ଜୟପୁର,୧।୨ : ଜୟପୁର ନିକଟସ୍ଥ ଉମୁରି ଦେଇ ଯାଇଥିବା ଜାତୀୟ ରାଜପଥ ଅତିକ୍ରମ କରୁଥିବା ସମୟରେ ଜଣେ ବ୍ୟକ୍ତିଙ୍କ ଉପରେ ମାଡିଗଲା ଏକ ପିକ ଅପ୍ ଭ୍ୟାନ । ଘଟଣାସ୍ଥଳରେ ସମ୍ପୃକ୍ତ ବ୍ୟକ୍ତିଙ୍କ ମୃତ୍ୟୁ ଘଟିଛି। ମୃତ ବ୍ୟକ୍ତି ଜଣକ  ହେଲେ ତିଳ ପେଣ୍ଠିଆ ।ତାଙ୍କ ଘର ବୋରିଗୁମ୍ମା ବ୍ଲକର କାନୁ ଗୁଡା ବୋଲି ଜଣାପଡିଛି। 

ସନ୍ଧ୍ୟା ସମୟରେ ତିଳ ଉମୁରି ନିକଟରେ ରାସ୍ତା ଅତିକ୍ରମ କରୁଥିବା ବେଳେ ଜୟପୁର ପଟୁ ନବରଙ୍ଗପୁର ଅଭିମୁଖେ ଯାଉଥିବା ଏକ ପିକ ଅପ୍ ଭ୍ୟାନ  ତାଙ୍କ ଉପରକୁ ମାଡିଯାଇଥିଲା।  ଏଥିରେ ସେ ଗୁରୁତର ହୋଇଥିଲେ। ଆମ୍ବୁଲାନ୍ସ ଯୋଗେ ଜୟପୁର ଜିଲା ମେଡିକାଲ ରେ ତାଙ୍କୁ ଭର୍ତ୍ତି କରାଯାଇଥିଲା।  ସେଠାରେ ତାଙ୍କର ମୃତ୍ୟୁ ଘଟିଥିଲା।   ସେପଟେ ଦୁର୍ଘଟଣା ଘଟାଇ ଖସି ଯାଉଥିବା ପିକ ଅପ୍ କୁ ସ୍ଥାନୀୟ ଲୋକେ ଧରିଥିବା ବେଳେ ଗାଡି ଚାଳକ ଘଟଣା ସ୍ଥଳରୁ ଖସି ଯାଇଛି ।ଜୟପୁର ସଦର ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।

ଆହୁରି ପଢନ୍ତୁ : ମଦ ପିଇ ଯୁବକଙ୍କ ଉନ୍ମତକାଣ୍ଡ, ନିଜ ବେକକୁ ଧାରୁଆ ଅସ୍ତ୍ରରେ କାଟିଲେ