ଭଂଜନଗର,୨୭/୨ – ଜଣେ ଯୁବକଙ୍କ ବାଇକରେ ଲିଫ୍ଟ ମାଗି ଆସୁଥିବା ବେଳେ ରାସ୍ତାରେ ଦୁର୍ଘଟଣା ଘଟି ଯୁବତୀଙ୍କ ମୃତ୍ୟୁ ଘଟିଛି । ଭଂଜନଗର ଥାନା ଅନ୍ତର୍ଗତ ବେଡିଗୋବା ଗାଁ ନିକଟରେ ଏଭଳି ଦୁର୍ଘଟଣା ଘଟିଛି। ମୃତ ଯୁବତୀ ଜଣକ ହେଲେ କନ୍ଧମାଳ ଅଞ୍ଚଳର ସୁନିତା ପ୍ରଧାନ । ଆହତ ବାଇକ୍ ଚାଳକ ଯୁବକକୁ ପ୍ରାଥମିକ ଚିକତ୍ସା ପରେ ଥାନାରେ ଅଟକ ରଖି ଭଂଜନଗର ଥାନା ପୋଲିସ ପଚରାଉଚରା କରୁଛି । ଆହତ ହୋଇଥିବା ଯୁବକ ଜଣକ ସାରଙ୍ଗଡ ଅଞ୍ଚଳର ବିକ୍ରମ ବେହେରା ।
ପୋଲିସକୁ ବିକ୍ରମ ଦେଇଥିବା ବୟାନ ଅନୁଯାୟୀ , ସେ ଫୁଲବାଣୀ ରୁ ବାଇକ୍ ଯୋଗେ ଗଂଜାମ ଜିଲ୍ଲାର ଆସିକା ଅଭିମୁଖେ ଯାଉଥିଲା । କନ୍ଧମାଳ ଜିଲ୍ଲା କଳିଙ୍ଗା ନିକଟରେ ରାସ୍ତାରେ ଅପେକ୍ଷା କରିଥିବା କନ୍ଧମାଳ ଅଞ୍ଚଳର ସୁନିତା ପ୍ରଧାନ ଲିଫ୍ଟ୍ ମାଗି ବାଇକ୍ ରେ ବସି ଆସିକା ଅଭିମୁଖେ ଯାଉଥିଲେ । ତେବେ ଭଂଜନଗର ଥାନା ଅନ୍ତର୍ଗତ ବେଡିଗୋବା ଗାଁ ନିକଟରେ ବିପରୀତ ଦିଗରୁ ଆସୁଥିବା ଏକ ବାଇକ୍ ସହ ମୁହାଁମୁହିଁ ଧକ୍କା ହୋଇଥିଲା। । ଗୁରୁତର ଅବସ୍ଥାରେ ଉଭୟ ଯୁବକ ଓ ଯୁବତୀଙ୍କୁ ଉଧାର କରି ଭଂଜନଗର ମେଡିକାଲରେ ଭର୍ତ୍ତି କରାଯାଇଥିଲା । ସେଠାରେ ସୁନିତାଙ୍କୁ ମୃତ ଘୋଷଣା କରିଥିଲେ ଡାକ୍ତର।
ଆହୁରି ପଢନ୍ତୁ : ପୁରୀ ମେନ୍ କେନାଲକୁ ଖସିଲା କାର, ଚାଳକ ସହ ପାଣିରେ ବୁଡିଗଲା ଗାଡି