ପ୍ରମୂଖ ଖବର
  • ଭୁବନେଶ୍ୱର: ୧୯ରେ ବିଜେଡି ବିଧାୟକ ଦଳ ବୈଠକ, ଅଧକ୍ଷତା କରିବେ ସୁପ୍ରିମୋ ନବୀନ ପଟ୍ଟନାୟକ
  • ||
  • ଦାର୍ଜିଲିଂରେ ଭୟଙ୍କର ଟ୍ରେନ୍ ଦୁର୍ଘଟଣା, ଏକ୍ସପ୍ରେସ୍ ଟ୍ରେନ୍‌କୁ ପଛ ପଟୁ ଧକ୍କା ଦେଲ ମାଲବାହୀ ଟ୍ରେନ୍, ୮ ଯାତ୍ରୀ ମୃତ, ୨୦ରୁ ଅଧିକ ଆହତ
  • ||
  • ନୀଳଗିରି: ରଜ ଉତ୍ସବରେ ଅଘଟଣ।ଝାଡ଼ାବାନ୍ତି ରେ ୯ ଗୁରୁତର ,୨ ଅସୁସ୍ଥ
  • ||
  • ଶ୍ରୀମନ୍ଦିରରେ ମହାପ୍ରଭୁଙ୍କ ରାଜେନ୍ଦ୍ରାଭିଷେକ ନୀତି, ମଙ୍ଗଳବାର ଋକ୍ମିଣୀ ବିବାହ ଉତ୍ସବ
  • ||
  • ସରିଲା ଗ୍ରୀଷ୍ମ ଛୁଟି, କାଲିଠୁ ଖୋଲିବ ସ୍କୁଲ: ଶିକ୍ଷକ ଆସି କରିବେ ସମସ୍ତ ବ୍ୟବସ୍ଥା
  • ||
  • ନୂଆପଡା ଲଛିପୁର ଛକରେ ଟ୍ରାକ୍ଟର୍କୁ ପିଟିଲା କାର, ମର୍ମନ୍ତୁଦ ଦୁର୍ଘଟଣାରେ ଚାଲିଗଲା ୪ ଜୀବନ
  • ||
  • ନାକେଦମ୍‌ କଲାଣି ଭୀଷଣ ତାତି ସାଙ୍ଗକୁ ଗୁଳୁଗୁଳି: ଆଗଉନି ମୌସୁମୀ, ବର୍ଷା ଗାଏବ
  • ||

କୋଭାକ୍ସିନ୍ ନେଇଥିବା ୩୦% ଲୋକଙ୍କ ଠାରେ ସ୍ୱାସ୍ଥ୍ୟ ସମସ୍ୟା ? BHUର ରିସର୍ଚ୍ଚରେ ICMRର କଡ଼ା ଟିପ୍ପଣୀ

ନୂଆଦିଲ୍ଲୀ – ଇଣ୍ଡିଆନ କାଉନ୍ସିଲ ଅଫ୍‌ ମେଡିକାଲ ରିସର୍ଚ୍ଚ (ଆଇସିଏମଆର)ଭାରତୀୟ କରୋନା ଭାକ୍ସିନ୍ ଉପରେ ବନାରସ ହିନ୍ଦୁ ବିଶ୍ୱବିଦ୍ୟାଳୟର ରିସର୍ଚ୍ଚକୁ ଖଣ୍ଡନ କରିଛି। ଏହାସହ ଏହା ଉପରେ ଆଇନଗତ ଓ ପ୍ରଶାସନିକ କାର୍ଯ୍ୟାନୁଷ୍ଠାନ ନେବାକୁ ଚେତାବନୀ ଦେଇଛି। ଆଇସିଏମଆରର ମହାନିର୍ଦ୍ଦେଶକ ଡା. ରାଜୀବ ବହଲ କୋଭାକ୍ସିନ ଉପରେ ଅଧ୍ୟୟନ କରୁଥିବା ବିଶ୍ୱବିଦ୍ୟାଳୟର ସଂସ୍ଥାନ ଓ ପ୍ରକାଶିତ କରୁଥିବା ନ୍ୟୁଜିଲ୍ୟାଣ୍ଡର ପତ୍ରିକାକୁ ଅଲଗା ଅଲଗା ଚିଠି ପଠାଇଛନ୍ତି। ଏଥିରେ ରିସର୍ଚ୍ଚରୁ ଆଇସିଏମଆରର ନାଁ ହଟେଇବାକୁ କହିଛନ୍ତି। ଚିଠିରେ କୁହାଯାଇଛି କି , ଏହି ଅଧ୍ୟୟନର ପ୍ରକ୍ରିୟା ଅବୈଜ୍ଞାନିକ। ଅଧ୍ୟୟନରେ ନିର୍ଦ୍ଧାରିତ ପ୍ରକ୍ରିୟା ଗୁଡ଼ିକୁ ପାଳନ କରାଯାଇ ନାହିଁ। ଏହା ଏକ ଛୋଟ ଗ୍ରୁପ୍‌ ଉପରେ ଆଧାରିତ। ଏହି ଚିଠି ୧୮ ମେ'ରେ ଲେଖା ଯାଇଛି ଏବଂ ଏହାର ପ୍ରିଣ୍ଟ ସବୁ ସୋମବାର ଉପଲବ୍ଧ କରାଯାଇଛି। 

