ସୁନ୍ଦରଗଡ଼, ୧୯।୯ : ସ୍ତ୍ରୀର ତଣ୍ଟି ଚିପି ହତ୍ୟା କଲା ସ୍ବାମୀ। ସବଡେଗା ବ୍ଲକ ଘୁଟୁପଡା ଗାଁରେ ଏହି ହତ୍ୟାକାଣ୍ଡ ଘଟିଛି। ଅନୈତିକ ସମ୍ପର୍କକୁ ସନ୍ଦେହ କରି ଗତ ୩ ଦିନ ତଳେ ସ୍ଵାମୀ ସ୍ତ୍ରୀକୁ ହତ୍ୟା କରିଥିବା ସୂଚନା ମିଳିଛି। 

ସୂଚନାନୁଯାୟୀ, ସବଡେଗା ବ୍ଲକ ଘୁଟୁପଡା ଗାଁର ଜଣେ ବ୍ୟକ୍ତି ତାଙ୍କ ସ୍ତ୍ରୀଙ୍କ ଅନୈତିକ ସମ୍ପର୍କ ଥିବା ସନ୍ଦେହ କରି ତଣ୍ଟି ଚିପି ହତ୍ୟା କରିଥିଲା। ଗତ ୩ ଦିନ ତଳେ ହତ୍ୟା କରି ବ୍ୟକ୍ତି ଜଣଙ୍କ ସ୍ତ୍ରୀର ମୃତଦେହକୁ ଘରେ ଲୁଚାଇ ରଖିଥିଲା । ଦୁର୍ଗନ୍ଧ ହେବାରୁ ସ୍ଥାନୀୟ ଲୋକେ ପୋଲିସକୁ ଖବର ଦେଇଥିଲେ। ତଲସରା ପୋଲିସ ପହଞ୍ଚି ମୃତଦେହ ଜବତ କରିଛି । ତେବେ ହତ୍ୟାକାଣ୍ଡ ପରେ ହତ୍ୟାକାରୀ ସ୍ବାମୀ ଫେରାର ହୋଇଯାଇଛି।