ନୂଆଦିଲ୍ଲୀ,୨୧।୩: ସୁପ୍ରିମକୋର୍ଟଙ୍କ କଡା ଭର୍ତ୍ସନା ପରେ ଶେଷରେ ଭାରତୀୟ ଷ୍ଟେଟ୍ ବ୍ୟାଙ୍କ(ଏସବିଆଇ) ଗୁରୁବାର ଇଲୋକ୍ଟୋରାଲ ବଣ୍ଡ ବିଷୟରେ ସବୁ ସୂଚନା ନିର୍ବାଚନ କମିଶନ୍ଙ୍କୁ ପ୍ରଦାନ କରିଛନ୍ତି। ଏହି ଡାଟାରେ ୟୁନିକ ନମ୍ବର ମଧ୍ୟ ରହିଛି, ଯେଉଁଥିରୁ ଜାଣିବାକୁ ସହଜ ହେବ କିଏ କେଉଁ ରାଜନୈତିକ ଦଳକୁ ନିର୍ବାଚନୀ ଚାନ୍ଦା ଦେଇଛି। ଏସବିଆଇ ଅନୁପାଳନ ସତ୍ୟପାଠ ମଧ୍ୟ ଦାଖଲ କରିଛି। ସତ୍ୟପାଠରେ ଗୋଟିଏ ପଏଣ୍ଟରେ ଲେଖା ଅଛି ଏସବିଆଇ ସମ୍ମାନଜନକ ଭାବରେ ସବୁ ଡିଟେଲ୍ସର ଖୁଲାସା କରିଛି ଓ ଏବେ (ଆକାଉଣ୍ଟ ନମ୍ବର ଓ କେଓ୍ବାଇସି ଡିଟେଲ୍ସ)କୁ ଛାଡି କୌଣସି ଅନ୍ୟ ସୂଚନା ରୋକା ଯାଇ ନାହିଁ। କୁହାଯାଉଛି ଯେ, କିଛି ସମୟ ପରେ ଏବେ ୟୁନିକ୍ ନମ୍ବର ସହିତ ଇଲୋକ୍ଟୋରାଲ ବଣ୍ଡର ସୂଚନା ନିର୍ବାଚନ କମିଶନଙ୍କ ଓ୍ବେବସାଇଟ୍ରେ ମଧ୍ୟ ପ୍ରକାଶିତ କରି ଦିଆଯିବ।
ସୁପ୍ରିମକୋର୍ଟ ସୋମବାର ଭାରତୀୟ ଷ୍ଟେଟ୍ ବ୍ୟାଙ୍କ(ଏସବିଆଇ)କୁ ଇଲୋକ୍ଟୋରାଲ ବଣ୍ଡ ସମ୍ପର୍କିତ ଡିଟେଲ୍ସର ଖୁଲାସା କରିବାର ନିର୍ଦେଶ ଦେଇଥିଲେ, ଯେଉଁଥିରେ କିଣା ଯାଇଥିବା ତାରିଖ, କିଣାବିକା ଓ ପ୍ରାପ୍ତକର୍ତ୍ତା, ମୂଲ୍ୟବର୍ଗ ଓ ରାଜନୈତିକ ଦାନ କରିବା ପାଇଁ ବ୍ୟବହାର କରାଯାଉଥିବା ଆଲଫାନ୍ୟୁମରିକ୍ ସିରିୟଲ କୋଡ୍ ରହିଛି। ସୁପ୍ରିମକୋର୍ଟ ଏସବିଆଇର ଚେୟାରମ୍ୟାନ୍ ଦିନେଶ କୁମାର ଖାରାଙ୍କୁ ଗୁରୁବାର ସନ୍ଧ୍ୟା ୫ଟା ପର୍ଯ୍ୟନ୍ତ ସତ୍ୟପାଠ ଦାଖଲ କରିବାର ନିର୍ଦେଶ ଦେଇଥିଲେ, ଯେଉଁଥିରେ କୁହାଯାଇଛି ଯେ, ସବୁ ସୂଚନାର ଖୁଲାସା କରାଯାଇଛି ଓ କୌଣସି ତଥ୍ୟ ଲୁଚା ଯାଇ ନାହିଁ।
କୋର୍ଟ ୧୫ ଫେବୃଆରୀରେ ଇଲୋକ୍ଟୋରାଲ ବଣ୍ଡ ଯୋଜନାକୁ ଅଣ ସମ୍ବିଧାନିକ ଘୋଷଣା କରି ଏହାକୁ ରଦ୍ଦ କରିଦେଇଥିଲେ। ସୋମବାର ସୁପ୍ରିମକୋର୍ଟରେ ଶୁଣାଣି ବେଳେ ସିଜେଆଇ ଚନ୍ଦ୍ରଚୂଡ କହିଛନ୍ତି, ଏଥିରେ କୌଣସି ସନ୍ଦେହ ନାହିଁ ଯେ, ଏସବିଆଇକୁ ସବୁ ଉପଲବ୍ଧ ସୂଚନା ଏକାଠି କରିବା ଜରୁରୀ, ଯେଉଁଥିରେ କିଣାଯାଇଥିବା ବଣ୍ଡର ଆଲଫାନ୍ୟୁମରିକ୍ ସଂଖ୍ୟା ଓ ସିରିୟଲ ନମ୍ବର , ଯଦି କିଛି ସାମିଲ ରହିଛି। ଉଲ୍ଲେଖନୀୟ ଯେ, ଆଲଫାନ୍ୟୁମରିକ୍ କୋଡ୍ରୁ ହିଁ ବଣ୍ଡ କିଣିବା ଓ ପ୍ରାପ୍ତକର୍ତ୍ତା ରାଜନୈତିକ ଦଳ ଭିତରେ ସମ୍ପର୍କ ବିଷୟରେ ଜଣାପଡିବ।
