ପ୍ରମୂଖ ଖବର
  • ସାରା ରାଜ୍ୟରେ ଲାଗୁ ହେବ ସୁଭଦ୍ରା ଯୋଜନା, ୧୦୦ ଦିନ ଭିତରେ ହେବ କାର୍ଯ୍ୟକାରୀ
  • ||
  • ଜନ୍ମମାଟିରେ ମୁଖ୍ୟମନ୍ତ୍ରୀଙ୍କ ବଡ଼ ଘୋଷଣା, ମା' ତାରିଣୀ ପୀଠ ପାଇଁ ୫୦ କୋଟିର ଅନୁଦାନ
  • ||
  • T-20 ବିଶ୍ୱକପ୍ ସୁପର ୮ ରାଉଣ୍ଡ, ୨୧ ରନ୍‌ରେ କଙ୍ଗାରୁ ବାହିନୀ ଚିତ୍ ପଟାଙ୍ଗ, ଆଫଗାନିସ୍ତାନ ପ୍ରଥମ ବିଜୟ
  • ||
  • ଯୌନ ନିର୍ଯାତନା ମାମଲା, ପ୍ରଜ୍ବଳଙ୍କ ଭାଇ ସୂରଜ ରେଭାନ୍ନାକୁ ବାନ୍ଧିଲା ପୋଲିସ
  • ||
  • ମାଲକାନଗିରି ସହରର ଡିଏନ୍‌କେ ଛକରେ ମର୍ମନ୍ତୁଦ ସଡ଼କ ଦୁର୍ଘଟଣା, ଜଣେ ମହିଳା ମୃତ
  • ||
  • ସାଲେପୁର: ବାଇକ୍‌ ସହ ପୋଲରୁ ଖସି ପଡ଼ିଲେ ୨ ଆରେହୀ, ଜଣେ ମୃତ ,ଜଣେ ଗୁରୁତର
  • ||
  • ରବିବାରଠୁ ୨ ଦିନିଆ କେନ୍ଦୁଝର ଗସ୍ତରେ ଯିବେ ମୁଖ୍ୟମନ୍ତ୍ରୀ, ମା’ ତାରିଣୀଙ୍କୁ ଦର୍ଶନ ପରେ ଜନସମାବେଶରେ ହେବେ ସାମିଲ
  • ||
  • ଶ୍ରୀମନ୍ଦିରରେ ପଟିଦିଅଁ ବିଜେ, ଜ୍ୱରରୁ ମୁକ୍ତି ପାଇଁ ମହାପ୍ରଭୁଙ୍କ ଗୁପ୍ତ ଅନବସର ସେବା ଆରମ୍ଭ
  • ||
  • ଆସନ୍ତା ଦୁଇ ଦିନ ବିକ୍ଷିପ୍ତ ସ୍ଥାନରେ ବର୍ଷା ସମ୍ଭାବନା, ୨୫ରୁ ରାଜ୍ୟରେ ପ୍ରବଳ ଛେଚିବ
  • ||

ସରକାର ଚଳାଇବା ପାଇଁ କେବଳ ବହୁମତ ଆବଶ୍ୟକ, କିନ୍ତୁ ଦେଶ ଚଳାଇବା ପାଇଁ…NDA ବୈଠକରେ ଏମିତି କହିଲେ ମୋଦୀ…

