ଭୁବନେଶ୍ବର, ୪।୬ : ରାଜନୀତିରେ ପାଦ ଦେବା ଦିନଠାରୁ ନବୀନ କେବେ ପରାଜୟର ସାମ୍ନା କରି ନ ଥିଲେ। ଦୀର୍ଘ ୨୪ ବର୍ଷ ପରେ କଣ୍ଟାବାଞ୍ଜୀରେ ପରାଜୟର ସ୍ବାଦ ଚାଖିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ପ୍ରଥମ ଥର ପାଇଁ ସେ ନିର୍ବାଚନରେ ହାରିଛନ୍ତି। ବିଜେପି ପ୍ରାର୍ଥୀ ଲକ୍ଷ୍ମଣ ବାଗଙ୍କ ଠାରୁ ନବୀନ ହାରିଛନ୍ତି। ୧୬ ହଜାରରୁ ଉର୍ଦ୍ଧ୍ବ ଭୋଟ ବ୍ୟବଧାନରେ ସେ ପରାଜିତ ହୋଇଛନ୍ତି ।
କଣ୍ଟାବାଞ୍ଜି ଆସନରୁ ନବୀନ ୭୪୫୩୨ ଭୋଟ ପାଇଥିବା ବେଳେ ଲକ୍ଷ୍ମଣ ବାଗ ୯୦୮୭୬ ଖଣ୍ଡ ଭୋଟ ପାଇ ବିଜୟୀ ହୋଇଛନ୍ତି। ସେହିପରି କଂଗ୍ରେସ ପ୍ରାର୍ଥୀ ସନ୍ତୋଷ ସିଂ ସାଲୁଜା ୨୬୮୩୯ ଖଣ୍ଡ ଭୋଟ ପାଇଛନ୍ତି।
ଅନ୍ୟପକ୍ଷରେ ନିଜର ପାରମ୍ପରିକ ନିର୍ବାଚନ ମଣ୍ଡଳୀ ହିଞ୍ଜଳିରୁ ୪ ହଜାରରୁ ଅଧିକ ଭୋଟରେ ନବୀନ ନିର୍ବାଚିତ ହୋଇଛନ୍ତି।
