ନଵରଙ୍ଗପୁର, ୨୯/୮(ଆପ୍ର): ରାଇଘର ଵ୍ଳକ ଅଧ୍ୟକ୍ଷ ଉପନିର୍ବାଚନରେ ବିଜୟୀ ନୂତନ ଵ୍ଳକ ଅଧ୍ୟକ୍ଷ ଗୁପ୍ତ ପ୍ରସାଦ ଝାଙ୍କର ପୂର୍ବତନ ମୁଖ୍ୟମନ୍ତ୍ରୀ ତଥା ବିଜେଡି ସୁପ୍ରିମୋ ନଵୀନ ପଟ୍ଟନାୟକଙ୍କୁ ଭେଟି ଆର୍ଶିବାଦ ନେଇଛନ୍ତି। ଆଗାମୀ ଦିନରେ ରାଇଘର ଅଞ୍ଚଳରେ ବିଜେଡି ସଂଗଠନ କୁ କିଭଳି ସୁଦୃଢ କରାଯିବ ଏଥି ପାଇଁ  ନବୀନ ଗୁରୁ ମନ୍ତ୍ର ଦେଇଛନ୍ତି। ସରକାରଙ୍କ ଯୋଜନାକୁ ଲୋକଙ୍କ ନିକଟରେ ପହଞ୍ଚାଇ ଲୋକଙ୍କ ଆସ୍ଥାଭାଜନ ହୋଇ ଲୋକଙ୍କ ସହିତ ରହିବାକୁ କହିଛନ୍ତି। 

ନଵରଙ୍ଗପୁର ଜିଲ୍ଲା ବିଜେଡି ସଭାପତି ତଥା ପୂର୍ବତନ ସାଂସଦ ରମେଶ ଚନ୍ଦ୍ର ମାଝୀଙ୍କ ନେତୃତ୍ଵରେ ଗୁରୁବାର ନବୀନ ନିବାସ କୁ ଯାଇ ନଵୀନ ପଟ୍ଟନାୟକଙ୍କୁ ଭେଟିଛନ୍ତି। ଏହି ଅବସରରେ ତାଙ୍କ ସହ ଡାବୁଗାଁ ବିଧାୟକ ମନୋହର ରନ୍ଧାରୀ, ଜିଲ୍ଲା ପରିଷଦ ଉପାଧ୍ୟକ୍ଷା ଲିପିକା ଵାରୋଇଙ୍କ ସମେତ ଶତାଧିକ ସମର୍ଥକଙ୍କ ସହ ନବୀନଙ୍କୁ ଭେଟି ଆଲୋଚନା କରିଛନ୍ତି। 

ସୂଚନାଯୋଗ୍ୟ ଯେ, ୨୦୨୪ ସାଧାରଣ ନିର୍ବାଚନରେ ରାଇଘର ଵ୍ଳକ ଅଧ୍ୟକ୍ଷା ନଵୀନା ନାୟକଙ୍କୁ ବିଜେଡି ଉମରକୋଟ ବିଧାୟକ ପ୍ରାର୍ଥୀ କରିଥିଲା। ଏଥି ପାଇଁ ନଵୀନାଙ୍କୁ ଅଧ୍ୟକ୍ଷ ପଦରୁ ଇସ୍ତଫା ଦେବାକୁ ପଡ଼ିଥିଲା। ନଵୀନା ନିର୍ବାଚନରେ ପରାଜିତ ହୋଇଥିଲେ। ୬ ମାସ ପରେ ରାଇଘର ଅଧ୍ୟକ୍ଷ ପଦ ପାଇଁ ଉପନିର୍ବାଚନ ହୋଇଥିଲା। ଏହି ନିର୍ବାଚନରେ ବିଜେଡ଼ି ସମର୍ଥିତ ପ୍ରାର୍ଥୀ ଗୁପ୍ତ ପ୍ରସାଦ ଝାଙ୍କର ବିଜୟୀ ହୋଇଥିଲେ ।