ଭୁବନେଶ୍ବର, ୮।୨ : ବିଧାନସଭାରେ ୨୦୨୪-୨୫ ଆର୍ଥିକ ବର୍ଷ ପାଇଁ କାମଚଳା ବଜେଟ ଅର୍ଥ ମନ୍ତ୍ରୀ ବିକ୍ରମ ଆରୁଖ ଉପସ୍ଥାପନ କରିଛନ୍ତି। ଏଥିରେ ଅନୁସୂଚିତ ଜନଜାତି ଓ ଅନୁସୂଚିତ ଜାତିର ବିକାଶ ପ୍ରତି ଗୁରୁତ୍ବ ଦିଆଯାଇଛି। ୨୦୨୪-୨୫ ଆର୍ଥିକ ବର୍ଷରେ ୧୪ ଲକ୍ଷ ୮୬ ହଜାର ଅନୁସୂଚିତ ଜନଜାତି ଓ ଅନୁସୂଚିତ ଜାତି ଓ ଅନ୍ୟାନ୍ୟ ପଛୁଆ ବର୍ଗର ହିତାଧିକାରୀ ଛାତ୍ରଛାତ୍ରୀଙ୍କୁ ଛାତ୍ରବୃତ୍ତି ପ୍ରଦାନ ପାଇଁ ଏକ ହଜାର ୪ ଶହ ୪୯ କୋଟି ଟଙ୍କାର ବ୍ୟୟବରାଦ ପ୍ରସ୍ତାବ ରହିଛି। ସେହିପରି ଅନ୍ବେଷା କାର୍ଯ୍ୟକ୍ରମରେ ୧୩୦ କୋଟି ଟଙ୍କାର ପ୍ରସ୍ତାବ ରହିଛି। ଆକାଂକ୍ଷା ଅଧୀନରେ ଛାତ୍ରଛାତ୍ରୀଙ୍କୁ ଉଚ୍ଚଶିକ୍ଷା ନିମନ୍ତେ ମାଗଣାରେ ରହିବା ଓ ଖାଇବା ପାଇଁ ଭୁବନେଶ୍ବର, ବ୍ରହ୍ମପୁର, ସମ୍ବଲପୁର, ରାଉରକେଲାରେ ୮ଟି ଅର୍ବାନ ହଷ୍ଟେଲ କମ୍ପେ୍ଲକସ ନିର୍ମାଣ କରାଯାଇଛି।
ସେହିପରି ସ୍ବତନ୍ତ୍ର ଉନ୍ନୟନ ପରିଷଦ ଅଧୀନରେ ବିଭିନ୍ନ କାର୍ଯ୍ୟ ହାତକୁ ନେବା ପାଇଁ ୨୨୬ କୋଟି ଟଙ୍କାର ବ୍ୟୟବରାଦ କରାଯାଇଛି। ମୁଖ୍ୟମନ୍ତ୍ରୀ ଜନଜାତି ଜୀବିକା ମିଶନ ଅଧୀନରେ ୨ ଶହ କୋଟି ଟଙ୍କାର ବ୍ୟୟବରାଦ ପ୍ରସ୍ତାବ ରହିଛି। ଜୀବିକା ସୁଯୋଗରେ ଉନ୍ନତି ଆଣିବା, ଆୟ ସୃଷ୍ଟିକାରୀ କ୍ଷୁଦ୍ର ଉଦ୍ୟୋଗକୁ ପ୍ରୋତ୍ସାହନ ଦେବା ଏବଂ ପିଭିଟିଜି ସମୁଦାୟମାନଙ୍କୁ ଶିକ୍ଷା ଓ ସ୍ବାସ୍ଥ୍ୟ ଉପଲବ୍ଧ କରାଇବା ପାଇଁ ଓପିଇଏଲଆଇପି କାର୍ଯ୍ୟକ୍ରମ ଅଧୀନରେ ୯୦ କୋଟି ଟଙ୍କାର ବ୍ୟୟବରାଦର ପ୍ରସ୍ତାବ ରହିଛି।
ଆହରି ପଢନ୍ତୁ : ଓଡ଼ିଶା ଅନ୍ତରୀଣ ବଜେଟ : ଗ୍ରାମ ଓ ସହର ମଧ୍ୟରେ ବ୍ୟବଧାନ ଦୂର କରିବାକୁ ଗୁରୁତ୍ବ