ନୂଆଦିଲ୍ଲୀ,୧୨।୪:  ବୈଦେଶିକ ମନ୍ତ୍ରଣାଳୟ ଇରାନ ଓ ଇସ୍ରାଏଲ ପାଇଁ ଟ୍ରାଭେଲ ଆଡଭାଇଜରୀ ଜାରି କରିଛନ୍ତି। ସବୁ ଭାରତୀୟଙ୍କୁ  ଆଗାମୀ ସୂଚନା ଦିଆନଯିବା ପର୍ଯ୍ୟନ୍ତ ଇସ୍ରାଏଲ କିମ୍ବା ଇରାନ ଯାତ୍ରା ନକରିବାକୁ ପରାମର୍ଶ ଦିଆଯାଇଛି। ମନ୍ତ୍ରଣାଳୟ ଇରାନ ଓ ଇସ୍ରାଏଲରେ ଥିବା ଭାରତୀୟଙ୍କୁ ଅନୁରୋଧ କରିଛନ୍ତି ସେମାନେ ଭାରତୀୟ ଦୂତାବାସ ସହିତ ଯୋଗାଯୋଗରେ ରୁହନ୍ତୁ ଓ ନିଜର ରେଜିଷ୍ଟେ୍ରସନ୍ କରନ୍ତୁ।

ବୈଦେଶିକ ମନ୍ତ୍ରଣାଳୟ ଶୁକ୍ରବାର ଏକ ନୋଟିଫିକେସନ୍ ଜାରି କରି ଭାରତୀୟଙ୍କୁ ଆଗାମୀ ସୂଚନା ପର୍ଯ୍ୟନ୍ତ ଇରାନ ଓ ଇସ୍ରାଏଲ ଯାତ୍ରା ନକରିବାକୁ କହିଛନ୍ତି। ଏହି ଆଡଭାଇଜରୀ ସେହି ରିପୋର୍ଟ ଭିତରେ ଜାରି କରଯାଇଛି, ଯେଉଁଥିରେ କୁହାଯାଉଛି ଯେ, ଇରାନ ଆଗାମୀ ୪୮ ଘଣ୍ଟା ଭିତରେ ଇସ୍ରାଏଲ ଉପରେ ଆକ୍ରମଣ କରିପାରେ।

ମନ୍ତ୍ରଣାଳୟ ସେହି ଭାରତୀୟଙ୍କୁ ଦୂତାବାସ ସହ ଯୋଗାଯୋଗରେ ରହିବାକୁ କହିଛନ୍ତି  ଯେଉଁମାନେ ବର୍ତ୍ତମାନ ଇରାନ କିମ୍ବା ଇସ୍ରାଏଲରେ ଅଛନ୍ତି। ବୈଦେଶିକ ମନ୍ତ୍ରଣାଳୟ କହିଛନ୍ତି, ତାଙ୍କୁ ଏହା ମଧ୍ୟ ଅନୁରୋଧ କରାଯାଉଛି ଯେ, ସେ ନିଜର ସୁରକ୍ଷା ବିଷୟରେ ଅତ୍ୟାଧିକ ସାବଧାନ ରୁହନ୍ତୁ ଓ ନିଜ ଗତିବିଧିକୁ ନ୍ୟୁନତମ ସୀମିତ ରଖନ୍ତୁ।’