ଭୁବନେଶ୍ୱର ୧୫/୦୪: ନିମ୍ବ ବୃକ୍ଷରେ ମଙ୍ଗଳ ଗ୍ରହଙ୍କ ସ୍ଥିତି ରହିଛି । ଏଥିପାଇଁ ଏହି ବୃକ୍ଷକୁ ମଙ୍ଗଳ ଦେବ ବୋଲି ବିଶ୍ୱାସ କରାଯାଏ । ଯଦି ଆପଣଙ୍କ ରାଶିରେ ମଙ୍ଗଳ ଗ୍ରହ ଖରାପ ସ୍ଥିତିରେ ରହିଥାନ୍ତି ଅର୍ଥାତ୍ ମଙ୍ଗଳ ଦୋଷ ଲାଗିଥାଏ, ତେବେ ଘର ଦ୍ୱାରମୁହଁର ଦକ୍ଷିଣ ଦିଗରେ ନିମ୍ବ ବୃକ୍ଷ ଲଗାନ୍ତୁ । ଏହାଦ୍ୱାରା ମଙ୍ଗଳ ଦେବଙ୍କ ଶୁଭଦୃଷ୍ଟି ପଡ଼ିବ । ନିମ୍ବ ବୃକ୍ଷକୁ ମଙ୍ଗଳ ଦେବ ମାନି ପୂଜା କରନ୍ତୁ । ମଙ୍ଗଳବାର ଦିନ ଏହି ବୃକ୍ଷରେ ସନ୍ଧ୍ୟାରେ ଜଳ ଅର୍ପଣ କରନ୍ତୁ ଓ ବୃକ୍ଷ ମୂଳରେ ଚମେଲି ତେଲର ଦୀପ ଜଳାନ୍ତୁ । ଅତିକମ୍ରେ ୧୧ ମଙ୍ଗଳବାର ଏପରି କରନ୍ତୁ । ଏହାଦ୍ୱାରା ମଙ୍ଗଳଦେବ ଓ ହନୁମାନଙ୍କ କୃପା ପ୍ରାପ୍ତ ହେବ ।
ଘର ପାଶ୍ୱର୍ରେ ନିମ୍ବ ବୃକ୍ଷ ଲଗାଇ ଜଳ ଅର୍ପଣ କଲେ ମଙ୍ଗଳ ଗ୍ରହ ଦୋଷ ଦୂର ହୋଇଥାଏ । ନିମ୍ବ କାଠ ବ୍ୟବହାର କରି ଯଦି ଯଜ୍ଞ କରାଯାଏ ତେବେ ତେବେ ଶନିଙ୍କ କ୍ରୋଧରୁ ରକ୍ଷା ମିଳେ । ଶନି ସନ୍ତୁଷ୍ଟ ହେବା ସହିତ ଯଜମାନ ଉପରେ ଆଶୀର୍ବାଦ ବର୍ଷଣ କରିଥାନ୍ତି । ନିମ୍ବ ଯେହେତୁ ମଙ୍ଗଳଙ୍କ ସହିତ ସମ୍ବନ୍ଧିତ ଏହି ବୃକ୍ଷ ସର୍ବଦା ଘରର ଦକ୍ଷିଣ ପାଶ୍ୱର୍ରେ ଲଗାଇବା ଉଚିତ । ପ୍ରତି ରବିବାର ସୂର୍ଯ୍ୟୋଦୟ ସମୟରେ ନିମ୍ବ ବୃକ୍ଷ ମୂଳରେ ଜଳ ଅର୍ପଣ କଲେ ସୁଫଳ ମିଳିଥାଏ ।