର୍ଟ ଲେଖାସରିବା ସୁଦ୍ଧା ପିଚ୍ରେ କେ.ଏଲ୍.ରାହୁଲ ଓ ରବିନ୍ଦ୍ର ଜାଡ଼େଜା ଅପରାଜିତ ଅଛନ୍ତି।
You can also read: ପାକିସ୍ତାନରୁ ଆସିଥିବା ସୀମା ହାଇଦର ଭାରତର ବିଜୟ ପାଇଁ ରଖିଲେ ବ୍ରତ , ପୂଜା ମଧ୍ୟ କଲେ
