ପ୍ରମୁଖ ଖବର
  • ନୀଳଗିରିରେ କେନ୍ଦ୍ରମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କ ମାରାଥନ ପ୍ରଚାର
  • ||
  • ଚିଲିକାରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ, ପୁରୀ ଲୋକସଭା ପ୍ରାର୍ଥୀଙ୍କ ପାଇଁ ଭୋଟ୍ ଅପିଲ୍ କଲେ
  • ||
  • ଟିମ୍‌ ଇଣ୍ଡିଆ ମୁଖ୍ୟ କୋଚ୍‌ ରେସ୍, ମାହେଲା ଜୟବର୍ଦ୍ଧନେଙ୍କୁ ବିସିସିଆଇର ପ୍ରସ୍ତାବ
  • ||
  • ଜୁଲାଇ ୪ରେ ବ୍ରିଟେନରେ ସାଧାରଣ ନିର୍ବାଚନ, ଆସନ୍ତା ସପ୍ତାହରେ ଭଙ୍ଗ ହେବ ସଂସଦ
  • ||
  • ଷଷ୍ଠ ପର୍ଯ୍ୟାୟ ନିର୍ବାଚନ ପାଇଁ କାଉଣ୍ଟଡାଉନ୍ ଆରମ୍ଭ: ଗୁରୁବର ସନ୍ଧ୍ୟା ସରିବ ପ୍ରଚାର, ଶନିବାର ୫୮ ଆସନରେ ମତଦାନ
  • ||
  • କଣାସରେ ଘର ଭିତରକୁ ପଶିଗଲା ଟ୍ରାକ୍ଟର, ଦୁର୍ଘଟଣାରେ ଚାଲିଗଲା ଚାଳକଙ୍କ ଜୀବନ
  • ||
  • ମେ’ ୨୯ରେ ପୁଣି ଓଡ଼ିଶା ଆସିବେ ମୋଦି, ୨୬ରେଭଦ୍ରକରେ ଭୋଟ୍‌ ମାଗିବେ ରାହୁଲ, ବାଲେଶ୍ୱରକୁ ଖଡ୍‌ଗେ
  • ||
  • ରଥ ଖଳା ହାଲ୍‌ଚାଲ୍‌...ରଥ ଗୁଜରେ ନୃସିଂହ ମୁଖ ଅଙ୍କନ, ରୂପକାରଙ୍କ କାର୍ଯ୍ୟାରମ୍ଭ, ଅର ଅନୁକୂଳ କଲେ ବିଶ୍ୱକର୍ମା
  • ||
  • ସନ୍ଧ୍ୟାରେ ସରିବ ତୃତୀୟ ପର୍ଯ୍ୟାୟ ଭୋଟ୍‌ ପ୍ରଚାର, ଶନିବାର ୬ ଲୋକସଭା, ୪୨ ବିଧାନସଭାରେ ଭୋଟ୍‌
  • ||
  • ବଙ୍ଗୋପସାଗରରେ ଲଘୁଚାପ ସକ୍ରିୟ: ୨୪ ସୁଦ୍ଧା ଅବପାତ, ୨୫ରେ ଗଭୀର ଅବପାତ ସମ୍ଭାବନା, ଭଦ୍ରକ ଏବଂ ବାଲେଶ୍ୱରରେ ବର୍ଷିବ
  • ||

