ତେନ୍ତୁଳିଖୁଣ୍ଟି, ୦୨/୧୧ : ତେନ୍ତୁଳିଖୁଣ୍ଟି ବ୍ଲକ ପ୍ରଶାସନ ତରଫରୁ ଶୁକ୍ରବାର ନୋଡ଼ାଲ ବାପୁଜି ହାଇସ୍କୁଲ ପଡିଆ ଠାରେ ମୁଖ୍ୟମନ୍ତ୍ରୀଙ୍କ ଦ୍ଵାରା ଆମ ଓଡ଼ିଶା ନବୀନ ଓଡ଼ିଶାର ଭିଡିଓ କନଫେରନ୍ସ ମାଧ୍ୟମରେ ଉଦଘାଟନ ହେବ। ତେବେ ଏହି କାର୍ଯ୍ୟକ୍ରମକୁ ତେନ୍ତୁଳିଖୁଣ୍ଟି ବ୍ଳକର ପ୍ରତ୍ୟେକ ପଞ୍ଚାୟତର ସରପଞ୍ଚମାନେ ବର୍ଜନ କରିଛନ୍ତି। ସେମାନେ ଅଂଶଗ୍ରହଣ କରିବେ ନାହିଁ ବୋଲି କହିଛନ୍ତି। 

ରାଜ୍ୟ ସରକାରଙ୍କୁ ସରପଞ୍ଚ ସଙ୍ଘ ତରଫରୁ ୧୫ ଦଫା ଦାବି ପୂରଣ ପାଇଁ ଦାବି ଜଣେଇ ଥିଲେ। ଏହି ୧୫ ଦଫା ଦାବିରେ ଆମ ଓଡ଼ିଶା ନବୀନ ଓଡ଼ିଶାର ଅନୁଦାନ ପଞ୍ଚାୟତକୁ ଦେବା ପାଇଁ ଦାବି କରିଥିଲେ। ହେଲେ କୌଣସି ଦାବି ପୂରଣ ହୋଇ ନଥିବାରୁ ଆସନ୍ତାକାଲିର କାର୍ଯ୍ୟକ୍ରମରେ ସାମିଲ ହେବେ ନାହିଁ ବୋଲି କହିଛନ୍ତି ।

ନବରଙ୍ଗପୁର ଜିଲ୍ଲା ସରପଞ୍ଚ ସଙ୍ଘର କୋଷାଧ୍ୟକ୍ଷ ତଥା ତେନ୍ତୁଳିଖୁଣ୍ଟି ବ୍ଳକର ଦିଗି ସରପଞ୍ଚ କିଶୋର ନାୟକ, ତେନ୍ତୁଳିଖୁଣ୍ଟି ବ୍ଲକ ସରପଞ୍ଚ ସଙ୍ଘର ସଭାପତି ମନମୋହନ ଦଳପତି ଏହି କାର୍ଯ୍ୟକ୍ରମରେ ସାମିଲ ହେବୁ ନାହିଁ ବୋଲି ସୂଚନା ଦେଇଛନ୍ତି।