ନୂଆଦିଲ୍ଲୀ,୧୬/୫ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ରୋଡ଼ ସୋ ଏବଂ ରାଲି ପରେ ଏବେ ବିପକ୍ଷ ଇଣ୍ଡିଆ ମେଣ୍ଟ ବି ଦେଶର ଆର୍ଥିକ ରାଜଧାନୀରେ ମହାରାଲି କରିବାକୁ ଯାଉଛନ୍ତି । ଏହି ରାଲିରେ ବିପକ୍ଷ ଦଳର କେତେକ ବରିଷ୍ଠ ନେତା ରହିବେ । କଂଗ୍ରେସର ମଲ୍ଲିକାର୍ଜୁନ ଖଡ଼ଗେ, ଆମ ଆଦମୀ ପାର୍ଟିରୁ ଅରବିନ୍ଦ କେଜ୍ରିଓ୍ବାଲ , ଶିବସେନାରୁ ଉଦ୍ଧବ ଠାକରେ, ଏନସିପି ନେତା ଶରଦ ପାଓ୍ବାର ରାଲିରେ ପହଞ୍ଚିବେ । ଶୁକ୍ରବାର ସନ୍ଧ୍ୟା ୬ଟାରେ ହେବାକୁ ଥିବା ଏହି ରାଲିରେ ଗାନ୍ଧୀ ପରିବାରର କୌଣସି ସଦସ୍ୟ ସାମିଲ ହେବେ ନାହିଁ ।

ଇଣ୍ଡିଆ ଗଠବନ୍ଧନର ଏହି ରାଲିରେ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ଏବଂ ସମାଜବାଦୀ ପାର୍ଟି ପ୍ରମୁଖ ଅଖିଳେଶ ଯାଦବ ବି ସାମିଲ ହୋଇପାରିବେ ନାହିଁ । ମହାରାଷ୍ଟ୍ର କଂଗ୍ରେସ ପ୍ରଭାରୀ ରମେଶ ଚେନ୍ନିଥଳା କହିଛନ୍ତି କି ବିପକ୍ଷ ଗଠବନ୍ଧନର ନେତା ୧୮ମଇରେ ମୁମ୍ବାଇରେ ଏକ ମିଳିତି ସାମ୍ବାଦିକ ସମ୍ମିଳନୀକୁ ସମ୍ବୋଧିତ କରିବେ । ଇଣ୍ଡିଆ ଗଠବନ୍ଧନର ରାଲି ବାନ୍ଦ୍ରା କୁର୍ଲା କମ୍ପେ୍ଲକ୍ସରେ ହେବ ।

ଶିବସେନା ୧୭ମଇରେ ଶିବାଜୀ ପାର୍କରେ ଇଣ୍ଡିଆ ଗଠବନ୍ଧନର ରାଲି ଲାଗି ଆବେଦନ କରିଥିଲେ । ଯାହାକୁ ବିଏମସି ଖାରଜ କରିଦେଇଥିଲା।  ଏହାର କାରଣ ମହାରାଷ୍ଟ୍ର ନବନିର୍ମାଣ ସେନାର ରାଲି ଆୟୋଜନ କରିବାକୁ ଅନୁମତି ଦେଇଥିଲା । ମନସେ ବିଜେପିର ନେତୃତ୍ବାଧିନ ମହାୟୁତି ଗଠବନ୍ଧନର ସମର୍ଥନ କରିବାକୁ ଏବଂ ଏଥିଲାଗି ପ୍ରଚାର କରିବା ଲାଗି ନିଷ୍ପତ୍ତି ନେଇଛନ୍ତି । ଦାଦରର ଛତ୍ରପତି ଶିବାଜୀ ମହାରାଜ ପାର୍କରେ ଶୁକ୍ରବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବି ସଭା ହେବାରେ ରହିଛି ।

ପିଏମ୍ ମୋଦୀ ନିଜ ଭାଷଣରେ କହିଥିଲେ କି ଯଦି କଂଗ୍ରେସ ସତ୍ତାରେ ଆସିବ ତ ଦେଶର ସମ୍ପତ୍ତି ମୁସଲମାନଙ୍କୁ ବାଣ୍ଟିଦେବ । ଏହାର ଜବାବରେ ମହାରାଷ୍ଟ୍ର କଂଗ୍ରେସ ଭାବାରୀ ଚେନ୍ନିଥଳା କହିଛନ୍ତି କି, ପିଏମ୍ ପଦରେ ବସିଥିବା ବ୍ୟକ୍ତିଙ୍କୁ ଏଭଳି ଭାଷାର ବ୍ୟବହାର ନ କରିବା ଉଚିତ ।