କେନ୍ଦୁଝର ସଦର୧୩/୯ :  ଅଖିଳ ଭାରତୀୟ ହୋ ଭାଷା କ୍ରିୟାନୁଷ୍ଠାନ କମିଟି କେନ୍ଦୁଝର ତରଫରୁ ଜିଲ୍ଲାପାଳଙ୍କ ଜରିଆରେ ପ୍ରଧାନମନ୍ତ୍ରୀଙ୍କ ଉଦ୍ଦେଶ୍ୟରେ ଏକ ଦାବିପତ୍ର ପ୍ରଦାନ କରାଯାଇଛି । ଓଡିଶାରେ ହୋ ଭାଷାକୁ ଦ୍ବିତୀୟ ରାଜ ଭାଷାର ମାନ୍ୟତା ପ୍ରଦାନ, ହୋ ଭାଷାକୁ ସମ୍ବିଧାନର ଅଷ୍ଟମ ଅନୁସୂଚୀରେ ସାମିଲ କରିବା, ସଠିକ ଭାବେ ହୋ ଭାଷାରେ ଅଙ୍ଗନୱାଡ଼ିରେ ନୂଆ ଅରୁଣିମା ମାର୍ଗଦର୍ଶିକା ପୁସ୍ତକ ପ୍ରଚଳନ, ପ୍ରାଥମିକ ବିଦ୍ୟାଳୟଠାରୁ ବିଶ୍ଵ ବିଦ୍ୟାଳୟ ପର୍ଯ୍ୟନ୍ତ ହୋ ଭାଷାରେ ପାଠ୍ୟକ୍ରମ ପ୍ରଚଳନ ଓ ଶତକଡ଼ା ୮୦ ପ୍ରତିଶତରୁ ଅଧିକ ହୋ ଜନଜାତିର ଛାତ୍ରଛାତ୍ରୀ ଥିବା ସ୍କୁଲ ଗୁଡିକରେ ପ୍ରାୟ ୫୦୦ରୁ ଊର୍ଦ୍ଧ୍ବ ବିଦ୍ୟାଳୟରେ ବହୁ ଭାଷାଭାଷୀ ଶିକ୍ଷା ଯୋଜନା ଲାଗୁ କରି ଆବଶ୍ୟକ ହୋ ଭାଷା ଶିକ୍ଷକ ନିଯୁକ୍ତ ଆଦି ଦାବି ନେଇ ବିର୍ସା ମୁଣ୍ଡା ହୋ ସମାଜ ମାର୍ଶାଲ ଆକାଳା କେନ୍ଦୁଝର ତରଫରୁ ଅଖିଳ ଭାରତୀୟ ହୋ ଭାଷା କ୍ରିୟାନୁଷ୍ଠାନ କମିଟି କେନ୍ଦୁଝରର ସଦସ୍ୟମାନେ ଏକ ରାଲି କରିଥିଲେ । 

ଏହାସହ ଜିଲ୍ଲାପାଳଙ୍କ ଜରିଆରେ ମୁଖ୍ୟମନ୍ତ୍ରୀ ଓଡ଼ିଶା, ପ୍ରଧାନମନ୍ତ୍ରୀ ଭାରତ ସରକାରଙ୍କ ଉଦ୍ଦେଶ୍ୟରେ ଏକ ଦାବିପତ୍ର ପ୍ରଦାନ କରାଯାଇଛି । ଜୀବନ ସିଂ ମୁଣ୍ଡା, ସରସ୍ଵତୀ ମୁଣ୍ଡିଆ, ଜୟରାମ ବାଙ୍କିରା, ଲକ୍ଷ୍ମଣ ମୁଣ୍ଡା, ବିଜୟ ମୁଣ୍ଡା ୫ନମ୍ବର ଜିଲ୍ଲାପରିଷଦ ସଭ୍ୟ ରଥ ମୁଣ୍ଡା ପ୍ରମୁଖ ଜିଲ୍ଲାପାଳଙ୍କୁ ଭେଟି ଯଥାର୍ଥ ଦାବି ପ୍ରଦାନ କରିଥିଲେ।