ସାଲେପୁର, ୦୮/୧୨ : କଟକ ଜିଲ୍ଲା କିଶନନଗର ତହସିଲ ଅନ୍ତର୍ଗତ ଅରିଲୋ ପଞ୍ଚାୟତ କୋଟୁଆଁ ଗ୍ରାମରୁ କାବୁ ହେଲା ପାଗଳ ମାଙ୍କଡ଼। ଦୁଇ ମାସରୁ ଉର୍ଦ୍ଧ୍ଵ ଦିନ ହେଲା ଏହି ପାଗଳ ମାଙ୍କଡ଼ ଆତଙ୍କ ଖେଳାଇ ଥିଲା। ମାଙ୍କଡ଼କୁ ଧରିବା ପାଇଁ କଟକ ବନବିଭାଗ ଅଧିନସ୍ଥ ଓଡ଼ପଡ଼ା ବିଟ୍ ହାଉସ୍ ର କର୍ମଚାରୀମାନେ ଯନ୍ତା ବସାଇ ମାଙ୍କଡକୁ ଧରିଥିବା ଜଣାପଡିଛି।
ପ୍ରକାଶ ଯେ, ଏହି ପାଗଳ ମାଙ୍କଡ଼ର ଦୌରାତ୍ମ୍ୟରେ ଲୋକେ ଆତଙ୍କିତ ହୋଇପଡିଥିଲେ। ଏପରିକି ଏହି ମାଙ୍କଡ଼ର ଆକ୍ରମଣରେ ଅନେକ ଲୋକ ଆହତ ହୋଇ କଟକ ବଡ଼ ମେଡିକାଲରେ ଚିକିତ୍ସିତ ହେଉଛନ୍ତି। ମାଙ୍କଡ଼ର ଉତ୍ପାତ ଏତେ ବଢି ଯାଇଥିଲା ଯେ ଲୋକେ ପଦାକୁ ବାହାରିବାକୁ ନିରାପଦ ମଣୁ ନଥିଲେ। ସ୍ଥାନୀୟ ଲୋକେ ଏନେଇ ବନବିଭାଗକୁ ଖବର ଦେଇଥିଲେ । ଖବର ପାଇ ବନବିଭାଗ କର୍ମଚାରୀ ଆସି ଯନ୍ତା ବସାଇଥିଲେ। ତେବେ ମାଙ୍କଡ଼ଟିକୁ ଧରି ବନବିଭାଗ ନେଇଥିବା ଜଣାପଡ଼ିଛି।