ପ୍ରମୂଖ ଖବର
  • ସାରା ରାଜ୍ୟରେ ଲାଗୁ ହେବ ସୁଭଦ୍ରା ଯୋଜନା, ୧୦୦ ଦିନ ଭିତରେ ହେବ କାର୍ଯ୍ୟକାରୀ
  • ||
  • ଜନ୍ମମାଟିରେ ମୁଖ୍ୟମନ୍ତ୍ରୀଙ୍କ ବଡ଼ ଘୋଷଣା, ମା' ତାରିଣୀ ପୀଠ ପାଇଁ ୫୦ କୋଟିର ଅନୁଦାନ
  • ||
  • T-20 ବିଶ୍ୱକପ୍ ସୁପର ୮ ରାଉଣ୍ଡ, ୨୧ ରନ୍‌ରେ କଙ୍ଗାରୁ ବାହିନୀ ଚିତ୍ ପଟାଙ୍ଗ, ଆଫଗାନିସ୍ତାନ ପ୍ରଥମ ବିଜୟ
  • ||
  • ଯୌନ ନିର୍ଯାତନା ମାମଲା, ପ୍ରଜ୍ବଳଙ୍କ ଭାଇ ସୂରଜ ରେଭାନ୍ନାକୁ ବାନ୍ଧିଲା ପୋଲିସ
  • ||
  • ମାଲକାନଗିରି ସହରର ଡିଏନ୍‌କେ ଛକରେ ମର୍ମନ୍ତୁଦ ସଡ଼କ ଦୁର୍ଘଟଣା, ଜଣେ ମହିଳା ମୃତ
  • ||
  • ସାଲେପୁର: ବାଇକ୍‌ ସହ ପୋଲରୁ ଖସି ପଡ଼ିଲେ ୨ ଆରେହୀ, ଜଣେ ମୃତ ,ଜଣେ ଗୁରୁତର
  • ||
  • ରବିବାରଠୁ ୨ ଦିନିଆ କେନ୍ଦୁଝର ଗସ୍ତରେ ଯିବେ ମୁଖ୍ୟମନ୍ତ୍ରୀ, ମା’ ତାରିଣୀଙ୍କୁ ଦର୍ଶନ ପରେ ଜନସମାବେଶରେ ହେବେ ସାମିଲ
  • ||
  • ଶ୍ରୀମନ୍ଦିରରେ ପଟିଦିଅଁ ବିଜେ, ଜ୍ୱରରୁ ମୁକ୍ତି ପାଇଁ ମହାପ୍ରଭୁଙ୍କ ଗୁପ୍ତ ଅନବସର ସେବା ଆରମ୍ଭ
  • ||
  • ଆସନ୍ତା ଦୁଇ ଦିନ ବିକ୍ଷିପ୍ତ ସ୍ଥାନରେ ବର୍ଷା ସମ୍ଭାବନା, ୨୫ରୁ ରାଜ୍ୟରେ ପ୍ରବଳ ଛେଚିବ
  • ||

ନୂଆ ସରକାର ଆସିଲେ କ’ଣ ହେବ ? ଡରରେ ଆଗଧାଡ଼ିଆ ଅଫିସରଙ୍କ ଛାତି ଧଡ଼ଧଡ଼, ଖଣ୍ଡାଧାରରେ ଭାଗ୍ୟ

ଭୁବନେଶ୍ୱର,୦୬/୦୬: ଅଫିସର ମହଲରେ ପଶିଗଲାଣି ଛନକା । ନୂଆ ସରକାର ଆସିଲେ, କ’ଣ  ହେବ? କାଟ୍‌ତି ରହିବ ନା ନୂଆ ସରକାରଙ୍କ କଇଁଚି ଚାଲିବ । ଡରରେ ଆଗଧାଡ଼ିଆଙ୍କ ଛାତି ଧଡ଼ଧଡ଼ । 

ଆଇଏଏସ୍‌, ଆଇପିଏସ, ଓପିଏସ୍‌ ଏବଂ ଓଏଏସ୍‌  ଅଫିସରଙ୍କ ସ୍ତରରେ ଛନକା ବଢ଼ିଯାଇଛି । ନବୀନଙ୍କ  ଶାସନ କାଳରେ ଯେଉଁମାନେ ବଡ଼ ପଦପଦବିରେ ଆଗ  ଧାଡ଼ିଆରେ ଥିଲେ, ସେମାନଙ୍କ ଭିତରୁ ଅନେକଙ୍କ ମୁଣ୍ଡ  ଗୋଲ୍‌ । ସରକାରଙ୍କ ଶୁଭ ଦୃଷ୍ଟିରେ ରହିବେ ନା କୋପ  ଦୃଷ୍ଟିରେ ବଳି ପଡ଼ିବେ, ସେଇ ଚିନ୍ତା ଘାରିଲାଣି । 