ଡା. ବହଲ ଦୁଇଟି ଚିଠିରେ ଅଧ୍ୟୟନରୁ ଆଇସିଏମଆରର ନାଁ  ହଟେଇବାକୁ କହିଛନ୍ତି। ଏହି ସମ୍ୱନ୍ଧରେ ଦୁଇ ସଂସ୍ଥାକୁ ସ୍ପଷ୍ଟୀକରଣ ବା ଶୁଦ୍ଧିକରଣ ମଧ୍ୟ ପ୍ରକାଶିତ କରାଇବା ଉଚିତ। ପତ୍ରିକା ଏହି ରିସର୍ଚ୍ଚ ପତ୍ରକୁ ଫେରେଇ ନେବା କଥା ମଧ୍ୟ କୁହାଯାଇଛି। ସେ କହିଛନ୍ତି କି ଆଇସିଏମଆର ଏହି ଅଧ୍ୟୟନ ସହ ସଂପୃକ୍ତ ନୁହେଁ  ଏବଂ ଏହା ରିସର୍ଚ୍ଚ ପାଇଁ କୌଣସି ଆର୍ଥିକ ବା ଟେକ୍ନିକାଲ ସହାୟତା ମଧ୍ୟ ପ୍ରଦାନ କରି ନାହିଁ।

କହି ରଖୁଛୁ କି , ବିଏଚୟୁର ରିସର୍ଚ୍ଚର୍ସ ଟିମ୍‌ ଗୋଟିଏ ବର୍ଷର ଅଧ୍ୟୟନରେ ବଡ଼ ଦାବି କରିଥିଲା। ଏହା କୁହାଯାଇଛି କି ଭାରତ ବାୟୋଟେକ୍‌ର କୋଭାକ୍ସିନ ନେଇଥିବା ପାଖାପାଖି ଏକ ତୃତୀୟାଂଶ ବ୍ୟକ୍ତିଙ୍କୁ ସ୍ୱାସ୍ଥ୍ୟ ସମ୍ୱନ୍ଧୀୟ ସମସ୍ୟାର ସାମନା କରିବାକୁ ପଡ଼ୁଛି। ଅଧ୍ୟୟନକାରୀ ମାନେ ଏହି ସ୍ୱାସ୍ଥ୍ୟ ସମସ୍ୟା ଗୁଡ଼ିକୁ ସ୍ୱତନ୍ତ୍ର ରୁଚି ଥିବା ପ୍ରତିକୂଳ ଘଟଣା ବା ଏଇଏସଆଇର ସଜ୍ଞା ଦେଇଛି। ଅଧ୍ୟୟନରେ ଭାଗ ନେଇଥିବା ୯୨୬ ଜଣ ପ୍ରତିଯୋଗୀଙ୍କ ମଧ୍ୟରେ ପାଖାପାଖି ୫୦ ପ୍ରତିଶତ ଲୋକେ ଅଭିଯୋଗ କରିଛନ୍ତି କି ସେମାନେ ଭାକ୍ସିନ ନେବା ପରେ ଶ୍ୱାସ ସମ୍ୱନ୍ଧୀୟ ସଂକ୍ରମଣର ସାମ୍ନା କରିବାକୁ ପଡ଼ିଛି। ଏହି ସଂକ୍ରମଣ ତାଙ୍କର ଶ୍ୱସନ ତନ୍ତ୍ରର ଉପର ଭାଗରେ ହୋଇଛି। 

ଏଥିରେ ଦାବି କରାଯାଇଛି କି କୋଭାକ୍ସିନ ନେବା ପରେ ଏକ ପ୍ରତିଶତ ବ୍ୟକ୍ତି ଏଇଏସଆଇ ର ଅଭିଯୋଗ କରିଛନ୍ତି , ଯେଉଁଥିରେ ମସ୍ତିଷ୍କାଘାତ ଓ ଗିଲିୟନ-ବର୍ର ସିଣ୍ଡ୍ରୋମ୍‌ ସହ ଗ୍ରସ୍ତ ହୋଇଛନ୍ତି। ଏହି ସିଣ୍ଡ୍ରୋମରେ ଲୋକଙ୍କ ପାଦ ଦୁର୍ବଳ ହୋଇ ଯାଉଛି ଏବଂ ଏହି ଲକ୍ଷଣ ଶରୀରର ଅନ୍ୟ ଅଙ୍ଗକୁ ମଧ୍ୟ ବ୍ୟାପୁଛି। 

 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.