ମୋହନା, ୦୨/୧୦ : ଘାଟୀରେ ଓଲଟିଲା ମିନି ବସ୍। ୨୦ରୁ ଉର୍ଦ୍ଧ୍ଵ ଯାତ୍ରୀ ଆହତ। ଗଜପତି ଜିଲ୍ଲା ଅଡବା ଥାନା ଅନ୍ତର୍ଗତ ଗୁଲୁବା ନିକଟସ୍ଥ ବାମୁଣମଲା ଘାଟୀରେ ଏହି ଦୁର୍ଘଟଣା ଘଟିଛି। ସମସ୍ତ ଆହତଙ୍କୁ ପ୍ରଥମେ ବିରିକୋଟ ପରେ ମୋହନା ମେଡିକାଲରେ ଭର୍ତ୍ତି କରାଯାଇଛି।
ସୂଚନା ମୁତାବକ, ଲଦିଗୁଡାରୁ ଏକ ଯାତ୍ରୀବାହୀ ମିନିବସ୍ ସୋମବାର ସକାଳୁ କିଛି ଯାତ୍ରୀଙ୍କୁ ନେଇ ମୋହନା ଆସୁଥିବା ବେଳେ ବାମୁଣମଲା ଘାଟୀ ନିକଟରେ ଭରସାମ୍ୟ ହରାଇ ଓଲଟି ପଡ଼ିଥିଲା। ଫଳରେ ବସ୍ରେ ବସିଥିବା ୨୦ରୁ ଉର୍ଦ୍ଧ୍ଵ ଯାତ୍ରୀ ଆହତ ହୋଇଛନ୍ତି। ଘଟଣା ସ୍ଥଳରେ ସ୍ଥାନୀୟ ଲୋକ ପହଞ୍ଚି ଆହତମାନଙ୍କୁ ଉଦ୍ଧାର କରିଥିଲେ। ଆହତ ମାନଙ୍କୁ ବିରିକୋଟ ସ୍ଥିତ ମେଡିକାଲକୁ ପଠାଯାଇଛି।