ନୂଆଦିଲ୍ଲୀ: ଏନଡିଏ ସଂସଦୀୟ ଦଳ ବୈଠକରେ ଯୋଗ ଦେଇ ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ, ଏହି ମିଳିତମଞ୍ଚ ହେଉଛି ହିନ୍ଦୁସ୍ତାନର ରାଜନୈତିକ ଇତିହାସରେ ସବୁଠାରୁ ସଫଳ ପ୍ରି-ପୋଲ୍ ଆଲାଏନ୍ସ । ସେ ଆହୁରି ମଧ୍ୟ କହିଛନ୍ତି ଯେ, ସରକାର ଚଳାଇବା ପାଇଁ ସଂଖ୍ୟାଗରିଷ୍ଠତା ଆବଶ୍ୟକ । କାରଣ ଏହା ହେଉଛି ଗଣତନ୍ତ୍ରର ନୀତି । ହେଲେ ଦେଶ ଚଳାଇବା ପାଇଁ ସର୍ବସମ୍ମତି ଆବଶ୍ୟକ । ଆଜି ମୁଁ ଦେଶବାସୀଙ୍କୁ ଆଶ୍ୱାସନା ଦେବାକୁ ଚାହୁଁଛି ଯେ, ଆପଣ ମାନେ ଯେଉଁଭଳି ଭାବରେ ସଂଖ୍ୟାଗରିଷ୍ଠତା ଦେଇ ଆମକୁ ସରକାର ଚଳାଇବାକୁ ସୁଯୋଗ ଦେଇଛନ୍ତି, ଏହା ଆମ ସମସ୍ତଙ୍କ ଦାୟୀତ୍ବ ଯେ, ଆମେ ସହମତି ହାସଲ କରିବାକୁ ଚେଷ୍ଟା କରିବା ଏବଂ ଦେଶକୁ ଆଗକୁ ନେବା ପାଇଁ କୌଣସି କଷ୍ଟକୁ ଛାଡିବା ନାହିଁ । 

ପ୍ରଧାନମନ୍ତ୍ରୀ ମୋଦୀ ଆହୁରି କହିଛନ୍ତି ଯେ, ଏହା ହେଉଛି ସବୁଠାରୁ ସଫଳ ମିଳିତ ମଞ୍ଚ। ଏହି ମିଳିତ ମଞ୍ଚ ଏହାର ଚତୁର୍ଥ କାର୍ଯ୍ୟକାଳରେ ପ୍ରବେଶ କରୁଛି । NDA ହେଉଛି ଏକ ଏମତି ଗୋଷ୍ଠୀ, ଯାହା ପ୍ରଥମେ ରାଷ୍ଟ୍ରର ଆତ୍ମା ପାଇଁ ଗଠିତ । ଏନଡିଏର ଏହି ଆତ୍ମା ହେଉଛି ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀ, ପ୍ରକାଶ ସିଂ ବାଦଲ, ବାଲା ସାହେବ ଠାକରେ, ଜର୍ଜ ଫର୍ଣ୍ଣାଣ୍ଡିସ୍, ଶରଦ ଯାଦବଙ୍କ ପରି ନେତାଙ୍କ ଅବଦାନ । ଏହି ଲୋକମାନଙ୍କ ଦ୍ୱାରା ବୁଣାଯାଇଥିବା ମଞ୍ଜି, ଆଜି ଭାରତର ଲୋକମାନେ ସେମାନଙ୍କୁ ବିଶ୍ୱାସରେ ସଂଗ୍ରହ କରି ଗଛରେ ପରିଣତ କରିଛନ୍ତି । ଏହିପରି ନେତାଙ୍କ ପାଇଁ ଆମେ ଗର୍ବିତ |

ସେ ଆହୁରି ମଧ୍ୟ କହିଛନ୍ତି ଯେ, ଏନଡିଏ ଭଲ ଶାସନ ସହିତ ସମକକ୍ଷ ହୋଇପାରିଛି। ଗରିବଙ୍କ କଲ୍ୟାଣ ଆମ ସମସ୍ତଙ୍କ ପାଇଁ କେନ୍ଦ୍ରବିନ୍ଦୁ ପାଲଟିଛି । ଦେଶର ଜନତା ପ୍ରଥମଥର ଅନୁଭବ କରିଛନ୍ତି ଯେ, ସରକାର କ’ଣ, ସରକାର କାହା ପାଇଁ ଏବଂ ସରକାର କିପରି କାର୍ଯ୍ୟ କରନ୍ତି । ସେ କହିଛନ୍ତି ଯେ ଆଗାମୀ ଦଶ ବର୍ଷ ମଧ୍ୟରେ ଏନଡିଏ ଲୋକଙ୍କ ପାଇଁ ଉତ୍ତମ ଶାସନ, ବିକାଶ ଏବଂ ଜୀବନଶୈଳୀକୁ ନିଶ୍ଚିତ କରିବ। ମିଳିତ ଭାବେ ଆମେ ଏକ ବିକଶିତ ଭାରତର ସ୍ୱପ୍ନକୁ ସାକାର କରିବା । 

 

 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.