ନୂଆଦିଲ୍ଲୀ ୧୧/୦୯: ‘ମେଡ୍ ଇନ୍ ହେଭେନ୍’ ସିଜନ୍-୨କୁ ନେଇ ଖବରରେ ରହିଛନ୍ତି ଅଭିନେତ୍ରୀ ଶୋଭିତା ଧୁଲିପାଲା । ଏହା ପୂର୍ବରୁ ସେ ୱେବ୍ ସିରିଜ୍ ‘ଦ ନାଇଟ୍ ମ୍ୟାନେଜର୍’ରେ ନଜର ଆସିଥିଲେ । ତାଙ୍କ କାମକୁ ଦର୍ଶକ ଖୁବ୍ ପ୍ରଶଂସା କରୁଛନ୍ତି । ଏକ ଗଣମାଧ୍ୟମ ସହ ବାର୍ତ୍ତାଳାପରେ ଶୋଭିତା ଦୁଇଟିଯାକ ସିରିଜ୍ର ସୁଟିଂ ସମୟର କିଛି କଥା ଶେୟାର କରିଛନ୍ତି ।
ଶୋଭିତା କହିଛନ୍ତି, ସିରିଜ୍ରେ ଏମିତି କିଛି ସିନ୍ ଥିଲା, ଯାହା ନିର୍ବାହ କରିବାରେ ତାଙ୍କୁ ବହୁତ ସମସ୍ୟା ହୋଇଥିଲା । ଖାସ୍କରି ଭାବପୂର୍ଣ୍ଣ ସିନ୍ । ଶୋଭିତା ନିଜକୁ ଆବଶ୍ୟକଠୁ ଅଧିକ ଭାବୁକ ମଣିଷ ବୋଲି କହିଛନ୍ତି । ଲୁହକୁ ସେ ନିୟନ୍ତ୍ରଣ କରିପାରନ୍ତି ନାହିଁ । ସିରିଜ୍ ‘ଦ ନାଇଟ୍ ମ୍ୟାନେଜର’ ଓ ‘ମେଡ୍ ଇନ୍ ହେଭେନ୍’ର ସଫଳତା ବିଷୟରେ ସେ କହିଛନ୍ତି, ଏ ପ୍ରକାର ଭୂମିକାଗୁଡ଼ିକୁ ଦର୍ଶକ ଶୀଘ୍ର ଗ୍ରହଣ କରନ୍ତି ନାହିଁ । ତେଣୁ ଯେତେବେଳେ ତାଙ୍କ ଚରିତ୍ରକୁ ପ୍ରଶଂସା ମିଳେ, ତାଙ୍କ ଭିତରର କଳାକାରକୁ ଖୁବ୍ ଖୁସି ମିଳେ । ଜଣେ କଳାକାର ଭାବେ ଦର୍ଶକଙ୍କ ସହ ଯୋଡ଼ିହେବା ବହୁତ ଜରୁରୀ ବୋଲି ସେ କହିଛନ୍ତି । କାମକୁ ବାଦ୍ ଦେଲେ ତାଙ୍କ ବ୍ୟକ୍ତିଗତ ଜୀବନ ବେଶ୍ ରଙ୍ଗୀନ୍ ବୋଲି ସେ କହିଛନ୍ତି ।
ତେବେ ୨୦୧୩ ମସିହାରେ ଫିଲ୍ମ ‘ରମନ ରାଘବ ୨.୦’ ଜରିଆରେ ବଲିଉଡ୍ରେ ପାଦ ଥାପିଥିଲେ ଶୋଭିତା । ତାମିଲ, ତେଲୁଗୁ ଓ ମାଲାୟାଲମ୍ ଫିଲ୍ମରେ ସେ କାମ କରିଛନ୍ତି । ନୃତ୍ୟ ପ୍ରତି ତାଙ୍କର ଖୁବ୍ ସଉକ ରହିଛି।
