ଭୁବନେଶ୍ୱର,୩୧/୦୩ :ଏପ୍ରିଲ୍ ୧ରୁ କେନ୍ଦ୍ରୀୟ ବିଦ୍ୟାଳୟରେ ପ୍ରଥମ ଶ୍ରେଣୀ ନାମଲେଖା ପଞ୍ଜିକରଣ ଆରମ୍ଭ ହେବ । ଏପ୍ରିଲ୍ ୧୫ ତାରିଖ ପର୍ଯ୍ୟନ୍ତ ଏହି ନାମଲେଖା ପଞ୍ଜିକରଣ ଚାଲିବ । ଏନେଇ କେନ୍ଦ୍ରୀୟ ବିଦ୍ୟାଳୟ ସଂଗଠନ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି ।
ସୂଚନାଯୋଗ୍ୟ, ଇଚ୍ଛୁକ ଅଭିଭାବକମାନେ ମନୋନୀତ କେନ୍ଦ୍ରୀୟ ବିଦ୍ୟାଳୟରେ ନାମଲେଖା ପାଇଁ ଅନଲାଇନ୍ ପଞ୍ଜିକରଣ କରିବେ। ଏପ୍ରିଲ୍ ୧୫ ତାରିଖ ପଞ୍ଜିକରଣର ଶେଷ ତାରିଖ । ୧୯ ତାରିଖରେ ପ୍ରଥମ ପ୍ରୋଭିଜ୍ନାଲ୍ ଲିଷ୍ଟ ପ୍ରକାଶ ପାଇବ । ଏଥିରେ ନାମ ଲେଖାଇବା ପାଇଁ ଚୟନ ପିଲାଙ୍କର ତାଲିକା ପ୍ରକାଶିତ ହେବ । ୨୯ରେ ଦ୍ୱିତୀୟ ପ୍ରୋଭିଜନାଲ୍ ତାଲିକା ଓ ମେ ୮ରେ ଦ୍ୱିତୀୟ ପ୍ରୋଭିଜନାଲ୍ ତାଲିକା ପ୍ରକାଶ ପାଇବ ।
ସିଟ୍ ବଳକାକୁ ଆଧାର କରି ଦ୍ୱିତୀୟ ପର୍ଯ୍ୟାୟ ନାମଲେଖା ପାଇଁ ମେ ୮ରୁ ୧୫ ତାରିଖ ପର୍ଯ୍ୟନ୍ତ ଆବେଦନ କରାଯିବ । ୨୨ରୁ ୨୭ ତାରିଖ ମଧ୍ୟରେ ନାମଲେଖା ହେବ । ସେହିପରି ଦ୍ୱିତୀୟ ଶ୍ରେଣୀରୁ ଦଶମ ଶ୍ରେଣୀ ପର୍ଯ୍ୟନ୍ତ ନାମଲେଖା ପାଇଁ ଅଫଲାଇନ୍ ପଞ୍ଜିକରଣ କରାଯିବ । ଏପ୍ରିଲ୍ ୧ରୁ ୧୦ ତାରିଖ ମଧ୍ୟରେ ଛାତ୍ରଛାତ୍ରୀମାନେ ନିଜର ନିକଟସ୍ଥ ସ୍କୁଲ୍ରେ ଅଫଲାଇନ୍ ଆବେଦନ କରିବେ । ଆବେଦନକାରୀଙ୍କ ଚୟନ ଲିଷ୍ଟ ୧୫ ତାରିଖରେ ପ୍ରକାଶ ପାଇବ । ୧୬ରୁ ୨୯ ତାରିଖ ମଧ୍ୟରରେ ନାମଲେଖା ହେବ । ଜୁନ୍ ୧୯ ତାରିଖ ମଧ୍ୟରେ ସମସ୍ତ ନାମଲେଖା ପ୍ରକ୍ରିୟା ଶେଷ ହେବ । ଦଶମ ଶ୍ରେଣୀ ରେଜଲ୍ଟ ପ୍ରକାଶ ପାଇବାର ୧୦ ଦିନ ମଧ୍ୟରେ ପିଲାଙ୍କର ନାମଲେଖା ଏକାଦଶ ଶ୍ରେଣୀରେ କରାଯିବ ।
