ପ୍ରମୂଖ ଖବର
  • କେନ୍ଦୁଝର : ଚୋରା କାଠ ଚାଲାଣ ବେଳେ ମାଡ଼ି ବସିଲା ବନ ବିଭାଗ, ୭ ଟ୍ରିପରୁ ଉର୍ଦ୍ଧ୍ଵ କାଠ ଜବତ
  • ||
  • ଯାଜପୁର : ଶୌଚ ହେବାକୁ ଯାଇ କେନାଲରେ ଭାସିଗଲେ ନାବାଳକ
  • ||
  • ଭୁବନେଶ୍ଵର : ୨୭ରେ ବସିବ ନୀତି ଆୟୋଗ ବୈଠକ, ଯୋଗଦେବେ ମୁଖ୍ୟମନ୍ତ୍ରୀ
  • ||

ମଦ ଛାଡ଼ିବା କ୍ଷଣି କମିଯାଏ କ୍ୟାନ୍ସର କାରକ ପ୍ରୋଟିନ୍‌, ଅଧ୍ୟୟନରୁ ଖୁଲାସା

ନୂଆଦିଲ୍ଲୀ ୧୩/୦୯: ମଦ୍ୟପାନ ଶରୀର ପାଇଁ କ୍ଷତିକାରକ ବୋଲି ସଭିଏ ଜାଣନ୍ତି । ଏଥିଯୋଗୁ ଲିଭର ଖରାପ ହେବା ସହ ରକ୍ତଚାପ ବଢ଼ିଥାଏ । ଏପରିକି କ୍ୟାନ୍‌ସର ହେବାର ଆଶଙ୍କା ମଧ୍ୟ ବଢ଼ିଯାଏ । କିନ୍ତୁ ମଦ୍ୟପାନ ଛାଡ଼ିବା ଦ୍ୱାରା ଶରୀରରେ କ’ଣ ଘଟିଥାଏ କିପରି ପରିବର୍ତ୍ତନ ଆସିଥାଏ ସେ ନେଇ ଅନେକଙ୍କ ମନରେ ପ୍ରଶ୍ନ ଉଠିଥାଏ ।  ଡାକ୍ତର ବିଶେଷଜ୍ଞଙ୍କ କହିବା ଅନୁସାରେ, ମଦ୍ୟପାନ ଛାଡ଼ିବା ପରେ ରକ୍ତଚାପ ୬% ଏବଂ ଓଜନ ଦେଢ଼ କେଜି ପର୍ଯ୍ୟନ୍ତ କମିଯାଏ । ଏଥିସହ ଡାଇବେଟିସ୍‌ର ଆଶଙ୍କା୨୬% ହ୍ରାସ ପାଇଥାଏ । ଏହାଦ୍ୱାରା ସମ୍ପୃକ୍ତ ବ୍ୟକ୍ତି କୌଣସି କାମରେ ଅଧିକ ସମୟ ଧ୍ୟାନ କେନ୍ଦ୍ରୀଭୂତ କରିପାରିଥାନ୍ତି ଏବଂ ଗଭୀର ନିଦ ମଧ୍ୟ ଆସିଥାଏ  ।

