ପ୍ରମୂଖ ଖବର
  • ଅରବିନ୍ଦ କେଜ୍‌ରିଓ୍ବାଲ୍‌ଙ୍କୁ ଆଶ୍ୱସ୍ତି , ଅନ୍ତରୀଣ ଜାମିନ ପ୍ରଦାନ କଲେ ସୁପ୍ରମିକୋର୍ଟ
  • ||
  • ହେରାପଞ୍ଚମୀରେ ଆଧ୍ୟାତ୍ମିକ ପରିବେଶ: ନନ୍ଦିଘୋଷ ଭାଙ୍ଗିଲେ ମହାଲକ୍ଷ୍ମୀ, ଆଜ୍ଞାମାଳ ପାଇ ଶ୍ରୀମନ୍ଦିରକୁ ବାହୁଡ଼ିଲେ
  • ||
  • ପିଠିରେ ଯନ୍ତ୍ରଣା ଯୋଗୁଁ ଏମ୍ସରେ ଭର୍ତ୍ତି ହେଲେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ
  • ||
  • ଦିଲ୍ଲୀ ମଦନୀତି ସହ ମନି ଲଣ୍ଡରିଂ ମାମଲା, କେଜ୍‌ରିୱାଲଙ୍କ ପିଟିସନ ଉପରେ ସୁପ୍ରିମକୋର୍ଟରେ ଶୁଣାଣି
  • ||
  • ଆଗ ପଛ ହୋଇ ଆସିପାରେ ଦୁଇଟି ଲଘୁଚାପ: ୧୩ରୁ ବଢ଼ିବ ବର୍ଷା, ଦକ୍ଷିଣରେ ପ୍ରବଳ ଛେଚିବ
  • ||

ମହିଳାଙ୍କୁ ଚାକିରି ଦେବାର ମିଥ୍ୟା ପ୍ରତିଶ୍ରୁତି ଦେଲା, ୬ ଲକ୍ଷ ନେଲା ପରେ ହୋଟେଲକୁ ଡାକି ଦୁଷ୍କର୍ମ କଲା: ବନ୍ଧା ହେଲା ଠକ ଇଞ୍ଜିନିୟର

ଭୁବନେଶ୍ୱର,୧୫/୦୩: ଟ୍ରେନ୍‌ରେ ଦେଖାସାକ୍ଷାତରୁ ମହିଳାଙ୍କ ସହ ସଂପର୍କ ବଢ଼ିଲା । ପରେ ଚାକିରି  କରାଇ ଦେବାର ମିଥ୍ୟା ପ୍ରତିଶ୍ରୁତି ଦେଇ ୬ ଲକ୍ଷ ଟଙ୍କା ନେଲା । ତାଲିମ ଦେବାକୁ ଡାକି ମହିଳାଙ୍କୁ ଦୁଷ୍କର୍ କଲା । ଏଭଳି ଜଣେ ଠକ ଦୁଷ୍କର୍ମକାରୀକୁ ଗିରଫ କରିଛି ଏୟାରଫିଲ୍ଡ ଥାନା ପୁଲିସ । ତାଙ୍କ ନାମ  ଦିପ୍ତୀରଞ୍ଜନ ପଲାଇ(୩୦) । ଘର ଖୋର୍ଦ୍ଧା ଟଙ୍ଗୀ ଥାନା ଓରଡ଼ା ଗ୍ରାମରେ । 

