ନୂଆଦିଲ୍ଲୀ ୧୪/୦୯: ଜଣେ ଜାପାନୀ ବ୍ୟକ୍ତି ନିଜକୁ କୁକୁରରେ ପରିଣତ କରିବା ପାଇଁ ୧୨ ଲକ୍ଷ ଟଙ୍କା ଖର୍ଚ୍ଚ କରିଥିଲେ, ଯେଉଁ କାରଣରୁ ସେ କ୍ରମାଗତ ଭାବରେ ଚର୍ଚ୍ଚାରେ ରହିଥା’ନ୍ତି। ଏହି ଜାପାନୀ ବ୍ୟକ୍ତିଙ୍କ ନାମ ସୋସିଆଲ ମିଡିଆରେ 'ଟୋକୋ' ଭାବରେ ପ୍ରସିଦ୍ଧ। ଟୋକୋ କୁକୁରର ପୋଷାକରେ ପ୍ରାୟ ୧୨ ଲକ୍ଷ ଟଙ୍କା ଖର୍ଚ୍ଚ କରିଛନ୍ତି ଏବଂ ସେବେଠାରୁ ସେ କୁକୁର ପରି ଜୀବନଯାପନ କରୁଛନ୍ତି, ଯାହା ଦେଖି ଲୋକମାନେ ଆଶ୍ଚର୍ଯ୍ୟ ହେଉଛନ୍ତି।

ବର୍ତ୍ତମାନ ଏହି ଜାପାନୀ ବ୍ୟକ୍ତି ଏକ ସାକ୍ଷାତକାରରେ ନିଜ ବିଷୟରେ ଅନେକ ଖୁଲାସା କରିଛନ୍ତି। ଟୋକୋ କହିଛନ୍ତି, ସେ ବିଶେଷ ଭାବରେ କଲି କୁକୁର ପ୍ରଜାତି ବାଛିଛନ୍ତି କାରଣ ସେ ଏହି ପ୍ରଜାତିର କୁକୁରକୁ ବହୁତ ପସନ୍ଦ କରନ୍ତି। ଏହି ପ୍ରଜାତି ବାଛିବା ପଛରେ ଅନ୍ୟାନ୍ୟ କାରଣ ଅଛି । ସବୁଠୁ ବଡ କାରଣ ହେଉଛି ଏହି ପ୍ରଜାତିର କୁକୁରମାନଙ୍କର ଲମ୍ବା ଲୋମ ଅଛି, ତେଣୁ ନିଜର ପରିଚୟ ଲୁଚାଇବା ତାଙ୍କ ପାଇଁ ସହଜ ହେବ।

ବର୍ତ୍ତମାନ ସାରା ବିଶ୍ୱରେ ଭାଇରାଲ ହେବା ଏବଂ 'ହ୍ୟୁମାନ କୋଲି' ନାମରେ ପରିଚିତ ହେବା ପରେ ଟୋକୋ ଫିଲ୍ମରେ କାମ କରିବାକୁ ଇଚ୍ଛା ପ୍ରକାଶ କରିଛନ୍ତି। ସାକ୍ଷାତକାରରେ ସେ କହିଛନ୍ତି, ମୁଁ ଭାବୁଛି ଯଦି ମୁଁ ମୋର କୌଶଳ ବ୍ୟବହାର କରି ଏକ ଫିଲ୍ମରେ କୁକୁର ପରି ଦେଖାଯିବାର ସୁଯୋଗ ପାଆନ୍ତି ତେବେ ଭଲ ହୁଅନ୍ତା।