ଲାଇଭ୍‌ ସାଇନ୍ସର ରିପୋର୍ଟ ଅନୁସାରେ, ମଦ୍ୟପାନ ବନ୍ଦକରିଦେବା ପରେ କ୍ୟାନ୍‌ସର ପାଇଁ ଦାୟୀ ଏକ ପ୍ରୋଟିନ୍‌ଏପିଡର୍ମାଲ ଗ୍ରୋଥ୍‌ ଫ୍ୟାକ୍ଟର (ଇଜିଏଫ୍‌)ସ୍ତର ୭୩% ପର୍ଯ୍ୟନ୍ତ ହ୍ରାସ ପାଇଥାଏ । ଏଥିସହ ଭାସ୍କୁଲାର ଏଣ୍ଡୋଥେଲିୟଲ ଗ୍ରୋଥ୍‌ ଫ୍ୟାକ୍ଟର (ଭିଇଜିଏଫ୍‌) ସ୍ତର ୪୧% ପର୍ଯ୍ୟନ୍ତ କମିଥାଏ । ଡା. କେଭିନ୍‌ ମୁର୍‌ଙ୍କ କହିବା ଅନୁସାରେ, ୪୫ ବର୍ଷ ବୟସର ୯୪ ଜଣଙ୍କ ମଦ୍ୟପାନ ଅଭ୍ୟାସ ଉପରେ ଅଧ୍ୟୟନ କରାଯାଇଥିଲା । ଏଥିରୁ ଜଣାପଡ଼ିଥିଲା, ମଦ୍ୟପାନ କରୁଥିବା ବ୍ୟକ୍ତିଙ୍କ ସ୍ନାୟୁତନ୍ତ୍ରକୁ ନିଶାର ଏପରି ଅଭ୍ୟାସ ହୋଇଯାଏ ଯେ ହଠାତ ମଦ ସେବନ କରିବା ବନ୍ଦ କରିଦେଲେ ମସ୍ତିଷ୍କ ହାଇପର ଆକ୍ଟିଭ୍‌ ହୋଇଯାଏ । ଏଥିରେ ଲୋକଙ୍କୁ ଆଙ୍ଗ୍‌ଜାଇଟି ବା ଅସ୍ଥିରତା ଅନୁଭବ ହୋଇଥାଏ । ନିଦ ଠିକ୍‌ ଭାବେ ହୁଏନାହିଁ, ଚିଡ଼ିଚିଡ଼ାପଣ ଏବଂ ହାଲ୍ୟୁସିନେସନ ଅନୁଭବ ହୁଏ । ଏଥିରୁ ମୃତ୍ୟୁ ଆଶଙ୍କା ମଧ୍ୟ ବଢ଼ିଯାଏ ।

ମେଡିକାଲ ଜର୍ନାଲ ଦ ଲାନ୍‌ସେଟ୍‌ରେ ପ୍ରକାଶିତ ରିସର୍ଚ୍ଚ ରିପୋର୍ଟ ଅନୁସାରେ, ବୟସ୍କ ବ୍ୟକ୍ତିଙ୍କ ତୁଳନାରେ ଯୁବାବସ୍ଥାରେ ମଦ୍ୟପାନ କରିବା ଅଧିକ ବିପଜ୍ଜନକ । ଅର୍ଥାତ ଯୁବାବସ୍ଥାରେ ମଦ୍ୟପାନ ଶରୀରର ଅଧିକ କ୍ଷତି କରିଥାଏ । ଗ୍ଲୋବାଲ ବର୍ଡନ ଅଫ୍‌ ଡିଜିଜ୍‌ ପକ୍ଷରୁ ଭୌଗଳିକ କ୍ଷେତ୍ର, ଲିଙ୍ଗ ଆଧାରରେ ୨୦୪ ଦେଶରେ ମଦ୍ୟପାନ ଉପରେ ହୋଇଥିବା ଏକ ଅଧ୍ୟୟନରୁ ଏହା ଜଣାପଡ଼ିଛି । ଏଥିରେ କୁହାଯାଇଛି ଯେ, ୧୫ରୁ ୩୯ ବର୍ଷ ବୟସ ବର୍ଗର ଲୋକଙ୍କ ଉପରେ ମଦ୍ୟପାନର ଅଧିକ କୁପ୍ରଭାବ ପଡ଼ିଥାଏ । ୨୦୨୦ରେ ସବୁଠୁ ଅଧିକ ମାତ୍ରାରେ ମଦ୍ୟପାନ କରୁଥିବା ଲୋକଙ୍କ ମଧ୍ୟରେ ୫୯% ୧୫ରୁ ୩୯ ବର୍ଷ ବୟସର ଥିଲେ । ସେମାନଙ୍କ ମଧ୍ୟରେ ୭୬.୭% ହେଉଛନ୍ତି ପୁରୁଷ । ବିଶ୍ୱ ସ୍ୱାସ୍ଥ୍ୟ ସଙ୍ଗଠନ ମୁତାବକ, ୨୦୨୦ରେ ଆସିଥିବା ମୋଟ କ୍ୟାନ୍‌ସର ମାମଲାରେ ୭ ଲକ୍ଷ ୪୧ ହଜାର ୩୦୦ ଜଣ ବା ୪%ଙ୍କୁ ମଦ୍ୟପାନ ଯୋଗୁ କ୍ୟାନ୍‌ସର ହୋଇଥିଲା ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.