ଭୁବନେଶ୍ବର,୨୩।୪ : ତାତିରୁ ମିଳୁନି ତ୍ରାହି।  ସାରା ରାଜ୍ୟରେ  ଲାଗି  ରହିଛି ଅଗ୍ନିବର୍ଷା । ତତଲା ପବନ ସହ  ଓ ଶୁଷ୍କ ଝାଞ୍ଜି ପବନ ଜନଜୀବନ ଅସ୍ତବ୍ୟସ୍ତ କରିପକାଉଛି। ଡହ ଡହ ଟାଣ  ଖରାରେ ଆଉଟୁ ପାଉଟୁ ହେଉଛନ୍ତି ଲୋକେ ।  କ୍ରମାଗତ ଭାବେ ୩ ଦିନ ଧରି ଭୁବନେଶ୍ବର ଉତ୍ତପ୍ତ ସହରରେ ପରିଣତ ହୋଇଛି। ବୁଧବାର ଅପରାହ୍ନ ୨ଟା ୩୦ ସୁଦ୍ଧା ଭୁବନେଶ୍ବର ତାପମାତ୍ରା ୪୩.୨ ଡିଗ୍ରୀ ଛୁଇଁଛି।  ସେହିପରି ଗତ  ସୋମବାର ତାପମାତ୍ରା ୪୩.୮ ଡିଗ୍ରୀ ରହିଥିବା ବେଳେ ମଙ୍ଗଳବାର ପାରଦ ସାମାନ୍ୟ ୨ ଡିଗ୍ରୀ ତଳକୁ ଖସି ୪୧.୮ ଡିଗ୍ରୀରେ ରହିଥିଲା। ତେବେ ବୁଧବାର ଅପରାହ୍ନରେ ଝିପ ଝିପ ବର୍ଷା ଓ ପବନ ହେବାରୁ ସାମାନ୍ୟ ଆଶ୍ବସ୍ତି ମିଳିଥିଲା।

ସେହିପରି ଅପରାହ୍ନ ୨ଟା ୩୦ ସୁଦ୍ଧା ରାଜ୍ୟର ୫ଟି ସହରର ତାପମାତ୍ରା ୪୦ ଡିଗ୍ରୀ ଉପରେ ରହିଛି। ଝାରସୁଗୁଡା ୪୨.୯ ଡିଗ୍ରୀ,  ଚାନ୍ଦବାଲି ୪୨.୨, ବାଲେଶ୍ୱର ୪୧.୪ , ରାଉରକେଲା ୪୦.୮ ଓ ସମ୍ବଲପୁର ୪୦.୧ ଡିଗ୍ରୀ ରହିଛି।