କାଶୀପୁର, ୩।୯: ୟୁଏ ଆଇଏଲ କର୍ମଚାରୀଙ୍କ ଘରୁ ଚୋରି ଅଭିଯୋଗ । ଶନିବାର କାଶୀପୁର ବ୍ଲକ ଦୋରାଗୁଡ଼ା ଥାନା ଅଞ୍ଚଳରେ ଥିବା ନୂଆପଡ଼ା ଟାଉନସିପ୍ର ଜଣେ ୟୁଏ ଆଇଏଲ କର୍ମଚାରୀ ଙ୍କ ଘରୁ ସୁନା ଅଳଙ୍କାର ଚୋରି ହୋଇଥିବା ଦୋରାଗୁଡ଼ାରେ ଅଭିଯୋଗ ହେଇଛି । ଅଭିଯୋଗ ପାଇବା ମାତ୍ରେ ପୁଲିସ ଗତକାଲି ସନ୍ଧାନୀ କୁକୁର ଏବଂ ଫରେନ୍ସିକ୍ ଟିମ୍ ସହାୟତାରେ ଏହାର ଛାନଭିନ୍ ଆରମ୍ଭ କରିଛି ।
ୟୁଏ ଆଇଏଲ୍ କାର୍ଯ୍ୟରତ କର୍ମଚାରୀ ଟି ତାନାୱାଡ଼ାଙ୍କ ବାସଗୃହରେ ସେ ନଥିବା ସମୟରେ ଘରର ଗେଟ୍ ଭାଙ୍ଗି ସୁନା ଚୁଡ଼ି, ମଙ୍ଗଳସୂତ୍ର, ହାତ ମୁଦି ଭଳି ଅଳଙ୍କାର ଲୁଟ୍ ହୋଇଥିବାର ଥାନାରେ ଏତଲା ହୋଇଛି । ଡୋରାଗୁଡ଼ା ଥାନା ପୁଲିସ ଏହି ଘଟଣାରେ କେସ୍ ନଂ୧୪୫/୨୩ ମାମଲା ରୁଜୁ କରି ତଦନ୍ତ ଚଳାଇ ଥିବାର ଆଇଆଇସି କିରଣ ବାଲା ସାମଲଙ୍କଠାରୁ ସୂଚନା ମିଳିଛି ।
