ନୂଆଦିଲ୍ଲୀ,୭/୨ : ଟିମ୍ ଇଣ୍ଡିଆର ଷ୍ଟାର୍ ବ୍ୟାଟର ବିରାଟ କୋହଲୀ ଇଂଲଣ୍ଡ ବିପକ୍ଷରେ ତୃତୀୟ ଏବଂ ଚତୁର୍ଥ ଟେଷ୍ଟରୁ ବି ବାହାରେ ରହିବେ । ଇଂଲଣ୍ଡ ବିପକ୍ଷରେ ଖେଳାଯିବାକୁ ଥିବା ୫ଟେଷ୍ଟରେ ବି ବିରାଟ କୋହଲୀଙ୍କ ଖେଳିବା ଉପରେ ବି ଅନିଶ୍ଚିତତା ରହିଛି । ଇଏସପିଏନ କ୍ରିକଇଂଫୋର ରିପୋର୍ଟରେ ବିରାଟ କୋହଲୀ ଚୟନ ଲାଗି ଉପଲବ୍ଧ ହେବେ ନାହିଁ ବୋଲି ଦାବି କରାଯାଇଛି । ଏହା ପୂର୍ବରୁ ବିରାଟ କୋହଲୀ ବ୍ୟକ୍ତିଗତ କାରଣରୁ ଇଂଲଣ୍ଡ ବିପକ୍ଷରେ ଖେଳାଯାଉଥିବା ସିରିଜର ଆରମ୍ଭରେ ଦୁଇଟି ମ୍ୟାଚରୁ ନାଁ ଫେରାଇ ନେଇଥିଲେ ।
ବିରାଟ କୋହଲୀଙ୍କୁ ଇଂଲଣ୍ଡ ବିପକ୍ଷରେ ଆରମ୍ଭ ଦୁଇଟି ମ୍ୟାଚ୍ ଲାଗି ଟିମ୍ ଇଣ୍ଡିଆରେ ସ୍ଥାନ ଦିଆଯାଇଥିଲା । କିନ୍ତୁ ସିରିଜର ଆରମ୍ଭରୁ ଠିକ୍ ଗୋଟିଏ ଦିନ ପୂର୍ବରୁ କୋହଲୀ ଟିମ୍ରୁ ନାଁ ଫେରସ୍ତ ନେଇଥିଲେ । ବିରାଟ କୋହଲୀ କୌଣସି କାରଣ ବସତ ଟିମରୁ ବାହାରେ ଅଛନ୍ତି ଏହା ବିଷୟରେ କୌଣସି ସୂଚନା ଭାରତୀୟ କ୍ରିକେଟ କଣ୍ଟେ୍ରାଲ ବୋର୍ଡ଼ ପକ୍ଷରୁ ଦିଆଯାଇନାହିଁ । ବିସିସିଆଇର କହିବା କଥା କି ବିରାଟ କୋହଲୀ ବ୍ୟକ୍ତିଗତ କାରଣ ଦର୍ଶାଇଛନ୍ତି ଏବଂ ତାଙ୍କ କଥାର ସମ୍ପୂର୍ଣ୍ଣ ଧ୍ୟାନ ଦିଆଯାଉଛି । ପ୍ରକାଶ ଯେ ବିରାଟ କୋହଲୀ ଟିମ୍ରୁ ନାଁ ଫେରସ୍ତ ନେବା ପୂର୍ବରୁ ଟିମ୍ ଇଣ୍ଡିଆର ଅଧିନାୟକ ରୋହିତ ଶର୍ମା ଏବଂ କୋଚ୍ ରାହୁଲ ଦ୍ରାବିଡ଼ଙ୍କ ସହ କଥା ହୋଇଥିଲେ । କିନ୍ତୁ କେହି ବି ବିରାଟ କୋହଲୀ ଟିମ୍ରେ ନଥିବା କାରଣ କହିନାହାନ୍ତି ।
ବିରାଟ କୋହଲୀ ନ ଖେଳିବା ଟିମ୍ ଇଣ୍ଡିଆ ଲାଗି ବଡ଼ ଝଟକା । ବିରାଟ କୋହଲୀ ନିକଟରେ ହୋଇଥିବା ବିଶ୍ବକପରେ ରେକର୍ଡ଼ ଭାଙ୍ଗି ସବୁଠାରୁ ଅଧିକ ରନ୍ କରିଛନ୍ତି । ଏହା ବାଦ୍ ଦକ୍ଷିଣ ଆଫ୍ରିକା ଗସ୍ତରେ ବି ବିରାଟ କୋହଲୀ ବହୁତ ଭଲ ଫର୍ମରେ ନଜର ଆସୁଥିଲେ ଏବଂ ସେ ଭଲ ରନ୍ କରିଥିଲେ । ବିରାଟ କୋହଲୀଙ୍କ ବ୍ୟତୀତ ଟିମରେ କୌଣସି ବି ଏଭଳି ଖେଳାଳୀ ନାହାନ୍ତି ଯାହା ପାଖରେ ୧୦୦ଟେଷ୍ଟ ଖେଳିବାର ଅନୁଭବ ଅଛି ।
