ପ୍ରମୁଖ ଖବର
  • ଯାନ୍ତ୍ରିକ ତ୍ରୁଟି ଯୋଗୁଁ ଚିଲିକାରେ ପୁଣି ଫସିଲା ଯାତ୍ରୀବାହୀ ଡଙ୍ଗା, ଦୀର୍ଘ ଏକଘଣ୍ଟା ପରେ ଉଦ୍ଧାର ହେଲେ ୩୦ ଯାତ୍ରୀ
  • ||
  • ମଙ୍ଗଳବାର ଓଡ଼ିଶା ଆସିବେ ପ୍ରଧାନମନ୍ତ୍ରୀ, ରାଜ୍ୟବାସୀଙ୍କୁ ଦେବେ ୧୯,୬୦୦ କୋଟିର ପ୍ରକଳ୍ପ ଭେଟି
  • ||
  • ପୁଲିସକୁ ଢେଲାମାରି ହତ୍ୟା ଉଦ୍ୟମ ଅଭିଯୋଗ: ଦୁର୍ଦ୍ଦାନ୍ତ ପାକା ଗିରଫ, ଭାଇ ଫେରାର
  • ||
  • ଆଜି ସରିବ ମାଟ୍ରିକ୍‌ ପରୀକ୍ଷା: ଭାଇରାଲ୍‌ ଓ ଲିକ୍‌ ଗୁଜବର ଘଟୁନି ଅନ୍ତ, କ୍ରାଇମ୍‌ବ୍ରାଞ୍ଚ୍‌ରେ ବୋର୍ଡ ଏତଲାର ଫଳ ଶୂନ୍ୟ
  • ||
  • WPL-2024: ଦିଲ୍ଲୀ କ୍ୟାପିଟାଲ୍ସର ଦମଦାର ପ୍ରଦର୍ଶନ, ଗୁଜରାଟକୁ ୨୫ରନ୍‌ରେ ହରାଇଲା
  • ||
  • କଳାହାଣ୍ଡିରେ ଇନ୍ଦ୍ରାବତୀ ଦକ୍ଷିଣ କେନାଲରେ ୨୦ ଫୁଟ୍‌ର ଘାଇ, ଦେପୁରରେ କୃତ୍ରିମ ବନ୍ୟା
  • ||
  • ରାଜ୍ୟରେ ବଦଳିବ ପାଣିପାଗ ମିଜାଜ: ଆଜିଠୁ କମିବ ତାତି, ୭ ଜିଲ୍ଲାରେ ବର୍ଷା ସମ୍ଭାବନା
  • ||

୪ ସହପାଠୀଙ୍କୁ ଗୁଳି କରି ହତ୍ୟା, ୧୫ ବର୍ଷର ବାଳକଙ୍କୁ ଆଜୀବନ ସଜ୍ଜା ଶୁଣାଇଲେ କୋର୍ଟ

ନୂଆଦିଲ୍ଲୀ, ୦୯/୧୨: ଗଣହତ୍ୟାର ୨ ବର୍ଷ ପରେ ସଜ୍ଜା ମିଳିଛି । ନାବାଳକ ଏଥାନ କ୍ରୁମ୍ବଲିଙ୍କୁ ଶୁକ୍ରବାର ଆଜୀବନ ଜେଲ୍ ଦଣ୍ଡାଦେଶ ଶୁଣାଇଛନ୍ତି କୋର୍ଟ । ମିଚିଗାନ୍ ହାଇସ୍କୁଲର ୪ ଛାତ୍ରଙ୍କୁ ହତ୍ୟା ମାମଲାରେ କୋର୍ଟ ଏହି ସଜ୍ଜା ଶୁଣାଇଛନ୍ତି । ୨୦୨୧ ନଭେମ୍ବର ୩୦ରେ ଏଥାନଙ୍କ ବନ୍ଧୁକ ଗୁଳିରେ ହାଇସ୍କୁଲର ୪ ଛାତ୍ରଙ୍କ ମୃତ୍ୟୁ ହୋଇଥିବା ବେଳେ ୭ ଜଣ ଆହତ ହୋଇଥିଲେ ।

ସୂଚନା ଅନୁସାରେ, ଏଥାନଙ୍କ ବାପାମାଆ ତାଙ୍କୁ ଖ୍ରୀଷ୍ଟମାସ ପୂର୍ବରୁ ଉପହାରରେ ଏକ ବନ୍ଧୁକ ଦେଇଥିଲେ । ଆଉ ସେହି ବନ୍ଧୁକରେ ବିଦ୍ୟାଳୟ ପରିସରରେ ରକ୍ତର ସୁଅ ବୁହାଇଥିଲେ ୧୫ ବର୍ଷର ଏଥାନ । ଅକଲାଣ୍ଡ ସର୍କିଟ୍ ଜଜ୍ ମାମଲାର ବିଚାର କରି ଦଣ୍ଡାଦେଶ ଶୁଣାଇଛନ୍ତି ।

ଗତବର୍ଷ ଏଥାନ କ୍ରୁମ୍ବଲି ସମସ୍ତ ଦୋଷ ସ୍ୱୀକାର କରି ନେଇଥିଲେ । କହିଥିଲେ ସେ ବିଦ୍ୟାଳୟ ବାଥରୁମରୁ ବାହାରିବା ବେଳେ ଭୟଭୀତ ହୋଇ ପଡ଼ିଥିଲେ । ସେତେବେଳେ ତାଙ୍କ ଠାରେ କୌଣସି ଭାବନା ନଥିଲା । ଅକ୍ସଫୋର୍ଡ ହାଇସ୍କୁଲ୍ ପରିସରରେ ସେ ତାଙ୍କ ସେମି-ଅଟୋମେଟିକ୍ ଗନରୁ ଗୁଳି ଚଳାଇଥିଲେ । ଏଥିରେ ୪ ଜଣଙ୍କ ମୃତ୍ୟୁ ହୋଇଥିବା ବେଳେ ୬ ଜଣ ଛାତ୍ର ଓ ଜଣେ ଶିକ୍ଷକ ଆହତ ହୋଇଥିଲେ ।

ଏଥାନଙ୍କ ଅଭିଭାବକଙ୍କ ବିରୋଧରେ ବି ମାମଲା ରୁଜୁ ହୋଇଛି । ଆମେରିକାର ଏହା ପ୍ରଥମ ମାମଲା ଯେଉଁଥିରେ ଗୁଳିକାଣ୍ଡ ପାଇଁ ପିତାମାତାଙ୍କୁ ଦାୟୀ କରାଯାଇଛି । କୋର୍ଟ ଏଥାନଙ୍କୁ ପାରୋଲରେ ଛାଡ଼ିବାକୁ ମନା କରି ଦେଇଛନ୍ତି । ଶୁଣାଣି ବେଳେ ଏଥାନ କ୍ରୁମ୍ବଲି ଭଲ ମଣିଷ ହେବାକୁ ଚେଷ୍ଟା କରିବେ ବୋଲି କୋର୍ଟରେ କାନ୍ଦି କାନ୍ଦି କହିଛନ୍ତି ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.