ନୂଆଦିଲ୍ଲୀ,୧୧/୦୨: ୱେଷ୍ଟଇଣ୍ଡିଜର ଚର୍ଚ୍ଚିତ ଯୁବ ପେସ୍‌ ବୋଲର ସମର ଯୋଶେଫ୍‌  ଆଗାମୀ ଆଇପିଏଲ୍‌ରେ ଲକ୍ଷ୍ନୌ ସୁପରଜାଏଣ୍ଟ୍‌ସ ପକ୍ଷରୁ ଖେଳିବେ । ଶନିବାର ସୁପରଜାଏଣ୍ଟ୍‌ସ ଫ୍ରାଞ୍ଚାଇଜ୍‌  ଆହତ ମାର୍କ ଉଡ୍‌ଙ୍କ ସ୍ଥାନରେ ଯୋଶେଫ୍‌ଙ୍କ ସହ  ଚୁକ୍ତି ସ୍ୱାକ୍ଷର କରିଛି । ଉଡ୍‌ଙ୍କ କିଣା ମୂଲ୍ୟ ଅନୁସାରେ ଦଳ ତାଙ୍କୁ ୩କୋଟି ଟଙ୍କାରେ ସାମିଲ୍‌ କରିଛି । 

ଘରୋଇ ଅଷ୍ଟ୍ରେଲିଆ ବିପକ୍ଷ ଗାବା ଟେଷ୍ଟରେ ୱେଷ୍ଟଇଣ୍ଡିଜ୍‌କୁ ଐତିହାସିକ ବିଜୟ ଦେବାରେ ମୁଖ୍ୟ  ଭୂମିକା ଗ୍ରହଣ କରିଥିଲେ ଯୋଶେଫ୍‌ । ଦ୍ୱିତୀୟ  ଇନିଂସ୍‌ରେ ୭ଟି ୱିକେଟ୍‌ ନେଇ ରାତାରାତି ଷ୍ଟାର୍‌ ପାଲଟି  ଯାଇଥିଲେ । ଏହାପରେ ତାଙ୍କ ଉପରେ ଆଇପିଏଲ୍‌  ଫ୍ରାଞ୍ଚାଇଜଙ୍କ ନଜର ରହିଥିଲା । ସୁପରଜାଏଣ୍ଟ୍‌ ବିନା  ଦ୍ୱନ୍ଦ୍ୱରେ ଯୋଶେଫ୍‌ଙ୍କ ସହ ଚୁକ୍ତି ସ୍ୱାକ୍ଷର କରିଛି । ସେ  ପ୍ରଥମ ଥର ଆଇପିଏଲ୍‌ ଖେଳିବେ । ଯୋଶେଫ୍‌ ଚଳିତ  ବର୍ଷ ଟେଷ୍ଟ ପଦାର୍ପଣ କରିଥିଲେ । ସେ ୨ଟି ମ୍ୟାଚ୍‌ ଖେଳି  ମୋଟ ୧୩ଟି ୱିକେଟ୍‌ (୨ଥର ୫ ୱିକେଟ୍‌) ନେଇଛନ୍ତି ।