ନୀଳଗିରି,୧୮/୧୧ : ରାଜ୍ୟ ସରକାରଙ୍କ ଦୁର୍ନୀତି ଓ ଭ୍ରଷ୍ଟାଚାର ବିରୁଦ୍ଧରେ ଆଜି ବାଲେଶ୍ଵର ଜିଲ୍ଲା ନୀଳଗିରି ବ୍ଲକ ଘେରାଉ କରିଛି ବିଜେପି । ନୀଳଗିରି ଜଗନ୍ନାଥ ମନ୍ଦିର ପାଖରୁ ଏକ ବିଶାଳ ବିକ୍ଷୋଭ ଶୋଭାଯାତ୍ରାରେ ଆସି ହଜାର ହଜାର ବିଜେପି ସମର୍ଥକ ନୀଳଗିରି ବ୍ଲକ କର୍ଯ୍ୟାଳୟ ଘେରାଉ କରିଥିଲା। ଏଥିରେ ବାଲେଶ୍ଵର ସାଂସଦ ପ୍ରତାପ ଷଡ଼ଙ୍ଗୀ ଓ ସ୍ଥାନୀୟ ବିଧାୟକ ଇଂ ସୁକାନ୍ତ କୁମାର ନାୟକଙ୍କ ସମେତ ବହୁ ସ୍ଥାନୀୟ ଓ ଜିଲ୍ଲାସ୍ତରୀୟ ନେତା ସାମିଲ ହୋଇଥିଲେ । ବହୁ ହିତାଧିକାରୀ ଆବାସ ଜୋଜନା ଠାରୁ ଆରମ୍ଭ କରି ଭତ୍ତାରୁ ବଞ୍ଚିତ ହେବା ସହିତ ଅଞ୍ଚଳରେ ବିକାଶମୂଳକ କାର୍ଯ୍ୟ ଅତି ନିମ୍ନମାନର ହେଉଥିବା ଅଭିଯୋଗ ଉଠିଥିଲା । ସରକାରୀ କର୍ମଚାରୀ ମାନେ ପିସି ନପାଇଲେ ଆଉ କାର୍ଯ୍ୟ କରୁନଥିବା ସାଂସଦ ଓ ବିଧାୟକ ଉଭୟ ଅଭିଯୋଗ ଉଠାଇଥିଲେ ।