IPL ୨୦୨୪: ଆଜି ସନରାଇଜର୍ସ ହାଇଦ୍ରାବାଦ-ଲକ୍ଷ୍ନୌ ସୁପରଜାଏଣ୍ଟ୍ସ ମଧ୍ୟରେ ମୁକାବିଲା

ହାଇଦ୍ରାବାଦ, ୮।୫: ଚଳିତ ଆଇପିଏଲର ୫୭ତମ ଲିଗ୍‌ ମୁକାବିଲାରେ ଆସନ୍ତା କାଲି ଘରୋଇ ସନରାଇଜର୍ସ ହାଇଦ୍ରାବାଦ ଓ ଲକ୍ଷ୍ନୌ ସୁପରଜାଏଣ୍ଟସ୍ ପରସ୍ପରକୁ ଭେଟିବେ । ଏହି ମ୍ୟାଚ୍‌ ଜରିଆରେ ପଏଣ୍ଟ ତାଲିକାର ତୃତୀୟ ସ୍ଥାନକୁ ଉନ୍ନୀତ ହେବା ପାଇଁ ଉଭୟ ଦଳ ନିକଟରେ ସୁଯୋଗ ରହିଛି । ଫଳରେ ବୁଧବାର ଏକ ସଂଘର୍ଷପୂର୍ଣ୍ଣ ମୁକାବିଲା ଦେଖିବାକୁ ମିଳିବ । ପଏଣ୍ଟ ତାଲିକାରେ ସନରାଇଜର୍ସ ଚତୁର୍ଥ ଓ ସୁପରଜାଏଣ୍ଟ୍‌ସ ଷଷ୍ଠ ସ୍ଥାନରେ ରହିଛନ୍ତି । ଉଭୟ ଦଳ ୧୧ଟି ଲେଖାଏଁ ମ୍ୟାଚ୍‌ ଖେଳି ୧୨ ପଏଣ୍ଟ ଲେଖାଏଁ ଅର୍ଜନ କରିଛନ୍ତି । କେବଳ ରନ୍‌ ରେଟ୍‌ରେ ସନରାଇଜର୍ସ ଆଗୁଆ ରହିଛି । ଚଳିତ ସିଜନରେ ଉଭୟ ଦଳ ପ୍ରଥମ କରି ପରସ୍ପରକୁ ଭେଟିବେ । ଗତ ୨ ବର୍ଷ ମଧ୍ୟରେ ଉଭୟ ଦଳ ମଧ୍ୟରେ ୩ଟି ମ୍ୟାଚ୍‌ ଖେଳାଯାଇଛି । ସନରାଇଜର୍ସ ସମସ୍ତ ମ୍ୟାଚ୍‌ ପରାଜିତ ହୋଇଛି । ମାତ୍ର ଗତ ଦୁଇ ସିଜନ ତୁଳନାରେ ଏଥର ଦଳ ବେଶ ସନ୍ତୁଳିତ ଓ ଶକ୍ତିଶାଳୀ । ଦଳର ଅଧିକାଂଶ ଖେଳାଳି ଫର୍ମରେ ରହିଛନ୍ତି । 