ପୁଲିସ ସୂଚନା ଅନୁଯାୟୀ, ଭୀମଟାଙ୍ଗି  ଅଞ୍ଚଳରେ ରହୁଥିବା ସୋନାଲି(ଛଦ୍ମନାମ) ନାମ୍ନୀ ଜଣେ ନବବିବାହିତା ସ୍ୱାମୀଙ୍କ ସହ ବର୍ଷକ ତଳେ ଟ୍ରେନ୍‌ରେ ଆସୁଥିବା ବେଳେ ଦିପ୍ତୀରଞ୍ଜନଙ୍କ ସହ ସାକ୍ଷାତ ହୋଇଥିଲା । ଦିପ୍ତୀ ନିଜକୁ ଏକ କଂପାନୀରେ ସେଫ୍‌ଟି ଇଞ୍ଜିନିୟର ଥିବା ସୋନାଲିଙ୍କ ସ୍ୱାମୀଙ୍କୁ ପରିଚୟ ଦେଇଥିଲେ । ସେ ଚାହିଁଲେ ଉକ୍ତ କଂପାନୀରେ ସୋନାଲିଙ୍କୁ ଚାକିରି କରାଇ ଦେବେ ବୋଲି କହିଥିଲେ । ଏହାପରେ ଫୋନ୍‌ ନମ୍ବର ଦିଆନିଆ ହୋଇ ଟ୍ରେନ୍‌ରୁ  ଓହ୍ଲାଇଥିଲେ । 

ଚାକିରି ଆଶାୟୀ ଥିବାରୁ ସୋନାଲି ଦିପ୍ତୀରଞ୍ଜନଙ୍କ ସହ ବାରମ୍ବାର ଯୋଗାଯୋଗ କରିଥିଲେ । ଦିପ୍ତୀ ତାଙ୍କୁ ୬  ଲକ୍ଷ ଟଙ୍କା ଦେଲେ ଚାକିରି କରାଇ ଦେବେ ବୋଲି ପ୍ରତିଶ୍ରୁତି ଦେଇଥିଲେ । ସୋନାଲି ସ୍ୱାମୀଙ୍କୁ କହି ୬ ଲକ୍ଷ ଟଙ୍କା ଯୋଗାଡ଼ କରିଥିଲେ । ତାଙ୍କଘରକୁ ଦିପ୍ତୀଙ୍କୁ ଡକାଇ ଟଙ୍କା ଦେଇଥିଲେ । ଟଙ୍କା ନେବା ପରେ ସୋନାଲି ଦିପ୍ତୀଙ୍କୁ ଯୋଗାଯୋଗ କରିବାରୁ ସେ ତାଙ୍କୁ ପ୍ରଥମେ ତାଲିମ ନେବାକୁ ପଡ଼ିବ ବୋଲି  କହିଥିଲେ । ତାଲିମ ଦେବାକୁ କହି ତାଙ୍କୁ ଏକ ହୋଟେଲକୁ ଡାକିନେଇ ଦୁଷ୍କର୍ମ  କରିଥିଲେ । କାହାରିକୁ କହିଲେ ଜୀବନରୁ  ମାରିଦେବାକୁ ଧମକ ଦେଇଥିଲେ ।  ଦୁଷ୍କର୍ମର ଶିକାର ସୋନାଲି ଏନେଇ  ଗତ ଜାନୁଆରୀ ୧୬ରେ ଏୟାରଫିଲ୍ଡ  ଥାନାରେ ଲିଖିତ ଅଭିଯୋଗ କରିଥିଲେ। ପୁଲିସ ଏକ ମାମଲା ରୁଜୁକରି ତଦନ୍ତ  ଚଳାଇଥିଲା । ଗତକାଲି ପୁଲିସ ଟାଙ୍ଗୀ  ଥାନା ପୁଲିସ ସହାୟତାରେ ଦିପ୍ତୀଙ୍କୁ ଉଠାଇ  ଆଣିଥିଲା ଶୁକ୍ରବାର ଦିପ୍ତୀଙ୍କୁ କୋର୍ଟ ଚଲାଣ  କରା ଯାଇଥିଲା । ଜାମିନ ନାମଞ୍ଜୁର ହେବାରୁ  ତାଙ୍କୁ ଜେଲ୍‌ ହାଜତକୁ ପଠାଇ ଦିଆଯାଇଛି ।

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.