ଭୁବନେଶ୍ୱର,୧୦/୦୨: ଶନିବାର ପାଳିବେ ଟେଡ୍ଡି ଡେ’ ।  ସାଧାରଣତଃ ଏହି ଦିବସଟି ଝିଅମାନଙ୍କ ଲାଗି  ବେଶ ଗୁରୁତ୍ୱପୂର୍ଣ୍ଣ । ଝିଅଙ୍କ ପ୍ରିୟ ଟେଡ୍ଡି ଡେ’ରେ ସବୁଠାରୁ ସୁନ୍ଦର ଟେଡ୍ଡି ଦେଇ ମନ କିଣିବାକୁ  ଯୋଜନା କରିସାରିଛନ୍ତି ପ୍ରେମିକମାନେ । କେହି କେହି ସନ୍ଧ୍ୟାରେ ଯାଇ ଟେଡ୍ଡି କିଣି ଆଣିବା ସହ  ଆଉ କିଏ ପ୍ରେମିକାଙ୍କୁ ସାଙ୍ଗରେ ନେଇ ଟେଡ୍ଡି  କିଣାଇବା ଲାଗି ଯୋଜନା କରିଛନ୍ତି । 

ମାର୍କେଟ ବିଲ୍ଡିଂରୁ ଆରମ୍ଭ କରି ବଡ଼ ବଡ଼  ସପିଙ୍ଗ୍‌ ମଲ୍‌ରେ ଷ୍ଟାଇଲିସ୍‌ ଟେଡ୍ଡି ଆସିଯାଇଛି ।  ଖାଲି ସେତିକି ନୁହେଁ, ସବୁ ଗିଫ୍ଟ ସପ୍‌ରେ  ବିଭିନ୍ନ ପ୍ରକାର ଟେଡ୍ଡି ସଜେଇ ହୋଇରହିଛି ।  ଏସ୍‌ପ୍ଲାନେଡ୍‌, ଡିଏନ୍‌ ରେଗାଲିଆ, ଆର୍‌ଚିଜ୍‌  ଗ୍ୟାଲେରୀରୁ ଆରମ୍ଭ କରି ଭବାନୀ ମଲ୍‌,  ବିଗ୍‌ ବଜାର, ଉତ୍କଳ ଗ୍ୟାଲେରିଆ ମଲ୍‌ରେ  ଖୋଲିଛି ଟେଡ୍ଡିର ପସରା । ବାରଗେନିଙ୍ଗ,  ରଙ୍ଗ, ଓଜନ୍‌ ଏବଂ କ୍ୱାଲିଟିକୁ ନେଇ  କୌଣସି ପ୍ରକାର କମ୍ପରମାଇଜ୍‌ କରିବାକୁ  ଚାହୁଁନାହାନ୍ତି ପ୍ରେମୀମାନେ ।  ସକାଳୁ  ପାର୍କ, ରେଷ୍ଟୁରାଣ୍ଟ ଓ ଅନ୍ୟ ସ୍ଥାନରେ ପ୍ରେମିକାକୁ  ଉପହାରରେ ଟେଡ୍ଡି ଦେବେ । ଆଉ ଏହି  ଟେଡ୍ଡି ରହିବ ସେମାନଙ୍କ ପ୍ରେମର ସାକ୍ଷୀ ।