ମାତ୍ର ରଣନୀତିରେ ଛୋଟ ମୋଟ ତ୍ରୁଟି ଯୋଗୁଁ ଦଳ ଗତ ମ୍ୟାଚ୍‌ରେ ମୁମ୍ବାଇ ଇଣ୍ଡିଆନ୍ସ ଠାରୁ ପରାଜିତ ହୋଇଥିଲା । ସୁପରଜାଏଣ୍ଟ୍‌ସ ମଧ୍ୟ ଶେଷ ମ୍ୟାଚ୍‌ରେ କୋଲକାତା ନାଇଟ୍‌ ରାଇଡର୍ସଠୁ ହାରିଥିଲା । ଉଭୟ ଦଳ ବର୍ତ୍ତମାନ ବିଜୟଧାରାକୁ ଫେରିବା ପାଇଁ ବ୍ୟାକୁଳ । ସନରାଇଜର୍ସ ସିଜନ ଆରମ୍ଭରୁ ବିସ୍ଫୋରକ ବ୍ୟାଟିଂ କରି ଚର୍ଚ୍ଚାରେ ରହିଛି । ଇତି ମଧ୍ୟରେ ଦଳ ୯୨ଟି ଛକା ମାରି ସାରିଛି ଓ ୫ଟି ମ୍ୟାଚ୍‌ରେ ୨୦୦ରୁ ଊଦ୍ଧ୍ୱର୍ ସ୍କୋର ସଂଗ୍ରହ କରିଛି । ସେହିପରି ସୁପରଜାଏଣ୍ଟସ୍ ଚତୁର ରଣନୀତି ଓ ଶୃଙ୍ଖଳିତ ବୋଲିଂ ବଳରେ ସଫଳତା ପାଇଛି । ଡିପେଣ୍ଡିଂ ଚାମ୍ପିଅନ୍‌ ଚେନ୍ନାଇ ସୁପରକିଙ୍ଗ୍‌ସକୁ ୨ଥର ହରାଇବା ସୁପରଜାଏଣ୍ଟ୍‌ସର ସବୁଠୁ ବଡ଼ ସଫଳତା । ଆସନ୍ତା କାଲି ଉଭୟ ଦଳରେ ପରିବର୍ତ୍ତନ ସମ୍ଭାବନା ନାହିଁ । ସନରାଇଜର୍ସ କେବଳ ଇମ୍ପାକ୍ଟ ପ୍ଲେୟାର ଭାବେ ଉମ୍ରାନ ମଲ୍ଲିକଙ୍କୁ ଖେଳାଇପାରେ । ଗତ ମୁମ୍ବାଇ ଇଣ୍ଡିଆନ୍ସ ବିପକ୍ଷ ମ୍ୟାଚ୍‌ ପୂର୍ବରୁ ସେ ବୋଲିଂ ଅଭ୍ୟାସ କରୁଥିଲେ । ମାତ୍ର ସନରାଇଜର୍ସ ବ୍ୟାଟି ବିପର୍ଯ୍ୟୟ ଘଟିବାରୁ ଇମ୍ପାକ୍ଟ ପ୍ଲେୟାର ଭାବେ ସାନବୀର ସିଂହଙ୍କୁ ଖେଳାଯାଇଥିଲା । ସୁପରଜାଏଣ୍ଟସ୍ ଏକାଦଶକୁ କ୍ୱିଣ୍ଟନ ଡି କକ୍‌ ଫେରିବା ସମ୍ଭାବନା ନାହିଁ । ସେ ସମ୍ପୂର୍ଣ୍ଣ ଫିଟ୍‌ ହୋଇ ନାହାନ୍ତି । 

ଫଳରେ ଆର୍ସିନ କୂଲକର୍ଣ୍ଣୀ ଆସନ୍ତା କାଲି ଖେଳିବା ଏକ ପ୍ରକାର ନିଶ୍ଚିତ । ପେସ ବୋଲର ମହସିନ ଖାନ ମଧ୍ୟ ଗତ ମ୍ୟାଚ୍‌ରେ ଆହତ ହୋଇଥିଲେ । ମାତ୍ର ସେ ଦଳ ସହ ଆସି ହାଇଦ୍ରାବାଦରେ ପହଞ୍ଚିଛନ୍ତି । ମଙ୍ଗଳବାର ହାଇଦ୍ରାବାଦରେ ପ୍ରବଳ ବର୍ଷା ଯୋଗୁଁ କୌଣସି ଦଳ ଅଭ୍ୟାସ କରିନାହାନ୍ତି । ଉପଲ ଗ୍ରାଉଣ୍ଡ୍‌ ବ୍ୟାଟିଂ ପାଇଁ ଅନୁକୂଳ ରହିଥିବାରୁ ବୁଧବାର ବିଶାଳ ସ୍କୋର ସଂଗୃହୀତ ହେବା ଏକ ପ୍ରକାର ନିଶ୍ଚିତ । ରାତ୍ରିରେ କାକର ଯୋଗୁଁ ବ୍ୟାଟିଂ ସହଜ ହେବ । ଫଳରେ ଟସ ବିଜୟୀ ଦଳ ଫିଲ୍ଡି ନିଷ୍ପତ୍ତି ନେବା ଏକ ପ୍ରକାର ନିଶ୍ଚିତ ।

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.