ଦୁବାଇ,୧୨/୦୫: ଆଗାମୀ ଟି-ଟ୍ୱେଣ୍ଟି ବିଶ୍ୱକପ୍ ପାଇଁ ନାମିବିୟା ଦଳ ଘୋଷଣା କରାଯାଇଛି । ଦଳର ଷ୍ଟାର୍ ବ୍ୟାଟର ତଥା ଅନ୍ତର୍ଜାତୀୟ ଟି-ଟ୍ୱେଣ୍ଟିରେ ଦ୍ରୁତତମ ଶତକ ରେକର୍ଡ଼ ସ୍ଥାନ କରିଥିବା ଜାନ ନିକୋଲ ଲଫ୍ଟି-ଇଟନ ବାଦ୍ ପଡ଼ିଛନ୍ତି । ବିଶୃଙ୍ଖଳିତ ବ୍ୟବହାର ପାଇଁ ତାଙ୍କୁ ଦଳରୁ ବାଦ୍ ଦିଆଯାଇଥିବା କ୍ରିକେଟ୍ ନାମିବିୟା ପକ୍ଷରୁ କୁହାଯାଇଛି ।
ସେ ଗତ ଫେବ୍ରୁଆରୀ ମାସ ନେପାଳ ବିପକ୍ଷ ଏକ ମ୍ୟାଚ୍ରେ ମାତ୍ର ୩୩ଟି ବଲ୍ରୁ ଶତକ ଅର୍ଜନ କରିଥିଲେ । ଅଭିଜ୍ଞ ଗେରାଲ୍ଡ ଏରାସମସ୍ଙ୍କୁ ନେତୃତ୍ୱ ଦାୟିତ୍ୱ ପ୍ରଦାନ କରାଯାଇଛି । ସେହିପରି ପୂର୍ବତନ ଦକ୍ଷିଣ ଆଫ୍ରିକା ଅଲରାଉଣ୍ଡ୍ର ଡେଭିଡ୍ ୱିସ୍ ସ୍ଥାନ ବଜାୟ ରଖିଛନ୍ତି । ନାମିବିୟା ଦଳ ଗ୍ରୁପ୍-ବି’ରେ ଅଷ୍ଟ୍ରେଲିଆ, ଇଂଲଣ୍ଡ, ସ୍କଟଲାଣ୍ଡ, ଓମାନ ସହ ସ୍ଥାନ ପାଇଛି । ଆଗାମୀ ଜୁନ ୩ତାରିଖରେ ଦଳ ଓମାନ ବିପକ୍ଷରେ ଅଭିଯାନ ଆରମ୍ଭ କରିବ ।
ନାମିବିୟା ଦଳ: ଗେରାଲ୍ଡ ଏରାସ୍ମସ୍ (ଅଧିନାୟକ), ଜାନ ଗ୍ରୀନ, ମାଇକେଲ ଭାନ୍ ଲିଙ୍ଗେନ, ଡାୟଲନ ଲିଚର, ରୁବେନ ଟ୍ରମ୍ପେଲମାନ, ଜ୍ୟାକ ବ୍ରାସେଲ, ବେନ୍ ଶିକୋଙ୍ଗୋ, ଟାଙ୍ଗେନି ଲୁଙ୍ଗାମେନି, ନିକୋ ଡେଭିନ୍, ଜେଜେ ସ୍ମିଟ୍, ଜାନ୍ ଫ୍ରାଏଲିଙ୍କ୍, ଜେପି କୋଜ୍, ଡେଭିଡ୍ ୱିସ୍, ବର୍ନାର୍ଡ ସୋଲ୍ଜ, ମଲାନ କ୍ରୁଗର, ପିଡି ବ୍ଲିଙ୍ଗ୍ନାଟ୍ ।