ଅଫିସର୍‌ ରାଜ୍‌କୁ ପ୍ରସଙ୍ଗ କରି ବିଜେପି ନିର୍ବାଚନ  ମଇଦାନକୁ ଓହ୍ଲାଇଥିଲା । ପ୍ରଚାରରେ ସିଧାସିଧା ବିଜେପି  ନେତାମାନେ କହିଥିଲେ, ବିଜେପି ଆସିଲେ ଓଡ଼ିଶାରେ  ଅଫିସର ରାଜ୍‌ ଚାଲିବନି । ବିଜେପି ନେତାଙ୍କ ଏଭଳି ଫଁ..  ଏବେ ଅନେକ ଅଫିସରଙ୍କ କାନରେ ଘଣ୍ଟି ଭଳି ବାଜୁଛି ।  ନିଜ ଭବିଷ୍ୟତ ଚିନ୍ତା ସଭିଙ୍କୁ ଘାରିଛି । 

ବିଶେଷକରି ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ (ସିଏମ୍‌ଓ)ରେ  କାର୍ଯ୍ୟ କରୁଥିବା କିଛି ବରିଷ୍ଠ ଅଧିକାରୀ, ବିଭିନ୍ନ ବିଭାଗରେ  ଦୀର୍ଘ ବର୍ଷ ଧରି ବଡ଼ ପଦବିରେ ଥିବା ଅଫିସରଙ୍କ ମୁଣ୍ଡ  ଗୋଲ୍‌ । ଚର୍ଚ୍ଚା ହେଉଛି, କିଛି ଅଫିସରଙ୍କ ତାଲିକା  ବିଜେପି ପ୍ରସ୍ତୁତ କରି ରଖିଛି । ବିଜେପି ନେତାମାନଙ୍କ କହିବାନୁସାରେ ଯେଉଁ ଅଫିସର ନିଜ ପଦପଦବିର ଦାୟିତ୍ୱକୁ ଭୁଲି ନିର୍ବାଚନୀ ପ୍ରକ୍ରିୟାରେ ଶାସକ ଦଳ ପାଇଁ  କାମ କରୁଥିଲେ, ସେମାନଙ୍କୁ ଦଳ ଭାବେ ଚିହ୍ନଟ କରିଛି । ସରକାରକୁ ଆସିଲେ ପ୍ରଥମେ ସେମାନଙ୍କ କଥା ବୁଝାଯିବ ।  ବାସ୍‌, ଏହି କଥା କାନରେ ପଡ଼ିବା ପରେ କିଛି ଅଫିସରଙ୍କ  ନିଦ ହଜିଗଲାଣି । କିଛି ନିର୍ଦ୍ଦିଷ୍ଟ ଅଫିସରଙ୍କୁ କେନ୍ଦ୍ରୀୟ  ଡେପୁଟେସନରେ ପଠାଯାଇପାରେ । ଆଉ କେତେକ  ଅଫିସରଙ୍କ ଆସନ ଉପରେ କାର୍ଯ୍ୟାନୁଷ୍ଠାନର ଖଣ୍ଡା ବି  ଚାଲିପାରେ । ଏପରିକି ଇଡି ବି ପଶିପାରେ । 

ବଡ଼ ଧରଣର ପରିବର୍ତ୍ତନ ସମ୍ଭାବନା ଅଛି ରାଜ୍ୟ  ପ୍ରଶାସନିକ ମହଲରେ । ଶୁଣାଯାଉଛି, ବଡ଼ ଧରଣର  ବଦଳି ହୋଇପାରେ । ଦିଲ୍ଲୀରେ ଡେପୁଟେସନରେ ଥିବା  କିଛି ଅଫିସରଙ୍କୁ ପୁଣି ଓଡ଼ିଶା ଡାକରା ଯାଇପାରେ । କିଛି  ଅବସରପ୍ରାପ୍ତ ଓଡ଼ିଆ ଅଫିସରଙ୍କୁ ବଡ଼ ଭୂମିକା ମିଳିପାରେ  ନୂଆ ସରକାରରେ । ଆଇପିଏସ୍‌ ମହଲରେ କିଛି ଅଫିସରଙ୍କୁ  ଆଗାମୀ ଦିନରେ ବଡ଼ ଭୂମିକା ମିଳିବ । ବଡ଼ ପଦବିରେ  ୍‌ଥିବା କିଛି ଅଫିସରଙ୍କୁ ଅଲୋଡ଼ା ଦାୟିତ୍ୱ ଦିଆଯିବା ସମ୍ଭାବନା  ଅଛି । ଏମିତିକି ଜିଲ୍ଲା ସ୍ତର ଯାଏଁ ବଡ଼ ଓଲଟପାଲଟ  ସମ୍ଭାବନା ନେଇ ଛନକା ପଶିଛି ଅଫିସରଙ୍କ ଭିତରେ

  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.