ନୂଆଦିଲ୍ଲୀ,୨୧/୦୩: ଚଳିତବର୍ଷ ଲାଗି ପବିତ୍ର ଅମରନାଥ ଯାତ୍ରାର ସିଡ୍ୟୁଲ ଜାରି ହୋଇଛି । ସେ ଅନୁସାରେ, ଆସନ୍ତା ଜୁନ୍ ୨୯ ତାରିଖରୁ ଅମରନାଥ ଯାତ୍ରା ଆରମ୍ଭ ହେବାକୁ ଥିବାବେଳେ ଅଗଷ୍ଟ ୧୯ରେ ଶେଷ ହେବ । ଏଥରକ ଏହା ଦୁଇମାସ ବଦଳରେ ୪୫ ଦିନ ଧରି ଚାଲିବ। ଦେଶରେ ସାଧାରଣ ନିର୍ବାଚନ ଯୋଗୁ ଯାତ୍ରାର ଅବଧିକୁ କମାଯାଇ ଦେଢ଼ ମାସ କରାଯାଇଛି । ଯାତ୍ରାଲାଗି ପଞ୍ଜୀକରଣ ଏପ୍ରିଲ ୧୫ରୁ ହେବ । ଜମ୍ମୁ-କାଶ୍ମୀରର କିଛି ନିର୍ଦ୍ଦିଷ୍ଟ ହସ୍ପିଟାଲରେ ଯାତ୍ରୀଙ୍କ ଲାଗି ସ୍ୱାସ୍ଥ୍ୟ ସାର୍ଟିଫିକେଟ୍ ଜାରି କରାଯିବ ।
ବୁଧବାର ସନ୍ଧ୍ୟାରେ ଜମ୍ମୁ-କାଶ୍ମୀରର ରାଜଭବନରେ ଅମରନାଥ ଶ୍ରାଇନ୍ ବୋର୍ଡର ଅଧ୍ୟକ୍ଷ ଏବଂ ଉପରାଜ୍ୟପାଳ ମନୋଜ ସିହ୍ନାଙ୍କ ମଧ୍ୟରେ ଏକ ବୈଠକ ଅନୁଷ୍ଠିତ ହୋଇଥିଲା । ସେହି ବୈଠକରେ ଏହି ନିଷ୍ପତ୍ତି ନିଆଯାଇଛି । ଗତବର୍ଷ ଏହି ଯାତ୍ରା ପ୍ରାୟ ୬୨ଦିନ ଧରି ଚାଲିଥିଲା । ପ୍ରାୟ ୪.୩୦ ଲକ୍ଷ ଲୋକ ପବିତ୍ର ଗୁମ୍ଫାରେ ବାବା ବରଫାନିଙ୍କର ଦର୍ଶନ କରିଥିଲେ ।
ସୂଚନାଥାଉକି, ପବିତ୍ର ଅମରନାଥ ଗୁମ୍ଫା ସମୁଦ୍ର ପତ୍ତନଠାରୁ ୩୮୦୦ ମିଟର ଉଚ୍ଚତାରେ ଅବସ୍ଥିତ ।