ଜୟପୁର,୧୯/୪: ବିଶ୍ୱ ଐତିହ୍ୟ ଦିବସରେ ଜୟପୁରରେ ଉନ୍ମୋଚିତ ହୋଇଛି ଭେଟେରାନ ବ୍ୟାଟର ବିରାଟ କୋହଲିଙ୍କ ମହମ ପ୍ରତିମୂର୍ତ୍ତି । ଏହି ମୂର୍ତ୍ତିର ଓଜନ ୩୫ କିଲୋ ଏବଂ ଏହାର କାର୍ଯ୍ୟ ୨ ମାସ ମଧ୍ୟରେ ଶେଷ ହୋଇଥିଲା ।
ଜୟପୁରର ୱାକ୍ସ ମ୍ୟୁଜିୟମରେ (ମହମ ସଂଗ୍ରହାଳୟ)ର ପ୍ରତିଷ୍ଠାତା ନିର୍ଦ୍ଦେଶକ ଅନୁପ ଶ୍ରୀବାସ୍ତବ କହିଛନ୍ତି, ‘କିଛି ବର୍ଷ ହେବ ଏଠାକୁ ଆସୁଥିବା ପର୍ଯ୍ୟଟକମାନଙ୍କର ଦାବି ରହିଥିଲା କୋହଲିଙ୍କ ପ୍ରତିମୂର୍ତ୍ତି ରଖିବା । ବିଶେଷ କରି ପିଲା ଓ ଯୁବକମାନେ ଏହି ଦାବି ରଖିଥିଲେ । ତେଣୁ ପର୍ଯ୍ୟଟକମାନଙ୍କ ଆଗ୍ରହକୁ ଦେଖି ଆମେ ଏହି ପ୍ରତିମୂର୍ତ୍ତି ତିଆରି କରିଛୁ । ଆମ ସଂଗ୍ରହାଳୟରେ ୪୪ଟି ମୂର୍ତ୍ତି ରହିଛି । ପୂର୍ବରୁ ସଚିନ ତେନ୍ଦୁଲକର ଓ ମହେନ୍ଦ୍ର ସିଂ ଧୋନିଙ୍କ ମୂର୍ତ୍ତି ରହିଥିଲା ।’
