ଭଦ୍ରକ, ୧୬।୨: ବନ୍ଧୁମାନେ ଘରକୁ ବୁଲିବା ପାଇଁ ଆସିଥିଲେ । ବାପା ଓ ମା’ କାମକୁ ଯାଇଥିବା ବେଳେ ନାବାଳକ ପୁଅକୁ ଘରକୁ ନେଇଯାଇଥିଲେ । ଏବେ ବନ୍ଧୁ କହିଛନ୍ତି ପୁଅ କୁଆଡ଼େ ପଳାଇଯାଇଛି । ମା’ ଓ ବାପା ଏବେ ପୁଅକୁ ନପାଇ ଥାନାର ଦ୍ୱାରସ୍ଥ ହୋଇଛନ୍ତି । ଏଭଳି ଅଭିଯୋଗ ଆସିଛି ଭଦ୍ରକ ଜିଲ୍ଲା ଟାଉନ ଥାନା ଅଧିନ କଣ୍ଟାପାଳ ଗାଁରୁ । 

ଅଭିଯୋଗ ଅନୁଯାୟୀ, ଟାଉନ ଥାନାରେ କଣ୍ଟାପାଳ ଗାଁର ରବି ମୁଣ୍ଡାଙ୍କ ନାବାଳକ ପୁଅ ଏବେ ନିଖୋଜ ଅଛନ୍ତି । ତେବେ ରବିଙ୍କ ବନ୍ଧୁ ତାଙ୍କ ସ୍ତ୍ରୀ ଓ ଅନ୍ୟ କେତେକଙ୍କ ସହ ତାଙ୍କ ଘରକୁ ଆସିଥିଲେ । ତେବେ ନାବାଳକଙ୍କ ବାପା ଓ ମା’ କାମ କରିବା ପାଇଁ ଯାଇଥିବା ବେଳେ ବନ୍ଧୁମାନେ ପୁଅକୁ ସାଙ୍ଗରେ ନେଇ ପଳାଇଥିଲେ । ବାପା ଓ ମା’ ଫେରି ପୁଅକୁ ନ ପାଇ ଗାଁ ଲୋକଙ୍କୁ ପଚାରିବାରୁ ସେମାନେ ପୁଅକୁ ସାଙ୍ଗରେ ନେଇ ଯାଇଥିବା କହିଥିଲେ । ବନ୍ଧୁଙ୍କୁ ଫୋନ ଯୋଗେ ପଚାରିବାରୁ ସେମାନେ ପୁଅକୁ ବୁଲାଇ ଛାଡ଼ିଦେବେ ବୋଲି କହିଥିଲେ । କିନ୍ତୁ, ପରେ ପୁଅ ନିଖୋଜ ହୋଇଯାଇଥିବା ୨ ଦିନ ପରେ ଣାଇଥିଲେ । ତେଣୁ ନାବାଳକଙ୍କ ଘର ଲୋକେ ତାଙ୍କ ପୁଅକୁ ଅପହରଣ କରାଯାଇଥିବା ନେଇ ଟାଉନ ଥାନାରେ ଅଭିଯୋଗ କରିଛନ୍ତି ।